Fakselna 14th March, 2018

0
775
views

Enga tinge MZP-in Zophai lam kal chu an sawn leh tak mai chu aw? A sarhu lai hian tih vat tur asin. State dang support pawh kan hlawh viau hi a zuzi leh vel mai mai a nge.
9862356400
—————

Kan sorkar hotu, Congress Leader te, a bik takin Pu Zira hi a va zakthei lovin a va’n paurau ve le. Mizo mipuite hi min ngai mawl lutuk deuh lo maw le aw. House chhungah a member pui ngei a hmingin a la ko zui!!
8414883986
—————

Mizoram mipui chuan kan thu kan duh hlawm lutuk a, kan at man kan chawi seng ta lo a nih hi. Thlan loh lo tur kan thlang zel mai si a, a rah a \ha lo hle mai. Lal Thanhawla te chuan engtin nge Mizoram a hmangaih theih tehlul ang? LAL nih hi nuam a ti ham ham khawp. Lalna chiah alawm a duh. A thenga thawngAH pawh a lut nang. Tuna kan boruak hi tenawm lutuk, rapthlak lutuk. Mahni Mizopui ngei mai thlavang hau theih dinhmuna a ding chung pawha a han hauh duh miah lo mai hi a va rapthlak em.
No. thup
————–

Kan zirlaiten hliam tuara silaia an kah avanga rilru naa vahmim parawl ang maia rum nak alai, kan sorkarin an thlavang hauh lova an paihte falveng \hut veng veng mai kha chu han lal leh tlak emaw an nih le?
9862450070
————–

Ka’n chhut vang vangin BJP hi Kristian te tan hlauhawm a nihna lai ka va hre lo em. Ka lo hlauh deuhna ber mitinin Bank Account neih tur, Aadhaar Card neih tur an tih te hi, kei mimawl ta chuan thupuan ziak nen ka lo dawhzawm a, hei hi a nih hi BJP hlauhawmna chu ka lo ti a. Kan mithiam ten Aadhaar te chu a hlauhawm loh an tih si chuan a eng ber nge hlauh tur ni ta le? Congress ho tan chuan an hlauhawm khawp mai. Kristian dik tak tan hlauh tur a awm lo ka’n ti ve a nge aw.
Peka pu
————-

Tunlai kan buaina hi Politics-a inchirhtheh nan leh ham\hat nana hman tum lo turin an sawi \hin a, kei ka ngaihdan a ni ve miah lo. A tidik lotu chuan an tuar anga, MLA kan thlang leh \ep tawh bawk a, ramri chingfel thei tur leh Mizo hnam humhalh ngam sorkar kan thlang chhuak ang chu. Democracy ram kan ni a, tute emaw chuan an \hat pui anga, tute emaw chuan an tlakpui ve bawk ang chu. Khawi a\angin nge maw ram hi kan siam\hat chuang ang le? Sorkarna fawng vuantu tan lo chuan a siam tak tak theih si lova, dem tur dem ngam, fak tur fak ngam hi kei chuan ka mi ngaihsan an ni a, dem tur khuh bo tal tum hi ka ngaihdan a ni ve lo e.
SANGA
————

Kan pute hi an che tlai thei si a, Mizo tlangvalte kha lo inring rawh u le. Assam Police-te do turin inpeih a hun ta e. Mizoram hmangaihtu inti tawh phawt chu \hanharh a hun tawh e.
Fakzela
———–

Bairabi Zophai hmuna ram leh hnam chhan nana Assam Police te hliam tuartute zawng zawng hi THANGCHHUAH KAWR leh DIAR hlana chawimawina hlan ngei tur niin ka hria.
PK Pachuau, Kolasib
————-

Ram hmangaih bertu niawm fahran, ram hruaitute rawn ^n khum vak vak ho hi an bula awm a hrehawm ngawt ang. An duh ang hian sorkar hian Police tir se chuan nunna kan chan ngei ang. Kan hotute an thluak a nem a, an lo thlir thuiin an fakawm ka ti.
Lalthianghlima
———–

Ram leh hnam kalphung hi kan ram hruaitute hian an hlamchhiah takzet. Ram hruaitu kan neihte hian ram hmasawnna turah an enkawl Department an ngam lova, ramri an humhalh ngam lo bawk. Kan ram roreltute thiltih tenawm tak mai chu mipui hmasawnna tur sum kal \hin te, Departments kaltlanga ram hmasawnna tur sum zawng zawng chu NLUP pawisa bawmah an thun vek a, heng sum te hi Party sum atan an chhawp chhuak mai mai tawh ni berin a lang. Ram hruaituten NLUP an kalpui dan hi duh lo leh \ha lo ti em emtu, engkim hrechiangtu sorkar Department Officer zingah tam tak an awm. Mipui sum tam tham tak hi NLUP bawmah an dah el ul mai. Heng avang hian ram venhimna lam leh hnam thil an buaipui hman ngai lo.
PH FANAI
————–

Mizoram sorkar kan neih mek “Congress party” party mal sorkar, mahni party tana ham\hatna a nih dawn phawt chuan khua hmu miah lo an ni a, kan pi leh puten “Sebo hnua sekawngkhar” an lo tih \hin chu tunah hian Bairabi lama kan ram chhantu mi huaisen, MZP hovin Zofate Chawlhbuk sa tura kalte Assam Police ten hliam an lo tawrh tir hnuah maw kan Police te an tirh thlak ve khaw tlai tak le? Mizoram tan chuan ram hmangaih an ni thei ngai tawh lovang. Anni sorkarna hnuaia awm ai chuan President rules-a awm pawh a thlanawm zawk a ni. MNF lah hi an rinawm thlawt tawh si lova, \hutna inthlak thleng ringawt hian awmzia a nei chuang lo. Rei lotea kan nin leh em em tur hi sorkar tir loh a \ha awm e. Mipui mimalin ngaihtuah nawn leh teh ang u. Kan chenna ram hi Pathian min pek a ni a, keini lo chu tunge venghim ang? State dangin min vensak dawn lo a nia. Hawh u, i \angrual zel ang u.
Spockman, Aizawl
———–

Ruling MLA dang chu sawi loh, Bialtu MLA takngial pawh a thawm hriat tur a awm loh laia Opposition MLA-te kan zirlai leh Journalist-te thlavang hauha an zu lang vat kha a thlamuanthlak tehlul nen, mahni party ham\hatna lak tuma lo puh daih mai kha a fel lo hle mai. Mawhphurhna pawimawh tak nei tura kan thlante hi zirlaite thlavang hauh khan kal lo se kan sawisel hrep thovin a rinawm.
Mr. Moderator
————-

Hnathawk, ritphur, kawng kian mai thei lo, kawng dala puha damdawi ina dah hial ngai khawpa kutthlakte hi kan ngam tawk a nih hi maw?! A thawpik thlak teh e!
Thlirtu
————

Home Minister-in ‘a thiam lo zawk kan ni’, a ti miau si a, engtin nge maw kan tih tak ang le?
8413931575
————

Pu Hawla leh Pu Zira te hi pa huaisen tak emaw ka lo ti \hin a, ka lo ring sual hle mai!
Duata pu
————

Tun hma a\angin Assam State nen ramri chungchanga kan buaina hi a rei tawh hle a, an ram kaltlangin kan mamawh, a bikin buhfai zaa 80 kan chaw lut reng bawk a, hei hi an hre ve ran a, min zuam phah hle bawk. He mi solve tur hian ramri depa awm kan nih hi kan sawrkar hruaitute hian remchang zawng thiam se, Myanmar a\ang pawn buhfai duh tawk a chawk luh theih reng a, Assam state tel lo hian kan awm theih zia lantir a hun tawh hle a ni.
8787737458
————