Fakselna 17th September, 2018

0
470
views

Ka sawi tawh \hin angin District hi thei sem mai mai chi a ni lo. District a\ang kher lo hian Development hna nasa tak a thawh theih tho. Khaw khatin lo hlawk pui ringawt mahse Zoram pum budget a pawt hek \euh anga, sorkar hnathawk an kaisang zawt zawt anga, chu zawng chu a ni mai. Constituency pakhat mai ni lo, Mizoram hmasawnna tur vision nei hruaitu kan mamawh. MLA seat hi chu Mizoram tana thawk tura a rahbi mai a ni e. MLA zahawm takte mahni bial chauh in ngaihtuahin tunge Zoram kalsiam rel ta ang le? Mizoram chhung khawi laiah mah District a ni emaw, District Council a ni emaw siam belh hi kan rem ti tawh lo bur Mizoram hmangaihtuten.
Ramveitu
————–

Pu Zorama \awng duh lutuk hi chu political party chauh ni lovin Zoram mipui hian kan tuar mek zawng a nih hi. District thar siam belh hi mithiamte pawhin kan ram sum leh pai dinhmun thlirin \ul rih lo an ti a, tlin duh luat avangin a tiam zel mai sia, an tlin phah der si lova. Tun kan inthlan turah pawh hian MNF hi an sorkar a rinawm loh khawp mai.
Thingtlang Pa
—————-

Pu R. Lalzirliana chu a lainatawm hle mai. Tun hmaa Congress party harsat lai, ‘hnufual lai’ ber pawha lo chawi nungtu leh lo awp nungtu a ni a, Home Minister a nihna a chawlhsan mai tur hi thil tak tak a ni thei ang em le? Lo bang tak tak se MNF-ah hian a lut duh tak tak eng em le? A lut a nih chuan mak ti lo an awm awm love. Heti khawpa mipuiin an lakham MNF Party a zawm a nih chuan mipui tam zawk nuih a zat hmel hlein a rinawm. Mahse, a luhchilh party vawn tum a dik leh dik loh a zirin mi’n an ngai sangin, an ngaisang lo thei bawk ang. Amah mimal tak hi chu tuna a dinhmun a\anga han thlir letin a lainatawmin a khawngaihthlak ka lo ti ve tawp a ni. Amah hi kei chuan Moral Support ka pe-in, thiam zawkah ka chantir takzet a ni. He a awmna party a chhuahsan a nih chuan tu party nge a luhchilh ang aw? Mi fing a nih chuan ZPM-ah a lut ngei ang.
Zo Tlangvala
————–

Kei thingtlangpa lungmawlin ka lo ngaihtuah venaah chuan kan Home Minister Pu Zira ban chhan hi thil awm tak niin ka hria. Tin, a bial mipuite pawh a hmangaih hle niah ka ngai a, Pu KS Thanga biala thil thleng ni ta se, kan Chief Minister hian District thar chu kan pe ngei tur a ni a tih mai ka va ring em. Thil tihsak theih chi a ni a ti mai lo’ng maw? Hmuia pek ngawt ni lo, a tak ngeia pek theih a ni a tih mai ka ring. Saipui sorkar tan theih loh tak tak a awm em ni? NLUP kan sem dawn an tia, an sem mai a nih hi. Nge a aiawtah lut an tam ta deuh a, a thlamuang ta zawk?
Liana thingtlang pa
————-

Kum kha leh chen engmah ti lova tun inthlan dawn kum tawp \ep tawhah Lunglei Hospital an han thuam \ha hi chu a lawmawm viau rualin vote zawnna langsar tak chu a va ni em! Hmuh tam phah tak ang maw, i lo thlir ang u.
LALTUAIA
—————

Hringnun zinkawng hi Game a lo ni. Bible kan letling ta mawlh mawlh mai. Thu tidanglam ve ngai lo kan Pathian hi a lungawi hian ka ring lo. Mihringte hi Pathian thu mila awm tur kan nih tehlul nen. Tunlai \hangtharten kan mila Bible kan han kailek ta mai \hin hi a pawi takzet zet, lo ngaihtuah ve \hin teh u. Chutiang bawkin fakna hla te pawh a thluk leh a thu kan han tidanglam a, a phuahtu tam tak boral ta te kha lo tho leh ta sela, an lungawi hian ka ring lo.
8118904367
————–

Kan CM hian NLUP hi Pathian lam\ang programme tiin a sawi \hin a. Mahse opposition lamin anmahni mi leh sate chauhin an dawng tia an sawiselna a chhang duh hauh lo hian chung lam programme a nih loh zia a tarlang mai em?
RK Sanga
————-

Kan ram hruaitute mahni thil tih \hat sawi mawia fak chiam chiam ho hi chuan thil tih \hat an nei tlem hle tih bak entir a nei lo.
Lala, Aizawl
————-

Zoram chuan inthlan kan hnaih zel. Eng party nge chak ang aw tiin Zoram mipuite kan dak leh hehaw tawh mai le. Lal Thanhawla kaihhruai sorkar chu mipuiin kan ning ta phawt mai le. Anni lah tlak hlauvin mipui bum nan NLUP an tawktarh, dawt hmanga inbumna hi hrethiam ve tawh teh u. Harh a hun tawk takzet. MNF lah an pu ho hovin singthum kan sem ang tiin dawt hmangin mipui bum an tum leh bawk, lo awi suh ang che. Pathian pawi kan khawih hnem tawh hi.
MS Pachuau
————

Pu Zira Home Minister a nihna a\angin a bang a, Pu Zira ban rual hian Pu Lalrinliana Sailo leh Pu PC Zoram Sangliana hi an nghing nghal tih hi mi ngaihdan a ni a. Pu Rinliana Sailo chelh beh nan Home Minister leh a duhna ber biala ding turin an thlem an tih hi dawt a nih ka ring lo tawp mai.
9366102021
—————

Hawla leh Rama’n politics aiawt an chiah a. Hawla’n chawchah tlawn khat a dah a, Ramtea’n tlawn thum a dah ve thung. Tu zawk takin man hnem ang maw?
Thlirtu
—————

Kum tawp inthlan chu party dang kan la hlahthlem thei lo, a vawi thumna hi kan duh tlat.
Duata pu
————

Saitual chuan District an lo va dil hma ve? Kum 50 kal taah khan district an dil hi kei chuan ka ring ngam ve meuh lo a ni.
8837489511
—————

Sorkar hnathawkten an hna a\anga an ban hnuah ram an hmangaih \hin a, Pu Zira pawh a hun tawp dawna a bialte tana HM a\anga an bang ngam hi chu a chuanna lawng a pil dawn tih a hriat vang a ni mai lo’ng maw? Hmangaihna a sem tlai ang tih a hlauhawm hle mai. Tlai luatte hian pawina a nei, tling \hleh apiang pawi tih a zual. Hun \ha i pamhmai e a ti ve ngei ang le.
RZA Ralte TD
————-

Pu Zira i va chhuanawm tak em aw, i bialte tan hi chuan. Nang ang vek hian midang pawh hian an bial \heuh hi vei ve se chuan an bialah hian nang ang hian an tling reng tur a ni a. I fakawm, i chhuanawm thlawt.
9612818659
————–

Millennium leh Bazar-a sound ring tak tak nena bengchheng problem siam \hinte hi eng chen nge sorkar hian phalna a pek le? Noise pollution hi engchin nge ni le? A bul hnaia dawrkaite tan customer-te nen inbiak a har thei hle. Kan right hian mi right a exploit thiang em?
Dawrnghaka
————

Pu Zira, i bialte thlavang hauh nan i bang ta a, i bial mipuite hi i chungah an lawmin i tana ham\hatna tak tak hi an ngaihtuah pui che i ring ngam em?
9436754005
————-

Tukin Vanglaini chanchinbu chhuaka kan CM Lal Thanhawla’n “NLUP hi Pathian lam\ang Programme a ni” tia zak miah lova a la sawi ngam hi Zoram mipuite min zah loh leh tham loh zia tarlanna leh kan Pathian a ngaihnep zia a rawn tarlannaah ka ngai. NLUP an sem dan leh a hlawhtlin loh zia hretute chu Zoram mipuite hi kan ni. Miretheite rahbehna hi Pathian Programme a ni ngai lovang. Nge nia a Pathian sawi ve fo hi keini Kristian te Pathian Jehova hi ni lovin, Kolkatta-a Bati a zuk chhitsak Hindu pathian zawk kha. Buichhia laih lohin a inpuang a ni mai lo maw?
Zo Nehemia
————

Mizo Idol a ropui \hin hle mai. Top 5 zingah Ticos leh Jerry-te aw a nghet ber a, Idol zawh hunah Ticos leh Jonathan-te zai kan ngaithla fo \hin ang. Tin, Pi Feli Thangluah khan “Ki hria” ti lovin “ka hria” lo ti tawh sela, lawm a kim lehzual ang.
LB-a pa
————-

Idol hmawr bawk a hnai tial tial, Judge lam tan pawh a har tial tial tial ang. Chutihrual chuan experience nei \ha, fans ngah leh thawm nei ring ring game-ah kan lut mai dawn a ang tlat, han uluk lehzual teh u.
Idol fans
————-

Ticos-a Idol tura kan hual i nih kha. Champion ngei turin han \ang zel teh. Music khawvela kan duh reh theih loh te hi National Level mai ni lo, world class te tiam pawn platform-a sapatalte hi an ni ngai lo a nia. I che vak vak lo hi min hip bet tlattu a ni a sin. Zam lovin \ang zel rawh. Replay kan ngaihthlak leh hian Ticos-a zai hi chu Recording Studio-a duh tawka siam nalh sa a ang ber kan tihna che a rei tawh a nia. Ticos vul zel ang che.
Ruattei
————-

Kumin chu Mizo Idol intihsiakna a hmuhnawmin an zaithiam tlang \hin hle mai. Ka duhthusamah chuan Judge-te hian thuneihna keng tlang se. Mipui lam an inrawlh hian kan khua, kan veng, kan hnampui tih vel mai mai khan vote an pe leh anga, zaithiam tak tak thlan chhuah nise a duhawm ngawt ang.
Thlirtu
————

Mizo Idol Judge-te hi an felin an va thiam em ka ti. Azautea leh Pu Robina an fakawm thlawt e. Kan hmeichhiate pawh an hmuh a nuam lutuk, an hmel\ha ve ve sia.
Reubena pu
————

Ka U Lianate khua, Jonathan Lalengzauva, i va han thlawh \ha teh kher em! Kan lo \an bawn tawp che a nia. Zam reng reng suh aw.
Mr. Blue
———–