Excise Minister Dr K Beichhua-a’n Sorkarin Dry day a puan hnua tuna zu zawrh leh mek anih chhan chu High Court thutlukna vang a ni a ti.

0
273
views

Vawiina MNF Party office Mizo Hnam Run inkhawmah he thu hi sawiin Dr K Beichhua chuan, MNF in thuneihna a chan hnu rei lo teah Dry day a puang nghal a, hei hi a zuartuten duh loin High Court-ah an zualko a, Court in a ngaihtuah hnuah Dry day puan chhunzawmna chu tih tawp a ni ta a ni a ti a, tuna Zu zawrh leh chu High Court thutlukna vang a ni a ti.

Assembly Session neih hma pawhin ordinance hmangin zu khapna dan thar hman theih a ni a, hetihlai hian Mizoram sorkar chuan ordinance hi puang lovin zu khapna dan thar a duang mek a. Dan thar hi Assembly Session hmasa berah putluh hman tum a ni tih Excise Minister chuan a sawi nawn a ni.