Excise & Narcotics Minister Dr K Beichhua-a’n Mizorama zu khapna dan thar duan mek chu Assembly Session hmasa berah putluh a ni dawn tih a sawi.

0
376
views

He thu hi vawiina Rangvamuala Excise & Narcotics Out Post a hawnnah sawiin Dr K Beichhua chuan, Mizorama zu khap kawngah MNF sorkar chu a hnungtawlh dawn lova, hmalam panin a kalzel dawn niin a sawi. Dr K Beichhua chuan, zu leh ruihhlo chu Mizoram mipuite \ah leh rumna thlentu a nih avangin a do kawngah sorkar in chak takin hmalak a tum a ni a ti a, sorkar thil ngaihpawimawh 3 zingah zu leh ruihhlo do chu a tel tih sawiin an hmalakna a hlawhtlin theih nan mipui, tlawmngaipawl leh Kohhran te chu sorkar hmalakna thlawp turin a sawm a ni.

Excise Minister chuan, Rangvamual chu Mizoram kawtchhuah pawimawh, a hmel lan dan ti lang tu anih avangin mawi taka a lan nan thil tih tur tam tak a awm niin a sawi a, Sorkar hmalakna thlawp turin Rangvamual mipui te a ngen nghal a ni. Dr K Beichhua chuan, nikum December ni 18 a\anga dry day sorkar in a puan, kumin March ni 31 thleng awh tura duan chu zu zuartuten High Court -a an khin avang leh dry day chu Court in a tihtawp tak avanga Sorkar duh dan tihpuitlin theih a ni ta lo chu pawi a tih thu a sawi a, zu zawrh tihtawp chu an thil tum pawimawh zinga mi a ni tih a sawi a ni.

Inkhawm hi Excise Secretary Pu KT Beicho an a kaihruai a, hetah hian Excise Commissioner Pu Ngurchungnunga Sailo, Central YMA a kumpuan Chairman Pu R Lalngheta leh mipawimawh dang te an tel a ni. He Out Post ah hian Excise Officer kaihhruaiin sipai engemaw zat an duty reng dawn a ni.