Fakselna 19th November, 2018

0
434
views

MNF leh BJP-te hi a ruka thawkdun nise MNF hian bial 40-ah hian candidates a dah a rinawm loh tlat. MLA candidate tur hi mi 50 pawh set ngai se ram leh hnam tana mi \ha leh mithiam rintlak hi an kat nuk mai a, mi \ha tam tak awm chungin lungawi leh lungrual taka mahni hmasial map lova Zoram tichhe mektu tibo tura an han inkian thei tlatte hi a Mizo em em a, Kristian nun dik tak a ni. Hei hi a ni Pathian nung ruat dik tak an nihna chu. Party dangin dik lo taka puhin bei bei mahse a ni telin a \hang chho zel a, Congress erawh a ni telin chhiat leh tlakhniam lam a pan zel a ni. Zep thu a cheng lo, Social media a chak si a, an thawm mitdelte hriat a ni ta a nih hi. ZPM ho hi mi 40 pawh an inhmu zo lo a nia, Congress hmanrua an ni tih hi a chiang lutuk. BJP-a lut ho hi a nihna takah chuan party danga nihna chang lo tlan tau, sum duh vanga intelkhawm mai mai an ni. Kristian ramah hian tumah kan titling tur a ni lo. Mizo hnam damna tur leh chhanchhuak tura chunglam ruat chu MNF chauh hi a ni. Hetah hian kan ram leh hnam a dam Pathian avangin.
Lawngtlai pa
————–

Zu zuar leh mai tur sorkar hi kan thlang leh mai palh ang tih ka hlauthawng khawp mai.
FC Coloney
————

Indian National Congress Party Mizorama mite hian tual\o party-te hi BJP zawm angtea an sawi hi awm lo ka ti khawp mai. Zawngin ama ngumkhak hmu lovin a \hiante ngumkhak chauh a hmu ang hi a ni. Anmahni a lawm Hindutva dik tak chu. An hotu pa ber pawhin Kolkatta-a durga puja-ah vai pathian milim hmaa inthawi, inhlan, bia chu an ni zawk. Danial-a anga rinna dik, Pathian \ih mi tan chuan an ni ho hi hnawl hmak tur a ni. Kohhrante pawh hian milem pathian hmaa kun tawh hi kan la ring cheu dawn em ni le?
L. Rinawma, Azl
————

Inthlanpui kan neih dawn apiangin ram hmangaihtu leh ram veitu hi kan pung leh hluai \hin a. Sorkar lai pawh, engmah ti ve hlei lote pawh khan ram an han vei thar leh thut \hin bawk nen a lawmawm dangdai hlein ka hria. Hetianga kan ram kan kal zel dawn a nih chuan INTHLANPUI awm lovin hmachhawn deuh reng zawk ta ila. Kan ram hi hmangaihtu an tam poh leh kan changkang zawk awm mang e aw ka ti.
Ramveitua Ngaizawl
———–

MNF te hian Mizoramah term 2 bak sorkar zawn la awm ngai lo leh thil la thleng lo tia innghah nana an lo hmang ve fo hi ka lo ngaih ve dan chuan kum 2013 inthlanpui a\ang khan thil la thleng ngai lo hi a thleng tam tawh khawp mai. Khatiang taka party malin hneh taka sorkar siam kha a la thleng ngai lova, hnam hnatlang neih ngai hial khawp pawh a la awm ngai lo. Sawi tur tam tak a awm. Kum 2018 inthlan pawh hi a la awm ngai lo, party chhuahsan engemawzat awm mah se an lawmluh ve reng dan a\ang hian Congress bawk hi sorkarna siam tur a nih hmel ta khawp mai.
Mizo pa
————-

Mizoram Political History-ah Mizo Union khan kum 1948-1962 inthlanah hnehna a zawnin \um li an chang thei a, Congress party pawh hian a zawnin \um thum aia tam hnehna an chan theih a rinawm hle. Opposition party lian ber MNF-te a zawnin term hnih bak Mizoramah sorkarna siam thei an la awm lo an tih hi chu an mahni inawihnunna atana an duhthusam vel mai mai a ni e.
9612377398
————-

Party te election manifesto a \ha hle hlawm a, sorkarna siam apiangin an manifesto an tihhlawhtlin beisei ila. HLEMHLETNA avanga a hlawhtling lo a nih chuan a sawp chu nasa tak a ni ang. Police chuti zat an thi tih lam a nih kan ring lo. A kaikuangin an tawrh kan ring.
The Communsts
————-

Mizo pa tam tak hi chu inti Mizo tak leh Zo hnam ngaina tak inti an awma, hnamdang pawh sawisel sawisel reng mai an ni. Mahse kan veng chhungah pawh hian hnathawh tur chungchangah pawh vai sulhnu ngaina tak leh inlengah pawh vai inleng bak chu Mizo inleng dang a nei duh lo. Mizo a ngaina leh tlat lo.
LALMALA, AIZAWL
————-

Kan tunlai Zoram khawvel hi zawng a va han hahthlak \hin tak em. Pa ho zing ni lum aiin party an din leh chawt mai \hin a. Mizoramah Pathian ram kan thlen tir dawn te an ti vel bawr nen Pathian ram te chu mihringte thlen tir theih pawh a ni lo. Thlen tir theih nise Lal Isua kha khawvelah a lo kal a ngai nang, a mangan thlak teh zawng a nih hi.
Bawiha pu
————

Eng vangin nge \henawm tlangval chuan tun a taka ram a hmangaih thar tak thut a? Enga tinge BJP leh MNF party te engti kawng zawng mahin thawhdunna an nei lo tia social media-a thu a post tak vak vak mai tia kan chhuichian chuan MNF-in hna pek an lo tiam reng chu lo niin! Tenawm hlawm lutuk.
8258970455
————

|hal tuilian ang maia dam thlup leh khauh ru em ema kal mup mup ZPM te hian sawichhiatna leh puhchhiatna chi hrang hrang tawk mah se an rinchhan leh chawisangtu chunglam khian hnehna a chantir ngei dawn niin a lang ta.
Mizo Tlangval
———–

Development thlirvêlna:- Congress party chuan remna leh muannaah bul\an phawtin a dawtah rangva sem, NLUP, NEDP, Infrastructure. ZPM chuan sawhthing leh hmunphiah, hand holding, Infrastructure, lower class a\angin bul an \an ve ve. MNF ve thung chuan \awngkam \hain lower class-ah bul\anin a tak hmuh tur erawh a awm meuh lo. High class-ah an zuang dawrh. Ram mipui zaa 70 vel lo nei leh kuthnathawk tia kan sawi \hin a\anga chhut chuan Congress emaw, ZPM emaw hian sorkarna an siam duh hmel khawp mai.
LB-a Pa
————-

Zonet hi a awm tirh a\angin kan pawt a. Lengzem chanchinbu hi a chhuah tirh a\angin ka lei ziah. Vanglaini chanchinbu hi a chhuahtirh a\anga vawiin thlengin ka la subscribe. Mahse ZPM-in lo ni hi pawi ka ti lutuk. Kumthar a\ang chuan a vai hian ka ban vek ang che u. Lalduhoma hi ka mi rin loh ber a ni. Vote ka neih ve hma a\anga ka mi hriatchian a ni e.
9615051125
————–

Pu Tawnluia’n itawm taka inzuara, an tih theih loh tur intiama mipui bum tum party a tih hi MNF party Pu Rama kaihhruai a sawina a ni mai lo maw? Sorkar laia mahni thutiam ti thei lo ber chu MNF tho an ni. Tun \umah pawh kawngpui chhawngte, traffic jam lohna khawpui leh SEDP a tlem ber pawh nuai 3 te hi sorkar pawh nise an tih theih loh tur a ni e. Party induhsak leh kawngpui chhia te hi sawi ve tawh suh se. An sorkar laia buffacos sum, an party mi tlemte-in an hausakpui te, an enkawl zawh loh tur kawngpui PWD kuta an sum duh lutuk vanga an dah ve ringawt te kha MNF tih vek a ni. Zak miah lovin midang an la sawi chhe ve pang pang lehnghal a. Corruption dona te an sawi ve phei hi chu Pu Ruatkima hi an pute corruption case awrh mek, interim bail lehkha aka campaign mekte hian an ngei ngawt ang.
Da Independent
————