He reform hi chanchinbu chhuahtute, media hmanga sumdawngte, leh lemziak leh rimawi siam mi te’n duh hle mahse Google tiamin Silicon Valley te erawh chuan an duh lo hle a ni. He dan thar hnuaiah mipuite sawi hlawh tak Article 13 pawm a ni a, he article hnuaiah hian copyright tel loa thil post a nih chuan tech company te mawh phurh tir an ni a, lemziak leh rimawi siammi tam tak chuan he article hnuaiah hian an thil siam, a hmaa a thlawna pek chhuah ni \hin chuan man a nei tawh dawn avangin an hnathawh man an hmu ve dawn ta a ni an ti a, lehlamah internet hmangtute chuan an thil siam social media-a zalen taka an post theih dawn loh avangin an duh lo thung a ni.
Strasbourg-a Members of European Parliament te’n hemi chungchang hi an sawiho hnuah member 348 in an pawm a, 274-in a duh lo lamah vote an thlak a, 36 an hai a ni.
