Fakselna (16th October, 2017)

0
516
views

A fing zawkin a â zawk a dawm thiamna hmunah chuan nun ho a hrehawm ngai lo.

A changkang zawkin a mawl zawk a hriat thiamna hmunah pawh nun ho a nuam mai \hin.

Zir sang zawkin mimawl zawkte tana an thiamna hlu tak an hlan phal chiah hian intodelh theihna kawng a lo inhawng thei chauh \hin.

Mihring hi inmamawh tawn vek kan ni a, inen hniam tur leh inhmusit tur tumah kan awm lo. Thiamna chu sangin changkang viau mah se, a taka thawktu an awm chuan si loh chuan awmzia a nei thei lo. A thawktu chu taima rum rutin thawk peih eng ang mah se, thiamna sang zawk nena awmze neia a thawh si loh chuan, hlawhchhamnain a hmuak fo ang.

Hawh u, Zofate hian nun ho hi i thiam mawlh tawh teh ang u. Sum siam nana thil tak tak lo tih fo hi bansanin, thil tak tak i ti tlang tawh teh ang u. Nun ho thiam teh ang u. Nun ho thiamna chu \anrualnaah a innghat reng si a.

 

RL Chhanhima
————–

Mizoramah LPG a harsa leh tawh em ni? Indian Oil hote khak ngam sorkar kan neih loh pawhin a duh apiangin state dang a\anga open market-a zawrh phalsak se a \ha mai. Tun ang thova dan zawm a ngaih pawhin kan MP-ten Delhi lamah Minister tur tal sela, chhuanlam dawrawm tak ka ning tawh.

No. thup
———–

ZPM-ah hian MPC leh ZNP hi tel ve lo law law se mipuite hian kan ring zawkin an buk pawh a rit zawk ngei ang.
Berbera Pu
————–

Min hmangaihtute (MLA) ho bial fan a hun \an ta. Kalkawng diak a reh \an a, thlasik rim a nam \an bawk a. In bial mipuite mamawhte min han ngaihthlaksak leh ula, min hmangaih tak tak leh tak tak loh chu mipuiin nakkumah in Result kan lo buatsaih dawn nia.
8974244232
—————–

TV Connection monthly fee hi a va han to uchuak ta ve. Rs.250/- kan chawi lai ai khan engmah thil thar leh \ha a awm belh si lo, channel en hleih theih loh a tam telh telh zawk bawk si. Digitalised hma ai khan kan buai tam zawk daih ta si. A langtlanga mipui inrawkna chi khat ni berin ka hria. Kan \henawm state te aia to uchuak bawk leh kan digitalised dan inang bawk si lo. Thil \ha awm taka lang, \ha hauh si lo a ni e.
Aizawl Pa
————-

Tuna kan sorkar chelhtute hi chu kan ring zo tawh ngang lo a ni. Eng angin NLUP leh a behbawmte pawh han sem \hin mah sela, kan ring ngam tawh chuang lo. Thil tih pawi an ngah tawh em mai.
Sanga pa
———–

Kawnpui PWD hnuaiah kawng ba an vai-na hlawh hi pe vat rawh se. An pek vat loh chuan an hming lamin TV-ah kan tarlang mai ang. An ei ru zo tawh nge ni? An pek vat loh chuan an \ha lo ang.
No. thup
———–

Tunah hian Zoram mipuite ka zawt a che u, Congress Party sorkar-ah leh MNF Party sorkar-ah hian kan \henawm state Kristian pawh ni lo kaihhruai state kawngpui \ha khutiang khu an neih laiin hetiang hi kan kawng ve chu a ni si a, heng Party 2-in kan ram a enkawl danah hian in lungawi em?
9862533107
———–

India ramah Kristian tihduhdahna, kum 2016 aiin kum 20l7, vawiin thlenga report a tam tawh zawk. Kum 2016-ah vawi 409, kuminah vawi 410 thleng tawha report a ni. (Kristian Tlangau October chhuak) Tiduhdah fawng vuantute chu RSS te an ni. An thurualpuite chu BJP sorkar an ni. Krista leh a Kohhran dodaltu central sorkar zawmpui Mizoram Kristiante zingah kan awm ta zel mai hi a vanduaithlak hle. Lum leh lum, vawh leh vawh, Kristian, hei hi phat mawina pakhatmah a awm lo. Heng thil sual titute lah hi hrem lohin sorkarin a hum tlat bakah a chhuah zalen zel lehnghal a. |awng\aipui an ngai e.
VL Pachuau
—————

ZPM khawmpui, Chanmari-a thusawi in rawn tihchhuah \hin hi ka lo ngaihthlak tui \hin tehlul nen, tum bung deuh hian a tawp daih zel a, a tawp lam thusawi ho kha ngaihthlak tlak loh in ti nge ni aw?
RODY PA
————–

Ram chu Lalpa ta a ni tia Politics aupui mektu Pu Hlawndo-a te family hi an au hla ang hian lo thlang lal ta ila an awm ang em le? MNF hovin Pathian leh kan ram tan an tih leh Congress party-in dikna chu luipui angin luang se an tih ang vel tho an ni mai lo’ng maw?
VL Ruata
————

Politics leh Pathian thu hi khawvel ram ropui leh ram hrang hrangah a kal dun thei tak tak lo. A chhan pawh mahni chauh indah pawimawhna hmun a nih vang a ni. Sakhua leh politics kal dunna ram, Muslim ram \henkhatte pawh ram \ihbaiawm a ni. Malsawma pa
9862383205
————-

Mahni ngaihdan leh duhdan pawngpaw tlangaupuia tumah pawisa lem lo leh mi zak thei lo, hre dik leh \ha ber emaw inti, mi thiltih apiang sawisel leh dodal ching, midangte thiltih engah mah ngai lo, mi chhiatna zawng reng, mi chapo leh rilru thianghlim lo, mi dangte hma ngai tak anga lang, thil hre ve zul, Pathian \ihna tak tak leh hmangaihna nei lo tih hriat tak si, buai inpeih ran, mi pawisawi lote pawikhawih chak tlat, tu pawh sawrkar se, tu pawh ding chang se, tu pawh dik lo ti vek zel mai mite hi Pathian thu a\ang pawhin kei chuan ka mihring huat zawng tak an ni.
7642815154
—————–