Vawiin khan Mizoram Excise & Narcotics Department, Anti-Narcotics Squad te chuan tun thla ni 11-a Khehpuam tia hriat lar Pseudo Ephedrine an man, an chhui zui zelnaah vawiin khan thahnem tak an man belh leh.
Excise Anti-Narcotics Squad te hian tun thla ni 11 khan Myanmar lam mi ve ve, kum 44 mi Pausuanthang leh kum 46 mi Thansiama te bakah kum 45 mi Lalhmachhuana Kawlbem, Champhai Dist nia inchhalte kut atangin Khehpuam mum 11,07,000 an man a. An mi mante hian a dang an thurukna nia an sawi, Maubawk rama Nghaltan Zau atangin vawiin khan Khahpuam mum 2,05,488 an man leh a ni.
Khehpuam neitua puh mi pathumte hi ND&PS Act tlawhchhanin thubuai siamsak an ni a, tunah hian Central Jail-ah an awm mek a ni.
