Europe-ah thlasik thlipui vangin mi 3 thi, US-ah khaw vawt vangin mi 11 thi

0
398
views

Europe khawmualpui-ah thlasik thlipui, Storm Eleanor tia vuah a tleh mek a, Spain ramah nupa tuak khat chu tuilianin a lak avangin an thi a, France ramah thing tluin mi pakhat a delh hlum bawk. Thli tleh avang hian hmun hrang hrangah hliam an awm nual bawk a, kawlphetha pekna hrui chatin kangmei a tihchhuah avangin, Corsica thliarkar-ah pawh mi engemawzat an hliam a, Switzerland ram chhim lama rel pindan pakhat pawh thliin a len thluk avangin hliam an awm nual a ni. Khaw chin thlirtute chuan he thlipui hi kum riat chhunga a nat ber \um niin an sawi a, Atlantic tuifinfiat vaukam velah tui a len an rin thu leh, \ek tla leh rial tam tak a tlak an rin thu an sawi. Thlipui thawk hian Spain, France leh Switzerland ramte bakah, Germany, Ireland, Belgium leh Netherlands-te pawh a nuai nasa hle a ni.
———–

United States-ah pawh khaw vawt lutuk avangin, mi 11 an thi a, vaukam hnaih hmun \henkhatah emergency puan a ni. Zanin emaw naktukah emaw vur leh thli na tak a thawh a ni a, inchi 6 leh 12 inkar vela chhah, vur a tlak rin a nih bakah, darkar khata km 96 vela chakin thli vawt chi a tleh rin a ni bawk.