Fakselna 16th January, 2018

0
580
views

Khawkawn tlangval, Aizawla lehkha zira khawsa, a inhlawhfakna hmuna vanduaina tawka thi ta kha a va han lainatawm tehreng em!! Chhungkaw harsa ve tak a\anga khawvel eng hmuh ve phak tuma neih thinglung khawng, tha leh zung takmeuh thawha zirna kawng zawhtute zinga mi ngei a nih hmel riau lehnghal. Hetiang mi tumruh taimate hi kawng engkimah an rinawm duh bik asin. He ram hruai tur pawh hian hetiang MIHRING ROPUI, taima leh rinawm hi kan mamawh ber an ni asin. Ka ui takzet mai. Sorkar lam pawh hian hetianga zirlai mahni intodelh tuma taima taka hnathawkte hi vanduaina an lo tawh palhte hian ngawi mai lovin \anpuina awm thei angte tihsak ve \hin se aw.
Tlangvala
————-

ZPM-in an hmachhawpah khan foreigner chungchang engmah an sawi lang lovin ka hria a, foreigner-te an ngaih pawimawh loh chuan vote tlakah ka ngai lo. Ram leh hnam hi an hmangaih pawh ka ring bik ta lo. Foreigner thawn haw thei leh kan ram hmasawnna a tak taka ngaihtuahtu, tihmasawntu a ni kan mamawh ni. Mahni pumpui hmakhua atana thawktute chu tumah kan mamawh lo, mahni pumpui tana thawk lo, ram leh hnam hmangaihtu chauh a ni kan mamawh ni. Ram leh hnam hmangaih lotute, thawk lai leh thawk lote bang fai vek rawh u. Ram leh hnam hmangaihtu chauh a ni kan mamawh ni.
9612238063
—————-

MG Road Khatla tlakbal chhung hi a rei lutuk ta. A bik takin City Bus tan a thinrimthlak. Kawng chho ulh lutukah an tlan rei lutuk. A tawi si, hmun rem ni bawk si heti tak maia kan sorkarin a dah pawimawh lo thei hi a mak hle.
RK Sanga
—————

Mizoram sorkarin ruihhlo a tih fo-ah hian eng vangin nge damdawi chauh hi ruih theih thila a puanzar luih tlat le! Zu pawh hi ruih theih thil a ni ve lo em ni? Mizote hian RUIH THEIH kan tih reng rengin ZU hi kan ziak hmasa ber \hin tih hi an hre reng si a. Thil veiawm tak pakhat chu tuna zu zuar sorkar Congress Party mi reng reng hian zu zawrh hi an sawisel ngam miah lo hi a ni. Heti taka RUIH THEIH thil zawrh lei hralh avanga chhiah sum a duh huam huam ang hian damdawite pawh hi zuar tel law law se, sum a hmuh tam phah ngei ang. Sum hmuh theihna turah chuan RUIHTHEIH THIL zawrh pawi an ti miah lo hian kan Pathian pawi an sawi tih hi hriat a \ha e.
PH FANAI
————–

Nungcha humhalh nachang kan hre tawh tih thu sawi chhen hi a ninawm tlat. Tunlai phei chu Airgun \ha tak tak a chhuak nasa si a, nuai thum man pawh an lei pawp pawp mai si a, kah \helh theih loh tluka changkang a ni si a, an uar tawlh tawlh mai lehnghal! Nungcha humhalh khawi lamah! YMA pawhin nungcha humhalh kumah a puang tawh a, kum puana kan hmang tawh a nih rau rau chuan YMA pawh hian khaw tinah hian i humhalh leh ang u.
SANGA
———–

Party dang leh tuna sorkar lai mek pawhin Chakmate an tam tak em avanga Tlabung RD Block hmu thei mai tura ngaih pawh pe duh lo, Foreign ram ang maia Party dangte pawhin an hnuchhawn, MNF Vice President, Pu Thangtea’n Pu Hawla’n Uitang a tih hote thawi dam tura khawthlang ram rawn fang, ram dang mi kan ni lo, kan ram ngei a ni tih hriaa, ram leh hnam hmangaihtu kan nei hi thlamuanthlak kan ti a, ram tana thil \ha leh hmasawnna min puakchhuah pui ngei pawh kan beisei, a kal zelna turah Pathian rawn chung zela tluang taka kal zel turin duhsakna kan hlan e.
Tlabung Uitangrual
——————-

Kum a thar a, party tinin an Office an hawng leh ta chu a ni a, an thusawi a\ang hi chuan Congress party tih lohah chuan an manifesto-ah chuan en chhin tlak vek niin an langa, an manifesto \heuh hi ngun taka thlir a, kan ram tana \ha tur leh chhen fakawm tak thlang thiam tawh turin mipuite i fimkhur ang u.
RODY PA
————–

KRISTA avangin hrehawm tuar la, KRISTA avangin inngaitlawm la, KRISTA avangin insum thei la, KRISTA avangin chan ngam la, KRISTA avangin rethei ngam la, KRISTA avangin mualpho ngam la, heng zawng zawng i tuar chhuah hunah chuan khawvel miten an neih ngai loh hlimna leh lawmnain i lo khat tawh zawk ang.
Angaihtei, Lungsum
———————

Kumin inthlan lo awm tur hi Kristian leh Kristian lo fiahna a ni dawn. Pu Hawla leh Pu Zorama te hi an piangthar a nih loh chuan ZPM a sawrkar ang. Kan Pathian hian bianga thlan tui luanga thawk tura min tih laia mahni Party mi chauh duhsaka, SEM policy kalpui hi kan Pathian duhdan a nih ka ring lo kei mimawl hian.
RAMVEIA, KLB
—————-

|awngkam dik lo lar zualte -Buaipuisak, nachin, i lo zai ila, vawiin ni, vawiin zing, vawiin tlai, te ropui, te rapthlap etc.
Duhtuia
——————

MNF President, Pu Rama’n Zoram thar siam leh thuneihna sem zai a sawi hi a nuihzatthlakin mipui min hmusit ka ti. Sum duh vanga Tuirial HEP pam\ul leh Referral Hospital tichhetu leh thildang tam taka sum siama, \ul hauh lo leitu kha a ni ta lo emaw ka lo ti hman a. An\am chi an lei tamzia pawh kha a mak.
VL Ruata
————

Kan ram hi changkang se kan ti a nih chuan la sawrkar ngai lo hi kan sawrkar tir ngei chu a ngai ang.
Keisee-gangte
—————–

Tunlai Airtel signal hi engati em em nge ni a a va mumal lo ve?
8413030623
—————-

Mizo \awngkauchheh chungchang Lalnunmawia Pachuau ziah hi a \hat em em rualin ka’n belh ve hlek ang e. Mitthi phumna tura lei laih khuar leh an phuma an vur leh vek hnu pawhin THLAN a ni. Chumi hmun chhinchhiah nana lung an phun chu THLAN ni lovin LUNG a ni. Thlan an phun ngai lo. Mizoten arsi hmingah ZANGKHUA tia vuah kan nei a, chu chu zan tin a bungbu \hin. Mizo \awngkauchheh a nih angin vur leh rial chu SUR mah se Mizote chuan a TLA tiin kan sawi zel ang chu mawle.
Puipuii pi
———–

Kan pute hi ram leh hnam tana an hnathawh aiin an motor leh in a ropui zawk ang a?
9774354495
—————

Mizoramin kalphung thar kan neih zinga fuh lo ka tih ber chu sikul \an hma kan tih hi a ni. Zingah naupang kan kaihruai hman lova, tlai lam an hun awlah nu leh pa kan awm hman bawk si lo, naupangten kawng dik lo an zawh theihna tur hun thawl \ha tak kan siamsak niin ka hria.
9862081109
—————-

Hortoki ram chhunga Chakmaten bu an khuar ve ringawt hi kan ngaimawh tak tak lo emaw ni le? A tak ramah hian engmah kan ni teh chiam lo \hin.
LB-a Pa
————