Fakselna 10th October, 2018

0
507
views

Inthlan dawnah Model Code of Conduct Rules hi an puang ve ziah a, MP/MLA election-ah hian State tina party hrang hrangte hian bawhchhe tawnah an inpuhin an inhektawn ziah bawka, hremna tak tak hi a awm lo emaw ni? Sorkarna siamtute hian term pum hi an luahlum ziah tho \hin.
LB-a pa
————–

Kan ram hruaituten inthlan dawna mipuite hnena vote zawn nana khawngaiha ram tana hnathawk turin hnathawh kawr hak tir leh turin min sawm a, hnathawh chu khawi lam, zu thlawr kawr ha leh tur hian \halaite leh kohhran mipuite hian kan ring tawh lo che u.
8258970455
————

Kan pi leh pute chuan ‘Belruak apiang a ri a ring \hin’ an ti a, hei kan hma maia Zoramin Assembly inthlan kan hmachhawn turah hian bel hlui lian tak pahnih Congress leh MNF bel ruak, a chhunga SEM policy leh Manifesto chauh awm te chu mipuite tana ninawm khawpin an rawn inthum rawn leh ta tluk tluk mai le! Zoram mipuite hian heng ri te hi BEL RUAK ri mai an ni tih leh tuna kan ram dinhmun min thlentute hi an ni tih hi kan hriat a hun ta hle mai.
Heng bel hlui ang hi ni lo, ZPM bel thar diai, a chhunga \awng chauh ni lo, thawhrimna leh taihmakna Zoram hmasawnna tluantling awmna bel ngei hi Zoram mipuite hian a awm ve a ni tih hi hria ila, full support i pe ang u.
Jonathana Pu
————

Tunlai chu two wheeler taxi an fak awm hle. A chhan chu phurh an nei a, mi an pel thuak thuak lo va, phurh an neih avangin an tlan fua fua lo hi an \hatna a ni.
8974797283
————

Vanglaini chanchinbu hi sport column an titam em em a, music column phek khat pawh an zuah ngai lo. Music lam hi news an nei vak lo zawk nge? Music hi han titam deuh teh se.
Mama
———–

Ruihhlo, ralthuam tawlhruk avanga zan khat thilthua hausa thut te hi khawtlang leh veng chhungin hausa mahse kan ngaisang ngai lo ang bawk hian kum 1 pawh tling lova sorkar thut tum ZPM te pawh hi ngaihsan loh kan inzirtir a hun ta hle mai. Dik taka hlawhtling tur chuan kum tam tak beih fan fan a ngai \hin a. Hetiang, zan khat thilthua hlawhtlin thut tum hi kohhran ang zawng pawha kan do a ngai a ni. Hetiang lam support-a kohhran/kan evangelist ten \awngkam an chhakchhuah phei chuan kan Kristianna hi inenfiah kan ngai nasa hle a ni ang. Bible pawn beka thlan tui luang zawih zawih khawpa thawka hlawh hmu turin min zirtir \hin a ni lo em ni? Aw, Kristian kal fimkhur rawh.

RUATSANGA RENTHLEI
————–

BSNL net han chak loh dan em em hi offer \ha tak siamin mipuite min bum a ni ringawt. Zan tir lamah a hman theih loh tlangpui. Hetiang a nih reng dawn chuan ka pawisa hi ka la let tur a ni. Dan hmang pawn hetiang em ema vai hovin kan rama min bum leh kan sum min chhuh hi i phal lo ang u. Mi ramah net chak ber nih tumin hma an la a. Kan ram hi hawh u i harh ang u. Hah taka kan thawhchhuah hi vaiho net chhe lutuk min pek hi \angrualin kan siam \ha thei a sin. Kan en liam mai chhung hian nuam an tawl a kan pawisain, phun lungawi hnam kan nih tih hi an hrechiang a, chuvang chuan i harh ang u. CYMA hmalakna awm tak pawh a ni sin. Anni an han chet hi chuan helai Fakselnaa vui ai chuan kawngro chu a su chuang khawp ang le.
9436910244
————-

Political party nge party politics? Tuna kan ram rorel dan en hi chuan party politics rorelna a ni. Kum 10 chhung chu Congress party ni ve lo tan chuan engmah beisei ngam a ni lo. MNF party hi lo sorkar ta se phuba an la ngei dawn si a, an \awngkamah a hriat vek a ni. Congress nen an dang chuang lo.
9366007460
————–

Sorkarin lirthei neitute an lirthei dahna tur hmun nei vek tura a tih laiin, veng \henkhat Local Council ten kawngpui zau lai apianga man chawia lirthei an dah (riah) tir \hin hi chu a ngaimawhawm takzet a ni.
7005970535
————–

Congress MLA bangta te kha inzak lo ngawt mai. A hmaa in lo awm tawhna inchhuahsan ta chenga, inrel nghal ngawt mai le. In inhampuarna a lo ni tawh \hin a, khatia tih kha chu hmeichhe \awng thei deuh nen indanglam lo. In luhnate khan engtin tak ngai ang che u maw?
8974807431
————–