Fakselna 12th December, 2017

0
752
views

TV leh chanchinbu lamah DAWR fakna kan UAR em em a, a lawmawm khawp mai. Mahse, chutianga infak thiam em emte kan va dawr tak tak chuan rin an ang lo \hin khawp mai. Min lo ngaihsak \ha peih lovin, min lo welcome \ha duh lo \hin zel mai. An infakna leh min lo dawnsawn dan a inpersan lutuk tlat. Engatinge kan Mizo dawrkai ho heti em ema an chapo mai le? Mi rethei leh mi hausate inang khat a lo ngaihsak an inzir thar a ngai khawp mai. Chuti lo chuan e, vai dawrkai ho kan pan lo thei lo a ni ber mai. Advertisement chu ti tho la, mahse maw customer care kha ngaihthah miah tawh suh ang che.

Customer-a

————–

MS Chhakchhuak kha ka’n chhang lawk. Mizote hian sum a hlawma hmuh hi kan la zo lova, midik leh taima chuan NLUP sema installment hi an \hatpui khawp asin.
LB-a Pa
———-

Pu Hawla ang hi chuan Mizoramah hian Chief Minister ni rei ber ni ve ila chuan India rama state hausa berah ka siam ang maw le. Tuna kan thlen chin hi chu opposition ho sawisel vak vak ringawt hi a la nia, hmasawna ruhrel lian tham dinpui tur hian Zofate hi hma min lakpui zawk sela chu zu pawh hi kan zuar duh lovang maw le. Mitdel chuan mitdel bawk kawng a kawh hmuh chuan kawng dik lovah an kal mai. Chutiang deuh chiah chu kan ni e.
9612560247
—————-

Tunlai hian City Park velah hian ruihhlo buaipui hmel an tam leh ta hle mai. Aizawl khawpui lun lai leh Zoram hmel lanna lai pawh a ni hial awm si a, heti taka hmel hmuh hrehawm pui pui an tam leh ta hle mai hi chu a ngaihtuahtu Deptt. lam leh a veng neituten \an han la deuh se a va \ha em. Aizawl khawpui hmai a ti mawk em mai!!
9436193805
————

Kan garage neih dan hi a va mak \hin ve. Zanah an dah bo diak a, chhunah kawngpui sirah kan dah leh diak a, zanah traffic a jam ngai lo, chhun hi a pawimawh zawk. Local Council te kha khawnge in awm tak?
9862356400
————–

Pu Modi-a Mizoramah a lo kal dawn a, kan ram tan malsawmna a thleng chho dawn a ni. Mizoram hi min chawikan a tum hle. A nihna takah chuan MP pahnih chauh nei kan ni a, kan tel lo hian central sorkar hi a kal nguah nguah thei. Mahse, kan ram hruaitute ang an ni lo tlat. Nakkumah MLA kan inthlang dawn a, tun lo hi vawi engemawzat a rawn kal dawn, coalition sorkar a pian dawn avangin hmasawnna thar tam tak kan hmu ngei dawn a ni. Kan ram zimte mipui tlemte chawikan hi a har lo lutuk. Kan ram hruaitu, kan Mizopui kristian intiten hei chen min hruai a, eng ruai kan ni lo, an lian thur thur mai a nih hi maw.
9612573684
—————

Sangkimi Khiangte hla sak ‘RM i hmangaihna’ tih hla F. Lalnunfima phuah hi kan tleirawl lai khan AIR Aizawl a\angin kan ngaithla \hin a. A chang hnihna ‘Mite chu kawp lai ‘D’ nen an leng e, laitual mawiin’ tiin a phuahtu Fima khan a sa \hin kha niin ka hria a. Tunah chuan a ni ta hauh lo mai. A hla thu dik min hrilh thei in awm mial lo maw? Ka lo hre sual \hin zawk em ni ang?
9862859675
————

Kan hunpui nghahlelh em em chu kan thleng leh dawn ta der mai a, veng chhung leh mahni inchhung khurah te buaina siam lovin engtinnge ka chhungte ka tihhlim theih ang tih rilru pu ran chungin he kan hunpui hi hmang \heuh turin duhsakna ka hlan a che u.
No. thup
———–

Ram hruaitu \ha kan duh \heuh, tunah hian ZPM an lo lang a, kan hruaitu hmasa 2 ai chuan an \ha hrim hrim ang. Mipui a\anga fiah tur a ni a, hruaitu \ha kan duh tak tak leh tak tak loh chu inthlan hunah a lang mai dawn a ni.
RK Sanga
————

Tlabung CHC-a rethei harsa te RSBY bill chhuak thei lo hi engtia tih tur nge ni ang? Bank-ah a pung umin an dah tihna a ni thei ang em? Chhui chhuak se, min pe ve tawh rawh se tih hi mipui harsa, BPL family te duh dan a ni. Khaw dangin an la an la bik si a. Hetiangah lehzel hi chuan Deptt. pawn ei tum ve kher lo se tih hi Tlabung BPL te duh dan a ni.
8732079803
————

Na chhawkna NLUP han sem leh tawh teh u a. Mass kawr mawi leina kan nei tawh lo. In rawn sem leh loh chuan BJP-ah kan inlet leh duak mai ang.
Congress pa
————

Bible House bul kawng chhuat hi BSNL Office leh Baptist House inkar Retaining Wall remin motor kal theiha siam theih chu a ni. Heti khawpa motor tawt leh intlanchhawk hnu pawha a awm mai mai reng hi chu a mawhphurtuten an ngaihthah vang a ni chiang khawp mai. Hma lak vat ka rawn rawt e, kan zavai atan.
ZOVA
————

Tlabung Hospital-ah hian ai kal vek hian engtia rei nge an la thawh dawn? Sawrkar hnathawk aikal lak khap a ni lo’m ni?
No. thup
———–

Tunlai zaithiam hoten Thlarau Thianghlim zara Pathian fakna hla kan neih leh kan serh hran bikte mahni duh ang anga a thu leh a thlukte an sa danglam vak vak mai hi chu Thlarau thianghlim pawisawina/hmuhsitna/ zahlohna/palzutna/sawichhiatna dik tak niin a lang. Kan sakhaw hruaitute hian inngaizam zel dawn em ni? Khap hmak chi niin a lang. Pathian fakna hla kan tizahawm loh zo ta a ni lo’m ni?
PC Pakunga, Kolasib
————

SEDP hi Congress-in NLUP “In chhung a\angin kan sem phawt ang” an tih ang hi a ni ve lo. YMA-in mi harsate a chhawmdawlna ang hi a ni a, bul \anna nei lote tan a ni. Congress party-in ham\hatna tura an sem ang hi a ni lo, a sema hmaa a chhe thei ang bera sawi ringawt mai leh lal ve hrim hrim duhten NLUP nen ang khata an sawi hi mipui bumna a ni. SEDP hi Zofaten ei leh bara hma kan sawnna tur leh Vawkte mawngping takngial pawh dawng pha ve loten beidawnna kara Tuaisiala’n a u hnem nana rulpui pumpuia \hi leh dar a zai ri ret ret ang kha a ni e.
Tlabung Uitangrual
————

7th pay chungchanga Pa Mawitea inti kha i ngaihdan kha ka ngaihdan (duh dan) a ni ve lo. 7th pay hi sorkar hna thawkte hian hmang ta se an hlawh a tam phah ang a, thil man reng reng a tam bawk ang a, keini ni tina inhlawhfa tan chuan 7th pay hi a hlauhawm. Kan nitin hlawh a pung ve thei bawk si lo. Kum 2007 a\anga tun thlenga kan ni tin hlawh Rs.250/-, Rs.300/- a la ni char char a, vawksa kg 1 man pawh kan hlawh pha tawh mang lo. Chuvangin kei chuan 7th pay hi chu hman loh hram ka la duh.
Thenzawl pa
————

MNF party, thu chauha Pathian leh kan ram \an titu, kum sawm thuneihna kan pek laia an khawsak dan kha Pathian leh kan ram tan an thawh loh dan leh mi tlemte tan chauh an thawk tih kan hria, lal leh tlak an ni lo. Congress pawh an lal rei ta, an \hatna hmuh tur a awm lo. Zoram khua tivar turin ZPM hi a lo ding ta a ni mai lo maw?
Ruata pu
———–

Congress party kum 20 deuhthaw ram hruai hna lo thawk tawh hian eng ruai min thlenpui lo. MNF lah hnam sipai an rawn chhuahpuite ngei pawh tilawm zo lo leh mipui bumna remchang atana Pathian leh kan ram tan tia mipui bum reng maite hi hnawl an hun ta. ZPM i thlang tawh mai ang u.
VL Ruata
————-