Fakselna 14th August, 2018

0
469
views

Inthlan a lo hnai leh ta. MLA tlin hlima induh tak tak, hmelhriat \ha sa pawh hre \ha duh lo, inchhuang larh ho hi an tling leh ang tih ka van hlau tak em. Lalpa titling lul tawh suh ang che.
Anonymous
————-

Tunlaia Mizo ldol intihsiakna kal zelah District tin programme kan ngaithlaa, an thiam khawp mai. Chutih laia inhmuhsitna \awngkam ni awm taka sap hming phuah tur vanlai hming han tih tak kha a tuartu tan a van na dawn tak em. Jugde-te hi zaithiam mifing an ni ngei ang. |awngkam hi fimkhur se a \ha khawp mai.
9485021582
————-

PRISM Party hi ngaihsanna riau ka nei ve tlat. Kumin MLA inthlan hunah chuh ve an tum a, an tlin ring lem lo mah ila PRISM ho hi ngaihsanna tak ka nei a ni.
An ngaihdan hi frank takin an puang mai a, mipui duhdan leh vote hui hnem thei tur lam aiin Mizoram dinhmun dik tak thlir chungin an duhdan an sawi mai a. District thar pek chungchangah pawh Mizoram sorkar sum dinhmunin a tlin lova hriain District pek an tum loh thu frank takin an sawi leh mai a. ZPM te, MNF te hi chuan vote hui hnem thei tur zawngin District pek an tum thu an puang thung. PRISM te hi ka vote kher lo a nih pawhin ka ngaisang ve deuh tlat nia.
David M Zadeng
————

Kan Kristianna ringawt hi chuan ram a siam \ha thei lo tih chu Mizoramah hian a chiang khawp mai.
Politics bawk hi a ni ram siam\hat nana hmanraw pawimawh ber pakhat chu. Kohhran rawngbawltute meuh pawn ram vei vanga politics an luhchilh a nih chuan kan ram hi a chhe ve tawh hle tihna a ni.
Ram hmangaihtu
————

Mi hmasate thusawi ka dawn chu hei hi a ni. Lushai Hills District member-te kha hnam chi hrang hrang an awm a, Pu Pachhinga leh Pu Bawichuaka te pawh Hmar an ni a, hnam hrang hrang awmkhawm hnam khat anga an luanza theihna turin District Council chuan Mizo tiin District hming thlakin \awng pawh Mizo \awng tiin an thlak ta a ni tiin an sawi \hin. A dik ngei ka ring. Thuneihna tel lo chuan District hming leh hnam \awng an thlak theih ka ring bawk lo. Hnam tin huap zo hming leh hi Lusei/Duhlian \awnga chantirna kan tum hian hnam tin hian mahni \awng tundin duhna a thlen thei. Kum za tam awmkhawm tawh \awng infin khawm hi hnam pakhat \awng anga dah tum hi a rem lo. Hawh u, Zohnahthlak \awng zawng hi Dictionary pakhatah i khung lut vek mai ang u. A hre lo chuan dictionary rawn ang hmiang English ang hian.
9612113319
—————-

A nawlpui hian Zoram kal siam\hat loh hian sorkar hi kan han dem ngawt a, a nihna chu a awm teh meuh mai. Mahse, mipui hian kan thlantlinte ngei pawh kan sel leh vak vak a, ram hmangaih tawk lo tiin.
Mipui hian mawhphurhna kan nei tam zawkin ka hria. Party ruihchilh leh mahni tana ham\hatna lo beisei ve phet ho hian ram hmasawnna an ti \huanawp zawk. Sorkar dem kual vak vak lo leh party-a buai lo hian kan bial tina candidate eng party pawh nise ram tana \ha tura kan rin hi i vote mai ang u. Mahnia ham\hatna lo beisei ve chhen hian ram hmasawnna a thlen lo. Politician mahni \anghma hai nen thuhmun reng kan ni.

MARS SAILO, MISSION VENG
————

Tunlai hi Pu Lalduhoma lar vanglai a ni ang. Inthlan zawhah a reh daih mai hmel.
8974797283
—————

MIMER chungchangah hi chuan MNF bul \an leh building satu an nih hi phat rual a ni lo, an fakawm thlawt. Mahse, bul \an \ha si, a tawp lama an zuih san leh lutuk kha chu a zahthlak. Congress-in a cheihnuma a lo puitling ta hi a lawmawm. MNF term hmasaa Central Minister lo zinin India State-ah nangmahni chauh Medical College nei lo in ni, ka pe ang che u a tih tawh kha a nia. Tuna kan nei ta chauh erawh hi chu a tlai tawh hle naa, a lawmawm e.
RK Sanga
————

Pu Duhoma te inbiakna leak out-ah khan Pu Duha chuan BJP-te hnenah MNF te hi inpuih chuan nangni in te tawlh tawlh ang a, MNF-te chu an lian thung ang tiin a sawi theih awm e. MNF-te chu hnam thuthlung, Mizo Nationalism kengtu an ni a, inchelh lovang tiin sawi a ni a. Han en mai pawh hian ZNP party pawh hnam thuthlung kengtu an ni lo tihna a nih chu. Hnam thuthlung kengkawh tlattu MNF party a\anga chhuak, pawl chhuak party tihna a nih chu. A lem maia Nationalism sawi ve mai mai an nih zia an pu ber inbiakna leak out a\ang khan a hriat vek a lawm le.
Chawngbawla
————

Eng kan tinge Pathian thu \ha tak tak kan sawi a, kan ngaithlaa, politics lamah lah thu \ha pui pui kan sawi a, kan ngaithla bawk a. Thu tisaa a chan dawna kan thusawi leh ngaihthlakte hian awmzia a neih theih hauh loh aw? Kristian ram kan inti ve fo si a, Kristian ni lote nen kan duhdan a thuhmun \hum ta mai zawng a nih hi. Vai kawr kan ha hawh anga, kan rilru Mizo tak tho siin ti khan party \henkhat khan min zirtir \hin a, vai kawr kha kan ha tui ta lutuk a ni lo maw?
Liana
————

Ram hruaitute lah chuan ram zimte pawh an chingfel thei mang lo chu a ni si. Zah lah chu an zak der si lova, zah chu sawi loh ramhruaitu nih tum lehin, mi bum tumin an hmanhlel leh nasa tawh mai si a, ka luak an tichhuak hlawm em mai. Mi \ha, Pathian \ih mi dik tak chu an awm mawle. Mahse, kan duh hlawm hek lo, an lo lal leh a ni pawn kan at man kan chawi seng lo a ni mai.
No. thup
————-

Mizote hi kan pipute a\anga mi taima, mahnia intodelh tum tlat, lo neia eizawng \hin hnam kan ni a. Tunah zawng kan ram politics kalsual avangin nawhchizuar ang maiin loh theih lohnain kan Zo nun zemawi a bo \an ta. Chumi khaichhuak tura eizawnna bul \an nana NEDP Pathian leh kan ram tan ti tuten an lo duan hi a ropuiin, Zoram tan leh Zohnahthlak zawng zawngte tana vanneihna a lo nih ngei theih nan Lalpan malsawm zel rawh se.
Tlabung Uitangrual
————

Mahni fate sum hmanga thlem ching chuan fa lak tlak a nei ngai lo ang hian sum sem ching ram hruaitu chuan ram hmasawnna a thlen ngai lo ang.
Zo Nehemia
————–

Mizo Idol-a mi, tlangval Duha, Lungrang a\anga zai tura Lunglei khawpui hial rawn rap kha a zaithiam takzet a ni. Mahse, eng vanga tla nge a nih?
8974587824
————

L. Malsawma Colney kawmna, A LANNA TLANG DANG han chhunzawm zel teh u.
Lalsawma Ralte, Darlawn
————-

Chanchin thar ngaihthlak apiang deuh thaw maia Bru chungchang lang reng mai hi a khamawm ta hle mai. Kha chen kha Mizorama an lo luh leh theih nan buaipui an ni tawh. Tun thlenga buaipui an la ngai hi an lo kir duh lo tihna a ni mai lo em ni? Nge sorkar hian vote lamah \hahnem an ngai zawk? An tel lo hian Mizoram hi kan kal thei lo zawk? Ka ning tawh khawp mai.
9856582916
————-

Vanglainia ‘Zu policy’ tih HC Vanlalruata ziah kha a va \ha ve. Kan sorkar hian zu kan zawrh a\ang hian thi kan tam tawh khawp mai. Mahni buh um \awih hi in tam tawh ila a \ha mai lo maw?
MS Pachuau
————–

Zonet Fakselna hi regular taka lo thlir vetu ka ni. Politics inchirh thehna lam hawi hi a khamawm ka ti khawp mai. Kan ram tana thil \ha, hmasawnna lam hawite, mipuite tana \angkai tur ang chite hi uarin hmasawnna kawng inkawhhmuhna lam hawi hi i uar teh ang u. Party insawichhiatna hi chu a khamawm hluah hluahin ka hria. Ramhlui zia kalsana hmasawn lam pan i tum teh ang u.
9436147113
————–