Excise Minister in zu zawrh chhunga zu vanga thi zat sorkarin a chhin chhiah lo tih sawi mahse, Chief Minister, Pu Zoramthanga’n kum 4 kalta chhungin zu vanga thi chu mi 5,000 aiin an tlem thei lo hrim hrim a ni a ti.

0
1127
views

Vawiin Assembly session-ah Congress member, Pu Ngunlianchunga’n Zu zawrh a nih chhunga Zu vanga thi zat Sorkar-in a chhinchhiah loh thu tarlan a ni chungin Chief Minister-in kumin March ni 20 khan Assembly house ah Zu vangin mi 5,000 chuang an thi tih a sawi chu eng behchhana sawi nge tih a zawt a, hei hi chhangin Chief Minister Pu Zoramthanga chuan, Zu vanga thi zat hi a chiah chiah hriat theih ni lo mah se, mi tam takin nunna an chan phah tih chu thil chiang tak a ni, a ti a. Zu vanga thite chu tu chhungkua mahin an sawi duh lem lova, Zu in nasa vanga thin \ha lote pawh Zu vang a ni tih tarlang kher lovin thin \ha lo tia ziah mai \hin a ni a ti a, ama hriat lai ngeiin Pastor pakhat chuan kumin chhungin an Kohhranah mitthi 38 an awm tawh thu leh chung zinga 27 chu Zu vanga thi an tih mi tinin an hria tih a sawi a ni, a ti.

Pu Zoramthanga hian, Zu vanga thite chu an thih chhan zu vang tih ziah lan ni kher lo mah se, kum 4 kalta chhunga Zu vanga thi chu a lo berah mi 5,000 ai chuan an tlem thei lo hrim hrim tih chu a ngaihdan a nih thu a sawi a, Police zingah ringawt pawh Zu vanga thi hi mi 500 chuang an awm niin a sawi.

Excise Minister, Dr. K. Beichhua-a’n MNF member, Dr. K. Pachhunga zawhna a channa a\anga a lan danin, kum 2015 March ni 16-a Sorkar phalnaa Zu zawrh \an a nih a\anga MNF Sorkar-in a tihtawp thleng khan Mizoramah Zu Litre 3,70,30,041 hralh chhuah a ni a, Excise and Narcotic Department chuan Zu vanga thi hi a chhinchhiah lo thung a ni.