Europen Union President thar atan Italy mi, David-Maria Sassoli thlan a ni.

Sassoli hi kum 63 mi a ni a, tun hma chuan journalist a ni \hin a, Strasbourg-a EU inthlan thawh hnihnaah vote 667-ah vote 345 a hmu a, thlan tlin a nih hnu hian Sassoli chuan EU chu siam\hat ngai nasa tak a nih tawh thu leh, a dintute’n an thupui atan remna leh muanna leh intluktlanna an changchawi \hin chu an chhunzawm a ngaih thu a sawi a, tunhnaia EU-a tel ram hrang hrangte’n ralthuam an buaipui lutuk leh inlakbing an ching chu an kalsan a \ul thu a sawi bawk a ni. Great Britain chungchang pawh Sassoli hian a sawichhuak nghal a, Brexit chu EU tan rilru natna tham a tlin thute a sawi a ni. Sassoli hnaih bertu, Jan Zahradil chuan vote 160 a hmu a, an inthlauhna hi vote 185 a ni.