Fakselna 11th October, 2018

0
591
views

Mizo mipui chuan CADC leh Chakma te hi kan duh lo vek a. Mahse, thiltithei leh thunei zawkten an duhsak a, ram rorelna in sangah lal deuhin kan \huttir a, a buaithlak a nih hi. Chuvangin kan duh loh tlan takzet hunah awmzia a nei thei chauh ang. Tun dinhmunah chuan han tiviau \hin mah ila kawngro a su tehchiamin ka ring lo ve tlat.
8837489511
————-

Current hi a awm lo ngun khawp mai a. Current awm loh hian sorkarin sum a hlep an tih hi a dik tehreng em aw? A nih tehreng chuan engtia tih chi nge ni tehreng le?
7085514555
————

Kum 30 teh meuh min lo hruai tawh te hian Chakma District vote hmuh tam duhna avangin District an lo pe kher kher hi mipui kan buai phah ta a nih hi maw le!
ZOHMANGAIHA
————-

Pathianin a hnam thlante Mosia hmanga a hruaina kawngah khan Mana leh Vahmim NLUP a sem a nih kha. Jordan lui an k^n hma, luiral a\angin NLUP chhang leh Vahmim a sem tawh lo, mahni thawhsa an ei tawh a nih kha. A thlawna kan dawn tur chu Chanchin\ha hi a ni.
RZA Ralte TD
————

A thlawna thil sem sawiseltute hian an dawn ve loh vang mai maiin an sawisel niin ka hria. A dawngtu han nih chuan lawmawm tak a ni. Kan Lalpa pawh khan a thisen kha a thlawnin a lawm min sem.
9436754005
————-

Thingsul khua hian Saitual District-a tel kan duh ve lo a nia. Kan tel dawn ai chuan kan vote dawn miah lo che u.
9383317017
————-

Tunlai Zoram politics hi inrel ringawt maiin kan khawsa a, ka’n sawi ve a nge kan insawisel ta sa sa. Pu R. Lalzirliana khan a awmna hmasa kalsanin MNF-ah a lut dawn a ni awm a, a awmna turte khan engtin tak ngai ang maw? A rilru hre vektu te an ni âwm si a, phakar an ti ngawt ang.
Terini pu
————

Ruihhlo, ralthuam, eiruk avanga zan khat thilthua hausa thut te kan ngainep ang hian hetiang ang chiaha ZPM kum khat pawh tling mang lova sorkar thut tumte hi kan ngaihnep a va hun em. Kohhrante pawhin hetiang mi, teirei peih lo, hlawhtlin thut tum ho laka inthiarfihlim tura kan inzirtir a ngai takzet a ni, ringtu dik tak kan nih chuan. Bible chuan rim taka thawka hlawh hmu turin min zirtir si a.
RUATSANGA RENTHLEI
————

CADC \hiah leh Chakma foreigner hnawhchhuah hi kan duh tak tak a nih chuan CADC petu Congress party leh Chakma Nation tiamtu MNF party kan hnawl ngam a va hun ta em! Candidate te \awngkam social media dangah pawh hmuh tur a tam khawp mai. Hawh u, Zoram mipuite hian chik deuhin i ngaituah tlang teh ang u. Tun inthlan hi a pawimawh khawp mai. I fingin hnam thilah hian i \hangharh tawh teh ang u.
Pa Ena
————

CADC \hiah a nih theihna tura kawngzawh kha TV-ah ka lo thlir ve a, Zonet palai nge nula lukhum khum khan MZP President zawhna a zawh khan “Mi tam tak sawiselna karah hetiang ruahmana hi innei a” tih kha a zawt a, Central YMA hruaitute zawhna a zawh khan support lotu tam tak an awm kara hetiang kawngzawh inruahman hi eng nge a chhan tih te kha a zawt a, Mizo mipui zingah CADC \hiah duh lo leh support lotu tam tak an awm ang khan a sawi a, kha zawhna kha a va mak ve ka ti a ni. Mizo mipui zingah khatiang ngaihdan nei kha tam tak an awm nia ngaih theih tura zawhna siam kha a hnam rilru lo hlein ka hria a, kha zawhna kha a timing lo hlein ka lo hria a, \an a nat tehlul vei nen ka ti a ni. Hetiang hnam issue lian thamah hian Media lam palaite hi an fimkhur a ngai hlein ka hria. Kha Media palai kha Chakma a ni ru reng lo maw tih te pawh a ngaihtuah theih rum rum a lawm le.

MESAKA PA
————

MNF hun tawn leh sakawlh number rawn sawitu khan khawngaihin Bible lo chhiar chiang leh la, sakawlh hi tunge a nih lo zir \ha leh hram teh.
Dindina pa
————

BJP hi Kristian te tan chuan awmna chi a ni lo in ti maw? Mizoram mipuite u ka hrilh a che u, mi sawiselna zawng zawng hi i awih vek zel dawn a nih chuan Kristian i nihna hi a va derthawng awm ve maw le. Kristian dik tak tan chuan hlauh tur engmah a awm lo ve. Thlamuang takin rawn BJP ve zawk mai teh khai.
JK Mungtea, Ngaizawl
————-

Chakma Autonomous District Council petute tan chuan HNAR a va lian duh dawn ve le!
8974771496
————-

Kei chu Congress bawk hi a \ha ka ti. Hei baka mi rethei sorkar a awm dawn em ni? NLUP vul zel rawh se.
9612229736
————-

Kum sawmhnih chhunga kan ram roreltute ka ngaihtuah a, Pu Zorama rorel dan ka la chianga, Pu Hawla rorel dan phei chu ka chiang lehzual. Vote tur midang ka duh ngawih ngawiha. ZPM hi duhthu a sam zat lo chung hian danglamna beiseina avang chauhin kei leh ka chhungte chuan kan vote dawn. Kan tihfuh leh Zoram tan, fuh loh pawhin ngai kan awh a ni mai.
8974941285
————-

RUATSANGA RENTHLEI kha politics awmzia i hre lo hle a, tehkhin tur leh politics in lum let dan man miah lote zinga mi chu i nih kha a. Pathian thu nente ila rawn sawi zawm lehnghal a. Delhi-ah chuan i party sawi hlun lutuk ang chi Congress tih vel an nin tawh lutuk vangin party thar, Aam Admi Party, kum 2012-a din chuan 2013 Delhi inthlanpuiah seat 70-ah 28 an la thei a, 2015-ah phei chuan 70-ah 67 tawp an la a ni tih te hi ila hre ve lo a nih hmel. Chutiang bawkin France ramah chuan 2016-a din party chuan 2017 inthlanpuiah hnehna an chang. Chutiang bawkin businessman Donald Trump pawh US President a ni thei. A dang pawh a la awm nual ang. Party thar leh mi thar hi an \ha ber tihna ni lovin ram changkangah chuan party hlun ringawt hi an \hat si loh chuan paih thlak nachang an hria a, party thar, mi thar, mi \ha an thlang tling mai a ni.
7005159154
————

Kan ram hi Pathian thu ang leh a duhdan anga kalpui tur chuan tuna kan party hruaitute zingah chuan a beiseiawm lo. ZPM pawh hi lal se an dang chuang lovang tih chu bial vil tura an dahte chet dan a\ang hian a lang. Suma inlei tlin tum an ang ber.
Duata pu
————-