Europe ram te’n nawr nasa hle mahse Venezuela President Nicolas Maduro-a’n inthlan \hat leh rawt a tum lo.

Spain, Britain, France, Netherland leh Germany te’n Maduro hian ni 8 chhung inthlan\hatna hun a hman loh chuan eptu pawl hotu Juan Guaido-a President lailawka an pawm tur thu an sawi a, Maduro chuan Venezuela chu Europe nena inzawmna nei a nih loh thu leh he invaunaa thu tawp pek a ni chu a pawm loh thu leh Europe ramte hian an sut leh a phut a, tuma vau theih a nih loh thu a sawi bawk a ni. Maduro hi Russia, Syria, Turkey, China, Cuba leh Bolvia te’n thlawp mahse, US, Canada leh ram engemawzatin Maduro hi President-a pawm lovin Guaido hi president lailawkah an pawm tawh a, heng thilah te hian Maduro chuan US hi mawhpuh berin Venezuela chu an thu hnuaia dah an tum a ni a ti a, US-in Venezuela-a oil company te a hrek chungchangah dan anga hma lak a tum thu a sawi bawk a ni.