Fakselna 13th March, 2018

0
739
views

Nimin Bairabi kawng zawhnaa MZP President thusawiin tun kan buaina party anga hlawkpui tuma MZP dawr an awm thu a sawi kha thil zahthlak tak a ni. Ram leh hnam thil tak taka khatianga thil lo ti duh party awm ang chu kan hai lovang chu maw!!
Lalchhuana Renthlei
————

Firing order petu an suspend tih emaw, India hmarchhak unaute kan lamah an \ang tihah ka rilru a dam phah lo. MZP te hi a tirah chuan ka thlawp leh thlawp loh pawh ka lo ngaihtuah lem lo. Mahse heti tak maia vai dawihzep kut ka Mizopuiten an tuar a, silai nena ralthuam keng lo an han bei leh tlan chhe lo thei lova an awm ka hmuh hian ka lungril hi a kheia, tlawm thlak hi ka va han ti em. Hawh u, kan mualphona khuh tur hian ram chhanin i bei law law teh ang u. Tunge huai zawk chu i zuk fiah ang u hmiang?
Zo Tlangval, kum 48
————

Tuna Bairabi Zophai ramri buaina a awm tur thu hi kan Kohhran rawngbawltu pakhatin a lo sawi lawk tawh tlat a ni. Burma lamah pawh kan la buai dawn chauh.
8413030623
————

MZP leh MJA te thlavang hauh ngam lo Congress sorkar hi keimahni Mizote tho kan ni e. Tunah pawh MLA kan thlang leh dawn \ep tawh a, tam tak chuan taipawng pawngin in la \an leh dawn tho. A bul a fuh loh chuan a ler a fuh thei lo. Congress hi khawiah mah bial khat te-ah pawh thlan tlin tawh loh chi a ni e.
Davida pa
————

Mizo thinlunga na reh mai mai tawh lo tur chu MZP-ten chawlhb<k sa tura an kal kan sorkarin dang hauh lova a venhimna pe si lova, a sezawl chhuah tawp thei mai hi a ni ngei ang. Lo tihlum nual mahse pawi a ti lo em ni ang?
RK Sanga
————

Kan pute ho chu in lo mu tui mah mah a ni. Inthlan kum te a ni bawk sia, mark kan hmuh tlem phah em lo’ng chu maw? NLUP hi sem char char phawt mai ula kum tawpah chuan Assam leh MZP buai tih vel mai mai hi a reh leh vek mai ang. Mizo hote chu kan ti hluaia, a reh leh mai zel a nia.
Tawnvela
————-

Ram leh hnam humhalh chungchangah hi chuan Mizoram sorkar Lal Thanhawla kaihhruai hi chu an demawm takzet a ni. Lalna leh thuneihna an channa tur a nih phawt chuan ‘Chakma, Tuikuk leh ramri’ te hi an ngaimawh lo. Tun \um buaiah pawh hian Chakma, Tuikuk leh Assam vai hote hi an va lawm dawn em! Congress vote tlingtute zawng zawng kha kaikuna zah ngawih ngawih hun a ni e. Kan phu tawk PATHIAN in roreltu lal sual, ram hmangaih lo min pe a nih hi!
SANGA
————-

Kawng engkim maia Mizoram kan buaina chhan chu hruaitu phakar tak kan neih vang a ni. Heti chung pawha kan la hre thei lo fo a nih chuan tuar awm reng kan ni a, kan tuar zel dawn a ni mai.
Citizen
———–

Vanglaini chanchinbua Sports ziaktu hi chuan zanin Champions League inkhel tur a\angin English Club zinga a \an Club a hriat hle mai.
9774354495
————

Tuna kan ram, Mizoram leh Assam ten ram kan inchuh hi Mizo mipuiten harhchhuah nana hmangin, thinlung hmun khat, rilru hmun khat leh insuihkhawma kan \anrual theihna hmanrua lo ni mawlh rawh se. Eng dang a ni lo ve, Mizoram sorkar hian Assam sorkar hi a hlau em a ni.
8794519384
————

Bairabi ramri buai chungchanga vote chungchang tela Fakselnaa inrawn inlar \hin hi chu ram hmangaih aiin Politics in hmangaih hmel zawk mah mah a ni.
KALVARI LUI
————–

Mizoram leh Assam ramri chungchangah hian Mizo niha Mizo rilru put mai hi a tawk viau a ni. Political party zawng zawngte pawhin lo politicise loh a \ha ang. Mizo takin \anrual \hap mai tur a ni ringawt mai.

He ramri chungchangah hian tute nge duh khawpawm lova, demawm deuh tih leh tute nge fakawm deuh hlek tura sulhnu lo nei tawh tih chu mipuiin kan hre vek. A tithei tur dinhmuna dingten an ngaihtuahna an hman tawk loh dan te, an lo ngaihthah \hinzia te, an vei tawk \hin lohziate sawiin indem kual dawn ila khua kan tlai thlawn mai mai palh ang tih a hlauhawm.

State boundary pathum leh foreign border pahnih kan nei. Hei hi communication \ha tak vekin kan ram hruaitute hian development lo kalpuiin kawngpui \ha tak lo sial tlang riah ruah tawh sela chuan Mizoram hi heng State \henawm pathum leh foreign ram pahnihte hian mi an tlawn rawn tawh zawk hial ang tih pawh hi sawi thui ngai lovah ngai ang. Phengphe khua kan tlai hma hian Mizo takin ramri chungchang hi chu i ngaihtuah zawk mai teh ang u.

Political party zawng zawngte pawhin mahni ham\hat nana verther taka thiltih a hun tawh lo. Duh leh Mizoram chhung bikah chuan tling zawk nih inchuhin inbei rawh se. Ramri chungchangah erawh chuan inbeih chi a ni mawlh lo. Israel ram pawh khu anmahni huam chhungah na na na chuan Politics-ah an inbei ve nasa thei hle. Mahse, an ramri chungchangah kher chuan Israel an ni tawp mai. An party ham\hatna turin an inbei ngai lo. Inbeih chu sawi loh, kawi kâwm thin ang \hapin an \angrual dial \hin a ni zawk. An entawn tlak khawp mai. Keini Mizote pawh hi kan harh chhuah vat a \ul. Chuti khati vang a lawm tih nawi kual a hun tawh lo. Ramri chungchangah chuan Mizo i ni tawp mai ang u.
8974001739
———–