Fakselna 16th June, 2018

0
448
views

Tunah chuan field \ha tam tak ai chuan buhfai \ha lung tel lo (sehrep awm lo) tam tak hi kan mamawh zawk fe lo maw tih hi Mizoram mipui tam zawk ngaihdan a ni. A tlangpui thuin kan tluk loh leh kan phak loh te hi a ni kan sel vak vak \hin ni. Entirnan Pu Duha te ang hi!
9774941216
—————-

ZNP hian Zoram Thar hi an campaign pui a ni lo maw aw ka ti. ZNP-in CM tura an thlan, Pu Lalduhoma hian a changin party kan ni lo, hnam movement kan ni a ti a, a changin keini ZNP chu party khatah kan inchhung khawm vek ang a ti leh bawk si a, a changin Zoram Tharte nen chuan thuhmun a lawm kan nih an ti leh bawk sia. Zoram Thar thu leh hlate hi a changin an rawn auchhuahpui ve leh lawi bawk a. Zoram siam \ha tur em chuan an thu hi a nawi deuh lo maw aw ka ti deuh a, an kalphung hi ngaihtuah chian chuan an thu chu a \ha hle mai tia han hlin chat tur hi ka hrethiam mang hauh lo mai.
82579 93372
—————–

Ka pu SSA hnuaia thawkte hi kan va mangang ta ve. Zirlai chawmte neiin mi in luahte kan ni ve hlawm bawk nen, engtik nge maw hlawhte hi kan hmuh ve dawn le? Kan sorkar chak tak hi kan nghak tawp mai a ni. Khawngaih takin min ngaihtuahsak tawh ula kan va ti em! Nghakhlel takin kan thlir tih hi mi hriatthiam pui teh u. Kan ngen a che u.
8794281207
——————

Aizawlah hian hnamdang pawn chhuah khap tih hi kar khat emaw, kar hnih emaw siam ni ta se dawr tam tak, Mizo ta anga lang hi a neitu dik tak a lo lang chhuak maiin a rinawm. Heng Cement, Balu, Brick leh rod vel zawrhnaah phei hi chuan a lang awlsam ngawt ang. Kan sum duh leh it avanga hetiang hi kan tih zel chuan Mizote hian sum tlemtein ram leh hnam kan hralh zel tihna a ni. Chim ral kan awlsam ngawt ang. Ram leh hnam humhalh hi vei thar leh a ngai khawp mai.
LT Ralte
————-

Pu Vaneihtluanga’n engtin nge ZPM a tui pui ang? Pu Tluanga te chu mi dik a ni a, Chubakah ZPM CM candidate Pu Duhoma hi a hrechiang dawn em a sin. Pu Sapdanga te tuina awm tawk lek a nih hi. Keini takngial pawhin kan bansan daih tawh a nia.
Liana
————-

ZONET Channel hrang hrangte en a nuamin en a manhla hle mai. Chutihrualin film lehlinte hi han uar lehzual teh u. Hmuhnawm kan lo ti \hin teh a nia. A bik takin chhun lamah hian en tur hi a vang deuh \hin a, film thiam taka inlehlinte hi a tam thei ang ber han ti chhuak thei ula a lawmawm ngawt ang.
ZONET vul zel rawh se

.
Amosa Nu
————–

Taxi kaihhnawiha eizawngtu hi kan tam ve khawp mai. Kan pute lahin min rapbet tlawk tlawk mai si. Kar khata ni 2 zel kan dinna pawh kum 1-ah thla 3 lai a tling a, ro min rel saktute pawh hian han ngaihtuah \ha leh teh u khai. Thla thum ngawt hlawh la lovin awm ve ta ula a phunchiar leh thawm na na in ni awm si a. Inthlan dawn vang pawh hian ngaihtuah \hat leh hi kan phut a, kan ngen tak meuh che u a ni.
TAXI PU-A, AIZAWL
————

Hman deuha Vangchhe hmuna hmanlai mite sulhnu, vai mithiam leh Mizo mi \henkhatin a an enfiah kha Hindu sulhnu hluiah an puh ti tih ni khan zirlaite zarah kan lo ral hriat ve ret ret a. Hetiang sulhnu hlui mak tak tak, a awmzia tuna he khawvel luahtu mihringte tana hriatthiam phak rual loh hi khawvel hmun dangah pawh a tam khawp a. Hmasang mi tuna he lei mihringte thlahtu ni lo, he lei lo luah hmasatute sulhnu te pawh a ni mai thei a sin. An hunlai khan he khawvel hi a lo tawp chut tawh anga, chutah saw ta mite, heta mite, khuta mite, khita mite hi he khawvel luah leh tur hian Eden huan a\ang khan kan lo inthlahpung leh ta chiam phawt te pawh a ni mai thei a sin. Tichuan, tuna he leilung luah mektu mi fel tak takte pawh hi kan hun engtik emawah lo tawp ve leh anga, a rualin kan ral duak anga, chumi hnuah khawi i lai a\ang emaw hian mi nung khawvel luah lehtu tur thilnung thar a lo chhuak leh zel dawn te pawh a ni mahna.
Tlangvala
————-

Sorkar \ha neih hun a va nghahhlelhawm em! Vai contractor hlirin hna an thawk a. Za zela 33 emaw, 21 emaw te an ei ve zel a ni awm a. An che hleka, sum menin an meng kur tawh si an ninawm e.
9862357979
—————–

Idol chu ka tan chuan a tawp ta der mai. Eng vanga Borai tlangval hmel\ha leh zaithiam, aw nalh kha tih tlak a awm mai le? Judge-te u, lo thlir kir leh hram teh u. Borai tlangval aia thiam lo an tlin hnem si zia kha hriatthiam a har a ni.
Zaitei
————-

Awle Zoram mipui beidawng zawng zawng te u ZPM-ah hian rinna i nghat ngam ang ule. An Policy leh hruaituteah hian ram leh hnam damna, hmasawnna tluantling a awm dawn e. Kan nin em em an \ha lo a ni tih kan hriatbel hle tawhte hi chu ruihchilha \hutchilh reng lovin, Kristian sual do ngam kan nihna ang ngei hian hnawl tawh ila, kan tu leh fa leh keimahni tan ngei hian Zoramthar i siam ang u. HAWH U, I DINTHAR LEH ANG U HMIANG.
Zo Nehemia
————-

Kumin zawng inthlan kum te a ni dawn bawk a, Laltuma te, Lalchaka te, Lalthlahlela te, Lalkhamlova te, Lallehtuma te, Lallohhlauva te, Lalrengtuma te, Lalvengeitumtlata te, Intiamhuaia te, Sumhmathehhuaia te, Inleitlinngeituma te, Dawtsawipawisalova te, Ankanema te ho an inlar \an ta sup sup mai le!
RK Sanga
————

Mizorama khaw hming pawh lam dik thiam lo, Mizorama reallity show lian leh en hlawh ber pakhat te zinga mi host tura Idol buatsaihtuten inthlang hi chu a va fuh vak lo e aw. Inthiam loh a hnekin an la nuihzat zui leh nghal a. An lam fuh lo a nih pawhin nuih leh chiam ang chi kha chu a \ha lo khawp mai. Zonuni a ngaihawm \hin hle mai.
Zova, Aizawl
————–

Mizoram sorkar sum sem Project NLUP, NEDP, MiMIR an tih chhoh tak zel hi Central sorkar hotu chu ni ila, MLA inthlan kum a ni bawk a, thla tlemte chauhin a dang tawh tho si a. Election Conduct Rules ka puan hnan phut ngei ang. Tichuan, Mizo mipui sum hi an sem hman lo ang a, Mizo mipui an lawm em em tawh ang.
PH FANAI
————-

Tunlai Zoram khawvel zet chu a buaithlak riauva hriatna ka nei. A chhan tam tak a awm. Zoram hmangaihtu kan pung leh ta hluai mai. Politics khawvelah kan inchirh theh \an leh ta a. Kan sulhnu an chhui tih vel mai maiah an buai a, thil \ha an lo tih tawhah an inkhuansiak leh \an mek a, a ropui tehchiam lo. Kan ram ar hmai tia lekah hian intihropui tehchiam a ngai lo. Kan intodelh loh zia chu ram hruaitute hian an hre ber ang. Vai buhfai ringa reson a chhia, a seh a tam, gas a tlem, mahni thawh chhuah sa ei leh bara ram intodelh ni ila chuan duh duh sawi thei dinhmunah kan ding tur hi a ni a. Mahni ram thawhchhuah thla khat ei pawh kan neih zo si loh lai te hi ngaihtuah tlang teh ang u.
RENTHLEI CABIN
————–

Pu Hawla kaihhruai sorkarah hian zu a tam, kawngchhia leh lei chim a tam, hnatlang a tamin vai hmel hmuh tur an tam em em mai te hi hnam party angin inchhal ve \hin mah se NLUP an sem danah pawh hian kan piputen “sem sem dam dam, eibil thi thi” an tih \hin nen kha chuan a inpersan daih. Vai party an nihna a chiang tlat, nakina la \angkai tur leh \ha tur rualkhai zawka mipuiten an chhawr \angkai theih tur a tam em em ringawt a, hmuh tur leh chhawr \angkai tur erawh a awm chuang der bawk si lo. Hnam boralna tur dik tak a ni. Mikhual leh Vai party ni lo, ram neitu dik tak party chet vat a hun ta.
Tlabung Uitangrual
————-

Pu Hawla pawh a piangthar a ni ang hei chen a sorkar tawh hnuah a hun tawp dawnah kawlphetha a intodelh a sawi ta hial mai. Mahse, hnukchah dawna pianthar zawng ram mipuite tan awmzia a nei dawn em ni le? Tlai luatte hian pawina a nei.
RZA, Ralte TD
————-

Inthlan a hnai leh ta. Mimal emaw, party emaw a chhelai sawi tur inhriata, thudik a nih phawt chuan rawn sawi chhuak zel teh u. Lo khap reng reng suh u. Tichuan, vote tur kan hre thei dawn a lawm. Awihawm leh awm lote chu ngaihdan kan lo siam ve mai ang. Ka thu chu ni se CM nih tum 3 te hi LIVE-a debate tir hial a nih ka duh.
THE SPY WHO LOVE MIZORAM
————-

Inthlan lo awm tura vote tlak dan tura ka rindan 1. LAL taka awma duhsak zawngte contract te NLUP leh SEDP te han sem vel chaktuten Congress an vote a rinawm a. 2. Inti Mizo bik riau leh Congress-ten an sem theih ang ang NLUP leh NEDP te an sem zo tawh si a, MNF ten SEDP sem an tum hi dawn leh duhin MNF an vote duhin a rinawm hle bawk a. 3. Mizo zinga mi pahnih chauh Chief Minister tlak nei nia inngai lo, Mizoram rorelna kalphung dik tawh lo siam\hat duhtuten ZPM an vote-in a rinawm.
RINGA Mizo
————–

Inthlana chak duh vanga Party te reuh te pawhin lian tak anga lan an tum \hin hi nuih pawh an tiza pha lo. MNF leh Congress hi sawi mai a te thei an ni lo. Party lian ve ve an ni a, chak thei ve ve an ni.
VL Ruata
————-

ZPM Party hi pawl hrang pasarih inzawmkhawm an ni a, mahse an lian lo hle. An \han a kin der niin a lang lehnghal. Seat khat pawh ka huphurh pui deuh. MNF an sorkar a nih chuan an nil hle ang.
Lalrinfela
————–

Idol hi kan lo hlut \hin khawp mai. Amaherawhchu, Zonuni hmuh tur a awm tawh dawn lo erawh a hmuhnawmna a bo deuh dawn a ni. Judge lamah pawh Pu Robin leh Pu Zautea an la awm erawh a khawharthlak lo phah deuh. Judge hmeichhia hi music lama sang deuh hman tur dang awm thei se kan va ti ve keini chhungkua hian. Zonet vul zel rawh se.
No. Thup
————-