Bawngkawn-Sairang peng thuam zauhna atana Lalthai w/o Lalrinmawia ram 113.04 Sqm a zau kum 2005-a MNF sorkarin a lei, a man zat a lang lo. Land Lease no. 117 of 2005 hmanga MNF President, Pu Zoramthanga hminga dah Don Sapremsanga Halliday-in Pi Lalrodingi d/o R. Lalthanliana hnena nuai 150-a a hralh daih thei hi a mak tawh nak a laiin tunah kawng zauh hna tan tak tak a tum ta niawm tak a nih laiin Pi Lalrodingi hnena zangnadawmna sorkarin nuai 150 pek a remti tih leh mai hi a va mak leh zel ve! Pu Sapremsanga hian a pe let leh mai tur a ni zawk lo’m ni? Eng ang fakauva indiatduatna nge ni ngai? Ram hmangaihtu intite chet dan hi a va mak zozai em, an Kohhran theuhah rawngbawltu an niin Pathian thu an sawi kur ve luai awm hlawm si a!
Puipuii pi
————–
MNF party hian kan chak dawn an ti reng a, MLA panga atang chuan invawrhtlin a har ang. Congress MLA paruk atangin 12-ah 12 atangin 32-ah an invawrh thei chauh. Central BJP puihna lo chuan Congress hi an namthluk ka ring lo. A thuhrimin Congress hi anni ai chuan corruption lamah an fihlim zawk a, tha zawk titu an la tam niin a lang.
VL Ruata
————–
Inphunchiarna te, insawi leh selnate hian ka beng a rawn thleng ve zel a. Insawisel leh phunna tam ber hi chu han belhchiana, thu tak khuka khukpui tlak loh a ni tih ka hmu a. Sorkar thiltih a nih avanga sawisel tum ve hrim hrim te, opposition nih vanga thil tha pawh sawisel leh phun hrim hrim tum ho hi a tam zawk an ni tih hi chiang takin ka hmu a ni. Ram leh hnam tana thil tha tak sorkarin a tih mek pawh mipui rilru kawihher tuma sawisel vak vak te, phun vak vak hote hi eng ang mi nge an nih ang aw?
A then hi chu an suahsual tukhum pawn vanga mipui rilru kawihher tuma sorkar sawisel an ni a, hetiang mi hi an tam hle. |henkhat chu an hriat chian tawk loh vangte a ni ve bawk. Hetiang mite hi chu an sual vang pawh a ni chiah lova, mi tha pangngaia ngaih theih an ni. Mi thenkhat thung erawh chu sawi tur duh ve hrim hrim an awm bawk. Sorkarin kawngpui a laih mek leh siam mek te hi thenkhat chuan sorkar an sel bawih bawiha, kum 2/1 thil thua zawh mai theih a ni lo tih an hre vek. NH 54 kawngpui pawh Central sumin Tuirial atanga Tuipang thlenga laih that tura ruahman fel vek tawh a ni a, heng pawh hi hun rei tak thawh ngai tur thil a ni a, mipuite hian dawhtheihna kan neih ve a ngai a ni. “Rome was not build in a day” tih a ni kha.
Saipui Kallai
————–
Apex Bank Zarkawt Branch hi hmeichhe pual Branch a ni a, dawrtu pawh an tam luih luih lo an ti a, dawr ve ka duh ta a. Branch Manager hmu turin vawi 3 ka kal a, mahse, hmuh tur a awm ngai lo. Ka kal vawi 4 na-ah chuan a lo thu ve mial a, an staff pakhatin tukin zinga a lo thlenin thingpui kan lo chhawp theihnghilh a, a ang nileng thak tih min lo hrilh a. Chuti teh hrep chu indawr lo ila a tha zawk e ka ti ta mai. Kohhran Upa nupui niin an sawi.
Maremi
————-
ZPM (|angrual Pawl) an tih hi an hotu leh thusawitu tam ber enin ZNP note a ni mai lo maw?
9774354495
—————
Ram leh hnam inkaihhruaina (politics) chungchangah hian ram hruai tura kan thlan chhuahte leh mipui inkarah hian tunge dik lo zawk ang tiin kan inkhaikhin a, zawhna kan inzawt fo mai! Ka nuih hi a za deuh tlat thin.
Ram hruaitu an dik chuan mipui tan dik loh ngam a ni lo. Ram hruaitu an dik loh erawh chuan mipui hi an dik hlei thei lo. Heti chinah hian duh tawk rih phawt ang. Min rawn chhang duh in awm chuan i han inchhang zel ang u hmiang.
RL Chhanhima
—————
