Fakselna 16th October, 2018

0
514
views

Mission Vengah hian tui kan hmuh \hat loh bikna chhan hi eng nge ni ang le? Veng hrang hrangah chuan kan haw \ha, kar tin tui a lo haw an tih zel laiin kan vengah chuan tui kan nghei titih fur mai. Tunge a semtu ni le? Tu bial nge hriat a chakawm hle mai. Ka hriat chinah chuan tui bill lo thlen hmasak leh tun thla bill lo thlen inkarah hian vawi thum vel, rei lo te te a haw ve zeuh a, barel a phai duk tho a, chuti chung chuan kan bill chu Rs. 619/- a la ni tho lehnghal.
8794519384
————

Mizo mipuite hi hnamah kan chiang takzet em? Kumin November thlaah fiahin kan awm dawn e. Chakma humhalhtu party pahnih Congress leh MNF nge CADC \hiat tur ZPM? ZPM kan thlangtling lo a nih ngat chuan Mizo hnam hi a ral riai riai dawn. Mizoram politic hi a chingchivet zui hle bawk ang.
LB-a Pa
————-

ZONET RINNA channel-a live telecast-a chhuah \hin, Temple inkhawma sermon-ah khan Upa C. Lalhmachhuana’n thupuia ‘thuchah’ tih turah ‘thutchah’ a ti kha chu ka van ngaimawh tak em. Mizovin Mizo \awng hi kan thiam chian loh chhung chu hmasawnna dik hi a awm theiin ka ring lo. Vai kan be dawn a, vai an nih hrim hrim chuan thiam leh thiam lova Hindi hman kan han tum kher te, Sap be tura English hman tum kher te, mahni \awng aiin hnamdang \awng kan ngaihsan chhung chu ramin hma a sawn ngai lovang. Vai \awng thiam te, sap \awng thiam te chu a \ha e. Amaherawhchu, Mizo \awng thiam reng vai a nih avanga vai \awnga biak kher tum hi sim a hun ta khawp mai. Kei chuan ka Mizo \awng dik tak hi Mizo ka nih angin ka ngaisang ber.
Veitu
———–

Mizoram Political Party kalphung hi chu a hniamin an bawl a mawl angin an la mawl chhunzawm. Kalphung thar nei kan tih te pawh hian hmasawnna tura an insawi a\angin za zela 5 bak hi beisei ngam engmah tak tak a awm lo. Ram hmasawnna tura a taka tih ngai leh hlawhtling thei turah pawh a buk \helhin an \helh vek. Sawi mai hi a awl a, a taka tih nghal mai erawh a ralthum zel. A chhan chu chhungril nunah sum tam tham lo awm \hin hi kan la zo lo.
PH FANAI
————

CYMA huaihawta Chakma kawngzawha an thusawi, ka bengverh deuh mai ka’n sawi ve mai mai teh ang. YMA hruaitute khan Chakma awmna bial chhungah Biak In hmun leh kan Missionary-te tan in luah tur pawh awm ta lo chu a mak ka ti hle a, foreign ram ang an ni ta tihna ni berin a langa, anni lemin kan Aizawl khawpuiah House lianpui neiin Chakma zirlaiten kiltin kiltangah in luahin an awm lawia. Thil inkawlkalh leh saikalh tak hi a va ni em tih hi ka lo suangtuah ve mai mai.
7085906128
————-

Tunlai chu Congress-in harhtharna an changa, an party an chhuahsan sup sup mai! Pu Hawla leh Pu Zorama te hian mipui hi min bum tum reng tawh suh se. Social Media a \ha tawh a, engkim chiang takin kan hre thei tawh. Pu Hawla hian a bik takin dawt hi a sawi zing tawh lutuk! Mipui min hmusit a, Pathian pawh a zah lo bawk. Congress an nih loh chuan ‘ka thisen zawmpui pawh nise enga tan mah ka ti lo’ tih sawitu hi Mizo rilru tipiangsualtu a ni.
PAVALAI
————

YMA-ten Chakma District \hiah chungchanga kawngzawhna an neihah khan Tlabungah pawh kawngzawh ve a ni a, Mizorama NGO hrang hrangte thuchhuak angin Party tin ten ram leilungfa ngei candidate atan dah ni rawh se tih a ni a, keini West Tuipui bial MNF-te chuan Mizo kan dah ta a, Chakma District meuh pawh \hiah kan tum mek laia Party dangin Chakma an dah leh si chuan thil inhmeh lo leh thil \ha lo tak, Politics thil ang leka ngaihna an awm ang tih a hlauhawmin. YMA pawhin rualkhai taka hmalak chhunzawm zel ni thei se. Kan ram mawi tak hi Zoram tan i puang zel ang u.
Hnam Arsi hruaitu ZORAM SAKEI
————

Mizoram damna tur chuan zu leh ruihhlo kan dah\hat ngam a ngai ta. NLUP tih vel mai mai hian min bual ^ tawh suh se. Kan ram, kan hnam dam lehna tur chuan zu leh a kaihhnawihte hi kan dah bo a hun ta. Dah bo ngamlo tur party hi chu tuman i vote lovang u. Zu avangin kan ram a thim sawt em mai.
Zuala, Aizawl
————–

Thu thin\hawng accident etc. thehdarh ching, dawt ni si \hinte hi an zalen hle a, man an ni ngai lem lo a ni phawt ang a!
LLK
————–

Heti khawpa kawngpui nei chhia kan ram hi Pu Hawla hian engtin nge kan kawng hi \ha a tih theih le? Mizo mipuite hi engah mah min ngai lovin min bawl vel mai mai a ni.
7005368947
————

Tun kan sorkar kal lai mekah hian sawiselna neuh neuh chu awm ve bawk mahse sorkar hmasa MNF anga mipuiin an nin ang em kha chu inthlan dawn hnaihah pawh a thleng lo chu a nih hi. Congress Party tan chance a tam hle niin a lang.
9612377398
————–

Kan pi leh pute a\anga kan ram, khawvel ram ropui British hote pawh an lo kahna ram chhungah, ram neitu ni miah lo, verther taka lo lut ru mikhual chamreite, an ram ni miah lova ADC pek ve ringawt hi a ni DIK LO kan tiha kan DUH LOH chu! Mahni hmasialten an ti ngampa bawk, a pawi hle.
Zopa
————–

MNF tan hi chuan pu ber hi rak vak vak tawh lo se a \ha ni mai. A nau mi \ha tak tak leh hnathawk \ha tak takte lu hi a tihai \hin. Thih thlenga thawh a tum a nih pawn ngawi ve hle hle se. An upa tawh, an view leh policy a nep tawh tlat. An \awngkam hmang dan a\ang hian a lang vek.
9436910244
————–

MNF hian lawmluh hi an tuipui hle a, an sawi ang zat an lawm lut a nih chuan kut kuangkuaha \hu mai mai thei an ni hial ang. Zoram boruak en erawh chuan Congress party chu an la khan lo hle tih a hriat theih.
Duata pu
————–

ZPM hi an lian viau dawn emaw tih laiin inthlan hmain an \han a kin der mai. Pu Duha ho hian ram kal kan siam dawn lo a ni ang e.
Lalrinfela
—————