Likud Party hruaitu Netanyahu hi exit poll pathumah chak zawk tura hmuh vek a ni a, seat 36 emaw 37 emaw la tura ngaih a nih laiin Gantz-a party Blue and White alliance chuan seat 32 emaw 34 emaw la tura hmuh a ni a, hetihlai hian Likud party leh a thawhpuite hian mahni-a ro relna khawp member erawh an neih phak a inawm loh thung. Tun \um inthlanna hi kum khat pawh tling lo chhunga Israel-a inthlan buatsaih vawi 3-na a ni tawh a, party lian pahnih khawi mah mahin member 120 awmna parliament ah majority an nei phak lo a ni.
Kum 70 mi, Netanyahu hi Insrael hruaitu lu dinhmun luah rei ber a ni tawh a, a term 5 na chelh leh a tum mek a, kum 1996 a\anga 1999 chhung khan Prime Minister a lo ni tawh a, a hnu kum 2009 a\ang khan Prime Minister a la ni chhunzawm ta zel a ni.
