Germany, Poland leh Czech Republic ah te June thla chhunga khawlum lai ber a thleng chho a, khawchin zirmite chuan Africa hmarlam a\anga thli lum tleh lut chu a chhan berah an puh a, ni thum lo awm leh tur chhungin khua hi a la lum chho zel dawn nia hmuh lawk a ni.
Spain ah chuan ram bial 11 ah degree 40 a thleng phak vek a, an ram hmar chhak lam hmun \henkhatah chuan degree 45 te pawh a kai chho a, Italy ah pawh degree 40 vel kai chhovin an ram laili leh hmar lam hmun \henkhatah te mipuite chu khawlum lutuk laka inveng fimkhur tura thurawn pek an ni.
Paris ah chuan zirna in \henkhat khar a nih bakah school exam nei laklawh lai te pawh exam hun sawn hlat a ni.
