Fakselna 19th December 2017

0
901
views

Krismas hi Pathianin mihringte chhandam nana a fapa Isua Krista min pek hun a ni a. Mahni intuituah hun ni lovin, \anpui ngaite leh harsa zawkte \anpui hun atana hman tur a ni. Rukru pawhin a ruk loh hun, ruih chingte pawhin an ruih loh hun, mipat hmeichhiatna laka fihlim huna hmanna tur hun leh ni a ni. A letlinga kan hman \hin avangin YMA-te kan duty a lo \ul ta, a pawi takzet mai.
RK SANGA
———–

Gujarat & Himachal Pradesh Assembly inthlan result chu rinlawk ang chiah a ni leh ta. Nakkuma inthlang turte pawh a lang sa reng mai. Mizoramah pawh rin aiin BJP-in hma a sawn hle dawn a, vawilehkhatah chuan chak thut a beisei awm loh. Mahse, Central chakna hmangin engemawzat an tling dawn a, party dangte nen colliation sorkar an siam ngei dawn a, a fawng vuantu an nih ngei a rinawm tlat mai. Congress pawh Hindu tho an ni a, Mizoramah hian BJP-te an sorkar hi a hlauhawmna engmah a awm lo, kan ramin a takin hma a sawn ngei dawn.
No. thup
———–

Kei thingtlangpa lungmawlin ka lo ngaihtuah ve mai mai chu ruihhlo buaipuiin ram pum buaiin kan buai a, sorkar berin ZU a zuar a, an sawi danin in lo thei lo tan an ti ni awm tak a nia. In lo thei lo leh hmeithai tihpunna ni maiin ka hre tlat nia mawle. Zuk leh hmuamte an vei viau a, zuk leh hmuam avanga intibuai te, in\hen te, intihlum ta te sawi tur ka la hre lova, thil \ha chu a ni ka ti chuang law.
Dindini pu
————-

Zu zawrhah pawh sorkar zu zawrh chiah sawi peih ho hian zu an haw tak tak a nih chuan Rangvamual leh Phunchawng zu tam lutuk khu zu sawi ngai miah lova, ni tin mai hian RV lamah khuan zu in tur an la kal dul dul reng sia, RV kawng bulah kan awm a, ka hre chiang lutuk.
S. Tea
————-

Mizorama ruihhlo hluar tak hi buaipui tham a ni a. Myanmar a\anga lo lut leh a rawn keng luttute hremna hi siam \hat vat a \ul. Myanmar a\anga ruihhlo rawn keng luttute (Myanmar mi) chu India rama hremna dan khirh tak case siam sakna Documents hmanga Myanmar sorkar kuta han hlan zel ni se. Hetiang mite hi chhinchhiahin, Myanmar lamah pawh puanzar ni bawk rawh se. Myanmar a\anga ruihhlo rawn keng luttute hian Mizoram Tan In (Jail)-a hrem hi nuam an ti tlat. An hlauh ber pakhat Myanmar Jail-a dah ngei ni zawk se a fuh zawk ngei ang. Mizoramin ruihhlo zuartute hremna hi kan neih nat tawk loh avangin, foreigner case hmang \angkai ila, Myanmar a\anga ruihhlo zuar lo lut \hin te hi kan dah zalen lutuk deuh a ni.
PH FANAI
————–

Kristiante hunpui ber, Lal Isua pian champhaphak kan lo thleng leh dawn ta a, Zoram mipuite leh ram pawna Zohnahthlak zawng zawng te hlim taka hmang \heuh turin Fakselna kal tlangin Krismas leh kum thar chibai vek u le. ‘Thinlung a lamah hawn ila, ro thil dang a ngai tawh lo’, hla siamtuin a lo tih angin Zoram tan pawha rohlu a nia, Lal thar lo piang chu chibai kan buk tur pawh a ni. Chutih rualin he hun tawi te, mizia inang lo tak tak kara kan hun ropui ber kan hman tum dan te a inang vek bawk si lova, inkhuahkhirhna a tam ta mah mah \hin lo maw? Lo ngaihtuah ve teh.
Hnam Arsi hruaitu ZORAM SAKEI
———————

Pathianin hun \ha te min la pe a nih chuan nakkum khian kan ram hruaitu tur kan thlang leh ngei ang a, mipuite hian mahni \anghma chauh ngaihtuah lovin party ruihchilh lovin, politician dawt sawi hmang chu i vote lo ngam ang u. MLA-a dingte pawh hian tlin duh vang hian thil hi i tiam zung zung lo ngam \heuh ang u. Tih takzet hian kan ram siam tum hian thawk \heuh ang u.
Tlabung aw
———-

Rinna Channel-ah emaw, Zawlbuk Channel-ah emaw hian Chrismas Sermon, live-in urlawk zan leh mas zanah rawn tichhuak thei ula kan va duh em. A rem chuan kumhlui thlah zanah pawh mawle! Zan dar 10 chho vel ni se, tute pawh kan meng rei a, Pathian thu \ha tak ngaihthlakna remchang a nih bakah thlarau mi, sawm awm in tih kha rawn sawm tawp ula kan lawm hle ang. Pathian thu channel-ah pawh sermon hlui leh mas lam hawi ni lo kan en \hin a, in inpekna hlu tak kha min rawn chhawp chhuah sak ula kan lawm hle ang. Kan lo ngaichang ang che.
9612617224
—————-

Khawngaihin Zoherliani zai hi tam thei ang ber han pe teh u a. Kum upa lam chuan a zai hi kan ngaithla ning thei lo a nia.
VR Sailo
———–

Pu Rama hian Congress a beihna lamah an party thil tum a sawi hmaih \hin nge, ram tana \ha tur thil ruahman an nei lo zawk le? Nge Congress paihthlaka lal leh huna duh thala tal leh an tum zawk?
Duata pu
—————

Dt.18.12.2017 zana Fakselnaa Dotlata inti kha i sawrkar hna thawk hlawh pung tur thik ang lek leka i rawn sawi kha kan thik lova, sawrkar hnathawk hlawh a pung a nih chuan thil man zawng zawng pawh a pung vek dawn a, keini mi rethei, nitina inhlawhte hlawh a pung ve thei si lo, kan lo lungngai lawk mai a ni e. Thil man a san chak ngaihtuahin kan ni khat hlawh hi Rs.300/- a ni rei tawh si a, a \hen phei chuan Rs. 250/- ten min la chhawr an la tum reng bawk nen, a \hen \awng duh deuh phei chuan inthawh duh loh leh thawk lo ula, tunge awm thei thei te min tih khum a, chaw kan nghei thei bik si lo, sawrkar hnathawk pha ve lo thingtlanga mite hi min rawn zir chiang la i hrethiam ve mai ang.
B. LIANA
————-

Congress party-in NLUP an hlawhtlinpui nia hriain MNF party chuan SEDP hmangin cheng nuai thum sem an tum tih an sawi ri reng mai hi kei beng chhet deuh pawh hi ka beng dar a nat phah hial mai. Sem lam pang hi thil \ha lo ber, zu aia \ha lo a ni.
Malsawma pa
————

Pu Ruatkima MLA-in Congress-in nuam an tawl a tih kha dikna chen a awm ka ring. Sorkar ve lo tan chuan nuam tawl ngaihna a awm lo. Anni pawh an sorkar lai khan nuam an tawl nasa lutuk a, an tla thum dawp mai a ni. Contract leh sorkar hna zawng zawngah an mite chauh an la a, uchuak takin compensation an inpe a, ram rohlu tur tam tak an hluihlawn a ni lo’m ni? Thil lei \ul lo an lei vak a, sum siamna a ni ngei bawk.
VL Ruata
————-

India ram inthlang chu a hnuhnung chu phungin seh tih ang vel a ni a. State 4 chauh Congress-in an chang ta mai a, heng Mizoram, Meghalaya leh Karnataka te lah Congress tlak lohna chu inthlan lohna chiahin a dang niin a lang. Party Dictator ang mai, Congress-ah hruaitu \ha an awm ngang lo em ni le?
SKA
————

Pu Modi-a’n Tuirial Hydel Project megawatt 60 pe chhuak thei a rawn hawng a, kan thim ta reng mai. Rawn hawng lo law law se ka van ti tak.
No. thup
———–