Fakselna 11th August, 2018

0
496
views

ZORAM THAR ho hian unit pawh din lovin member pawh siam lovin tu party mah sawisel emaw, do lovin kan ramah Lal Isua LAL ram a ding dawn tiin an au mek a. Hei hi politics danglam tak, kan rama kan la hmelhriat ngai loh chu a ni phawt mai. Hei hi Kohhran mipuite \awng\ai chhanna a nih loh chuan eng dang nge kan beisei chuan ang le? Kan ram politics bawlhhlawh lutukah hi chuan beiseina kan nei tawh si lo. Zoram Thar hi belhchian deuh a \ha lo maw? Lalpan kan ram damna tura a tirhte kan lo hai palh ange.
9862578631
—————

Inthlan a hnaia, hmingṭhat la tawk velin eng eng emaw ‘hnathawh zo’, ‘a hawng’ tih vel a tam chho leh ta hle mai. Hman hmana lo zawh tawh tur leh chhawr theih tura lo hawn daih tawh tur pawh chawpchilh zetin an hawngin an zo rup rup ta mai. Mipuite hi bum kan lo va nuam tak em!

Taka, Congress chhungkua hi an buai riau mai. Phel leh law law sela a ṭha zawk ang em aw ka ti vel mai mai.

K. Hautea
————–

Aizawl motor tam chhan hi hengte hi a ni thei ang em? Mahni motor neih sa tlan loh nia tlan tura motor thar an lei belh zel thei te, Rental permit pek chhuah leh Two wheeler permit pek chhuahte hian motor thar a ken tel ve zel avangte hian Aizawlah hian lirthei a pungin kan mangan phah zawk a ni tawh mai em le? Sorkar pawh a inenfiah a ngai khawp mai. Vote zawn nan te hian heng Permit te hi pek chhuah loh hram ni bawk se.
LT Ralte
—————-

Mizo hla leh Mizo zai dik tak leh Mizo hla dik tak leh a thluk dik tak chu Lallianmawia Nite-ah hian a la chiang ber mai a nih hi a. Ngaihthlak a nuam thei khawp mai.
8730820304
—————-

Australia-ah chuan khawkheng vangin kuthnathawktute dollar maktaduai tam takin sorkarin a \anpuia, kan ram ang hi ni ve ta se, kan sorkar hi eng ang takin che ve ang maw? Kuthnathawktute kan retheih em em chhung hi chuan engtikah mah kan state hi a changkang lo ang. Mi ramah chuan thlawhna ten thlai chi te an han thlak er er mai a nia. Kuthnathawktute intodelh hun hi a va nghahhlelhawm tak em. Kei zawng kuthnathawktute dah number one tu ZPM hi ka vote lo thei lo a ni.

DINGTEA KHIANGTE
—————-

Zonet-in Zofate chet tlatna chi hrang hrang, Aiawt chiah a\anga IAS pachal kawmna te, ram pawn Zofate chenna kalchilh te etc. video clip nena inrawn tichhuak \hin hi a \ha thlawt e. Mahse, Tuikuk inzu luhchhuah video clip hi chu a fuh lo takzet. Mizoram hi Zofate ram a ni.
LB-a pa
————

Chief Minister seat Pu Lal Thanhawla’n Pu Laldenga hnenah a kian tih hi ka’n sawi chiang teh ang. Pu Laldenga kha Brig. |henphunga Sailo khan Chief Minister seat a kian phal lova, MNF rammuten PC hruaitute a tam thei ang ber thah tur a ti a, PC mi leh sa tam tak thah phah an ni. MNF hotuten ramhnuaia awm an peih tawh lova, CM kian thei awm hun a lo chhuah duh MNF hotupa Pu Laldenga hnenah Pu LAL THANHAWLA’N a kian ta a, tichuan MNF ho chu ramhnuai a\angin lungawi leh lawm takin an lo chhuak. Tichuan, Congress Party chu MNF chuan tumah an that ve lo. Congress hotute thiltihah MNF an lawm hle tih a chiang.
Chhuanawma
————–

Ram intodelh nan a pawimawh ni lem lo. Halpuah khap, vaihlo zuk loh tih ang renga kan CM, Minister-te TV hmaa an lo buai ve em em hi chu ram vei tan thaw an ti veng lo ngawt mai. Central pawisaa project kan neih, hna hrang hrang kal mekte hi rawn pholang se, lar an duh leh Media nen a hmunah kal \hin se, hmuh an nuam deuh ang.
9774377231
————–

Mizo IDOL endiktuah hian zawnglai hi chu ni lo hram se a va \ha ve aw. Nupui pasal an zawn kawngah an tan chance a \ha bik lutuk. Bakah an rei tawh chuan an inti thu lutuk a, zawnglai an nih te an intheihnghilh vel.
8974797283
————–

Inthlan a hnai leh ta, kan hnung kum hnih, kum thum kalta a\anga kan beisei tawh inthlana vote hmuh tam duh hisapa tunhnai maia min han tih sakte hi aw min hmangaih vang ni lovin an \anghma mai a ni. Kan hrethiam e, kan tawrh tur ang ang chu kan tuar tawh. Zu zawrh han tawp leh hnuhnawhte pawh hmasang a\anga a \ha lo tih Bible pawhin min hrilh tawh kan enchhin tih velte hi chu kan hrethiam phak ve a sin. In zu in chak vang leh sual vang mai mai a ni e.
9436958149
————–

Kumin MLA inthlan chu engtiang chiahin nge mipui rilru suk thlek dan hriat a chakawm ta khawp mai. Sorkarna siam ngei tumin party tin te an inbuatsaih ta mup mup mai chu a nia. Keini Aizawl West III-ah chuan unit hruaitu mi tlemte ten vengchhung development lo kal chhun ang ang chan zel an tum si a, heng ho tlemte te bak inthlanniah pawh feh chhuak tur an awm ngut ange maw?Party dang tan chuan Congress chu hnehsa an ni mai. Congress tan chance a awm lo. Candidate insiam duh lo law law rawh se. Free advice.
Lalhmunmawia pa
————–

Mi hlaphuah thluk sak danglam ching ho hian permission an la em ni ang aw? Copyright bawhchhia an ni thei em le?
LLKa
————-

Pu Hawla’n NLUP thlannaa YMA-te inrawlh niawma DDK chanchin thar ni 10-a rawn sawi kha kan vengah chuan YMA-te an inrawlh ka hre lo. YMA hi a bawl deuh a ni lo maw? Congress unit ho hlir a ni. Thawka phita YMA tih leh ngawt \hin hi zu tel lova ruihhlo do tir tumte nen a tih tam chi dawn em ni? NLUP thlan dan hi pa ber hian a hre chiang lo a nih hmel hle mai.
8730841016
—————

China ram hmasawnna leh changkanna chhan chu khawpui chauh vulh lovin, thuneituten thingtlang hmasawnna hna an thawk tak tak a. Ram an hmangaih tak tak a. Thuneihna an atchilh ve lo. Keini ramah ve hi chuan maw thuneih chaka te hian an thuneihna chu ram hmasawn nana hmang lovin lal deuha awm zel chakin, DAWT hmangin mipui bum an tum ngar ngar mai a ni. Sum tlemte sem leh ngawt hian a tichangkang lovang che. A semtute hian i dawn let za an hui \hin tih hre rawh.
Ramtea, Mizo ngat
—————

Kum 1998 khan MPC nen thawk dunin MLA 34 an nei a, kum 2003 khan anmahniin an chuh a, MLA 24 an nei leh a, kum 2008-ah Congress a mal din a, MLA 32 an nei a. Kum 2013-ah MLA 34 an nei leh a, an \hang a ni. Kumin inthlanah MLA 25 an neih theih rin a ni.
Lalrinfela
————-

Kawngsira motor dah/riah lo tura hmalak thar leh a va duhawm ve. Zanah leh zingahte veng hrang hrangah kal vel a harsa em mai!!! AMC leh Local Council ten hma han la thar leh teh u.
9436142037
—————