BJP hian khawvela an huat ber Congress party nen CADC-ah pawh thawk dun leh thei tho kha an ni a, Kristian-te tan a hlauhawm loh tia an han insawi leh kual vel ringawt mai hi chu an hrawkbawk ni lo, bawng a\ang ringawt pawh hian rin ngam a har hle mai. Bangladesh pawhin Hindustan ram a nih an hlauh vanga Majibura pawh kha that ta ni ang hiala sawite a ni a, JAI HIND tih ve kher hi kan tum lo, AMEN tih mai hi keini Mizo Kristiante chuan kan duh tawk viau mai niin a lang.
Tlabung Uitangrual
————
Dampa biala MNF MLA candidate chuan SEDP sum cheng nuai thum, chhungkaw nuai hnih leh sing nga kan pe \heuh dawn a ti. A vaia an sem tur chu cheng vbc 7500 a ni dawn a nih chu. Unau, ngun takin ngaihtuah la, kan ram tana mi hlauhawmte kuta thuneihna hlan hi a nghawng a na hle dawn a nia. Thu romei sawi chingte lakah inthiarfihlim rawh! An hlauhawm a nia aw!
DAMPA Bial pavalai
———–
All India Congress Committee (AICC) Secretary-in a sawi leh Common Platform, MPF-in a buatsaiha, MPCC Spokesman-in a sawi, Sairang thleng rel kawng thlen tir thu kha ka lo ngaithla ve ve a, Mizoram Congress, Pu Lal Thanhawla kaihhruai hnathawhah an rawn sawi a, mahse phat rual loha ka lo hriat ve dan chuan kum 2008, \hâllai, zingkara AIR News Delhi a miin a rawn puanah chuan “Bairabi Rail Head chu Sairang thleng kal tir tur angin North Eastern Railway Agency-a General Manager sawi a rawn puang a. Chubakah “Kum 2010-a zawh tum a ni” tiin a puang bawk a. Pu Hawla sorkar, kum 2008 kum tawp dawna lo ding khan hei hi engti zawng mahin a rawt hman lo tih hi kei Regionalist pa hian ka hre chiang a ni. Mimawl bum thiam leh bum ching, thatchhe thawh chen bak kal peih lo hian dawt bawkin em ni mipuite min bum an tum cheu dawn? MPCC hian sawifiah rawh se.
Regionalist-a
————-
Kan Chief Minister hi a bial ngaiah a tlin zawh loh mai an rin avangin Pu JH Ro\huama bialah a ding tel dawn a. A bial \hin Serchhip bial mipuiin a tar tawh deuha, a ngaihtuahna leh \ha tihdan a umpha peih tawh meuh lo a ni an tia lawm. Pu Duha’n a nek chhuak tho tho ang zuk ti bawka mawle!
8974244232
————
Inthlan a hnaia tute pawh kan \ang a, kan \an lam pawh a hriat hle. Heti chunga Fakselnaa tihchhuah duh loh innei hi \ha ka ti lo takzet.
RK Sanga
————
Party workers ruh zual tih loh, mi pangngai chin deuh ngaihtuahna hmang chin deuh hi chuan ZPM hi an vote vekin ka ring mi titi han ngaihthlak hian.
Lala, Aizawl
————
MPCC President, Pu Lal Thanhawla chuan SIX BASIC NEEDS hi a \hing, a hlui lutuk tawh a tih kha pawm theih a ni lo. Mihring kan awm chhung chuan a hlui thei lo. Chenna tur in, tui tam tawk, ei leh bara intodelh, Power & Electricity tam tawk, zirna \ha, hriselna lam, kawng \ha te hi mihringte mamawh a ni kumkhua a ni tih hi zirchiang teh se.
Vena Pu
————-
Zodintluanga hian Pu Ruatkima chona hi a pawm ngam ang em? I lo thlir teh ang. A ngam lo a nih chuan ngawi mai mai tawh rawh se. Vaupung tihnat viau ringawt hi mi pangngai tan tih chi a ni lo.
Carolini pu
————-
Tun hma NLUP-ah kha chuan an trade thlan danah dawng thei an ni em tih te kha endik zel kha a ni a, tun \uma dawng ho chuan refrigerator lei nan te an hmang a, rethei chu an dawmkang ngei mai. Rei a daih ang em aw tih hi ka lo faksel ve mai mai a ni. Refrigerator hian an retheihna hi an inkhai kang rei thei ang em aw tih hi ka lo vei ve deuh a.
8794019317
————-
MNF leh ZPM ho hian Congress hi an sawichhe vak vak bik a, eng nge in nih bik le? MNF lah hel khawi ngamtu leh corruption party, ZPM lah an pu ber pawh lal duh vanga ZUANGLAWRA tih huai huai, a zuitute party lian sa MNF leh Congress-a an awm lohna chhan chu nihna sang chan phak loh vang mai a ni si.
VL Ruata
————
Inthlan a hnai a, party tin ten campaign an bei a, an campaign-naah an ram hruai dan tur sawi turah kan ngai a, mahse enga tinge MNF hian midang ringawt sawichhiaa, mahni mita khanchhuk hmu lova, a \hiante mita hmawlhte tak te an hmuh \hin? Bafacos sum chu Zoramthanga te unauvin thingrem pahnih \heuhin an insem niin a thawm thang kan lo hre sia.
9615593539
————
Mizoram sorkarten hmasawnna tura Central sorkar BJP hnen a\anga an sum hmuh te chu a lo van tam ve le. Mizoram hmel tidanglam thei tur khawp a ni si a. Khawiah nge heng sumte hi a awm? Mipui hmasawnna tur a nih avangin mipui tam ber kuthnathawka eizawngtuten kan hre vein kan chian ve a ngai.
PH FANAI
————–
Mi pangngai leh thil hre chin chuan District siam belh hi population leh kan ram zau zawng enin \ul an ti lova, a huam chin turah pawh an buai nghal hi. Seat lak tam duh vanga hetiang tih tum party hi an sorkar ngai lovang.
Lalrinfela
————-
Pu Lalruatkima MNF MLA kawmna inrawn tih chhuaha MNF flagship programme SEDP (sum hmuhna tur) a sawi kha a va chiang love. MNF sorkar hmasaka MIP programme, kha ti khawpa sum tam, chawm bawk, palbaw bawka an sorkar kum 10 chhunga Rs.4,000/- bak a sem thei lo leh SEDP cheng nuai thum hmuhna tur pawh sawi thei lo khan SEDP pawisa hi kei chuan an sem theih hi ka ring lo tawp mai a ni. Cheng nuai thum an sem ai chuan Sabengtung hriau benga luh tir kha a awlsam zawk ang. Chuvangin Pu Zoramthanga leh a pawlte hian thil tih theih loh hmang hian Zoram mipui hi min bum tawh suh se. Kan Pathian pawh hi zah ve rawh se. Pathian thinurna hi an la tawngbaw palh ang tih ka hlauhpui a ni.
Sawmhlua pa, KLB
————-
BJP inkhawmpui chu Chakma puja a ni ringawt mai. Mizote Chakma pain min han au tir vel kha a tlawm thlak ka ti. Mizo tel ve te kha sum duh vanga kal ve mai an ni lo maw? Sum lah engemawzat an hmang awm si a.
9862661055
———–
Ramsa/nungcha tinrengte hi humhalh tlak an ni chiah em? Khawvel hmasawnna zarah Mizoramah pawh Media (TV) kaltlangin ramsa leh nungcha tinrengte chetla kan lo hmu ve thei ta a, en chunga han zir pah chuan an lo sual hlawm khawp mai. An intiduhdahin an in run thul, aia chak lo zawkte an hnuaichhiah em em a, thlabar reng rengin he khawvelah an chetla a ni ber. Ecological balance kan ti emaw ni, nge Khuanu remruat kan ti leh zel? Pathian remruat a ni tih hi lainatna thinlung a\ang chuan rinhleh rum rum a awl khawp mai. Pathianin kan taksa tana mamawh tiin an sa ei a phal tih a ni bawk a, ei mai tur (humhalh chiam a \ul lem lo). Tih duhdah erawh ching lo ila.
LB-a Pa
————
