Fakselna 17th February, 2018

0
629
views

Tuirini lei chim chungchanga Pu RK Sanga thu rawn tarlan kha ka thlawp tawp. Motor ritphur pawh ni lo, mihring a huhova kal pawh ni lo, mi pahnih chauhin an zawh chim thei kha khawvel thil mak 7 zinga ziah tel chi a ni hial lo’ng maw?
9436351249
—————

Johana 3:5-ah ‘Mi tupawh tuiah leh thlarau-a an pian loh chuan Pathian ramah an lut thei lovang’ Lal Isuan a ti a. Thlarau-a piang i ni ve tawh em? Thlarau-a piang i nih tawh chuan Pathian thu Bible-a inziak phena thu nung chu i sawi thei tawh tihna pawh a ni a, Krista chanchin tha i puang thei tihna a ni a, i la puang thei lo a nih chuan Krista chanchin i la nei lo tihna pawh a ni a, i la piangthar lo tihna pawh a ni nghal a ni.
R. Lalhmingliana, MSV B4
—————

Mimbung kawng siamthat hna hi a va kal muang raih raih ve? Inbuatsaih nan thal chhung an hmang zo mai ang tih a hlauhawm lam a ni. Champhai District YMA Conference hmaa a chhe zual lai siamthat a va hun ta ve. Thuneituten hma han la teh u khai.
Posi-a
————–

Kan khawtlang YMA-te hi ka van fak tehlul em. Chhiatni thatni-ah chuan sawisel kan ngai lo, mahse kan khawtlanga zu leh ruihhlo zuarte erawh hi chu man ngam bik leh man ngam loh bik kan nei hi chu a van pawi thin tak em! Man ngam leh ngam loh bik nei lo hian i vaihma ngam vek law law ila, khawtlang tana mi hnawksak ho hi i hnawt chhuak ngam ang u.
B. Lawma, Lungrang South
—————

Ngopa Airtel chhe lutuk hi ka ning zozai tawh lutuk!
Consumer
————–

Kumin chu kan ram hruaitu turte kan thlang leh dawn chu a ni a. Kei chuan tuna kan sorkar hrawn mek hian min la hruai se ka duh. An that bik em em vang pawh ni lovin, anni aia tha sorkarna siam thei tur ka hriat loh vang a ni. Thil tha tam tak an ti a, an thil tih dik loh pawh tam tak a awm ang, mahse MNF sorkarna hnuaia awm leh ai chuan a la thlanawm zawk e. MNF sorkar term tawp lama an chet dan kan la hria anga, khami te tho, a tam zawk kha Candidate an ni leh awm si a. Tun thlenga kan ramin kan nih tur ang kan nih phak lohna chhan tam tak hi ngun taka ngaihtuah chuan anmahni vang ka ti lo thei lo a ni. Party dang lah mahnia sorkarna siam thei tur an awm bawk si lo, a hahthlak zawng a nih hi! HUIHA
Ram Veitu Pa
—————

Ram thenkhatah chuan rel accident vangte pawhin Railway Minister te an bang thin a, kan ram Congress Pu Lal Thanhawla kaihhruai sorkarna hnuaiah hi chuan lei tam tak a chim a, miin nunna an chan tawh hnu leh mipuiten harsatna namen lo kan tawh hnuah pawh ban an la tum chuang reng reng lo hi chu khuarel chhiatna tawk palhin Zoram mipui zat ve aia tam pawh hi lo thi-in, anmahni chauh pawh lo dam ta pawh ni se an bang mai mai dawn lo ni berin a lang. An rorel danah hi chuan Central lamah pawh lo tla zel awm tak pawh an lo ni. Nge, Saipui kal lai hi bauh din an duh lo hrim hrim zawk?
Tlabung Uitangrual
—————

KTP khawmpui nikum tir lam daiha ruat lawk tawh, a bawh chhe ngei tura Chapchar Kut hi tu thu-in nge ruat a nih mai le?
7422877168
—————

Kan ram hian hruaitu tha a mamawh kan ti thin a, mipui tha pawh a mamawh ve tho. Pawl zawng zawng, Kohhran pawh telin thil tih pui deuh an neih dawn reng rengin sorkar atangin sum an beisei a, mimal phei chuan beisei lo chi an ni lo.
VL Ruata
————–

Thlangtu mipuiten bang tura nawr nghah chu nghah chhuah a har awm e!!!
LLK
—————

Tuirini lei chim chungchangah PWD Minister-in a mawh a phurh thu a sawi a, mahse ban erawh a duh lo. Mizoram hi chu LAL kan duh a nih hi maw? Chutih ruala tih ngei ngei awm, a dawhtu Engineer-te pawh suspend an la ni lo bawk. Khua a va var lo em.
8787895828
————–

Kan ram mipui Aadhaar nei tawh za zela 94.14 Lalpa thinur ni-ah chuan Aadhaar hmanga sum, in leh lo, ram i khawl khawmte khan tangkaina a nei lovang. Khawvel ram ropui tak takten sorkar hnathawh nan leh hamthatna hrang hrang hmuh nana mit leh kut thla an lak ve avangin Lalpan a phal tihna a ni kher lo. Bible thu thlen dikna a ni mai zawk. E.payment hi khawvel pumin a la hmang ngei ngei dawn, chumi hmang thei tur chuan mit/kut thlalak ngei leh bank account neih ngei a ngai. Chumi ti lo leh nei lo chuan a leiin a hralh thei dawn lo a ni. Bible-in sakawlh hming emaw, a hming number emaw a tih leh Dan bawhchhiatna thuruk chuan tunah pawh a thawk mek a tih kan hai lui tlat hi a va pawi thui dawn ve. Sap rama zir pawn an hai tho. Mi thusawi ni lovin, Pathian thu Bible-a innghat kan ni e.
9856887138
————-

Mizoram hi Kristian ram kan ni a. Mahse kan Kristian-na hi a lang thlawt lo. Thenawmte khutah awm se keini khitah awm ila tihna rilru pu ran vek kan ni. Unau e, unau lo e pawh kan sawi tawh lo, kan thinlung hi a tenawm hlawm tawh lutuk. Kan nun hi a buai nuai tawh hlawm khawp mai. Setana bawihah kan tang thup tawh a nih ber hi.
No. thup
————–

YMA leh MZP atangte-in Chakma leh Tuikuk kan ngaimawha, political party leh Kohhran atangte-in kan humhalh a, kan duat em em bawk a, Chakma leh Tuikuk ho tan hian kan hlauhawm lovin kan nep awm se se Mizote hi!
SANGA
————-

Mizoram Kristian ten ka chauha Lalpa Lalpa tia, thinlungin ti tak si lovin kan au vel thin a, kan ram hian thu tak harhna kan mamawh takzetin i hre ve lo maw? Sualna a pung zel mai bawk si. Kan naupan laia sikula kan zir thin, ‘aia upate zahthiamin’ tih te kha ka hre chhuak thar leh thin a, tunlai zirlaite hian an zir ve tawh lo ni tur a ni, aia upate zahna nun a bo tawh bawk si. Awi karei! Ram hruaitute, Kohhran hruaitute nen kan ram bawlhhlawh tawh lutuk thianfai turin tan i la thar leh teh ang u hmiang.
KKT 40PowerP
————-