Fakselna 1st April, 2020

0
73
views

Covid 19 hri leng avanga tlawmngai a mi inpe Local Task Force hi hlawh nei lo a thawk an ni a, tlin lohna leh fel tawk lohna tam tak an nei ang. He hri hi kan inven fimkhur chuan kan tan vek a ni a, Mizoram mai ni lo, khawvel hmun tina Zofate tan pawh \awng\ai bang lo ila. Hri leng vanga inkhuahkhirhna thu a inhriatthiamna kan neih tlan a ngai a, inhmuhthiam loh nan a hmang mai lovin TV Home Crusade te hi, Biak Ina inkhawmna angah chhung tinte hian hman \angkai \heuh tum ila. Kan fimkhur leh kan tan \heuh a ni tih hi i hre tlang \heuh ang u khai.
Hnam Arsi hruaitu ZORAM SAKEI

9862014844

Hawh teh u, tun hunah erawh hi chuan party lam hi chu i dah \ha teh ang u. Chhungkaw tin kan buai lai hi chuan politic lam rawngkai reng reng chu i sawi tawh lo ang u. Covid 19 hian chhungkaw tinte min hruai khawm a, inngeih ngai lote min in ngeihtirte hi a ropui tak zet. Khawvela ram ropui tak takte pawhin an buai phah luai luai laia kan ram zimte min hum dante hi a va ropui tak em. Thlarau leh tih tak zetin PATHIAN chibai i buk \heuh teh ang u.
PC Nghaka, KK

9862419552

Hripui leng vangin kan buai nuai nuai a. Chhawmdawlna lam pawh thawh mek zel a ni a, sorkar, Kohhran, pawl leh mimal a\ang tein sum a lut ruih ruih a, a ropui hle mai. Hetih rual hian a hman chhuah lamah erawh fimkhur a \ul. Hun kal tawhah state dang, khawvel sorkar \henkhat pawh chhawmdawlna kalpui danah an lo hmingchhiain, tlak phah hial te pawh an awm tawh tih hriat a \ul. Buai zual lai hi chuan proper channel lo deuh hleka sum hman \ul chang te pawh a awm \hin a. Chutiang thilah chuan opposition lam pawhin awm an tihpui ve mai \hin a; nimahsela, buai reh hunah ruling sorkar tihmualpho nan hman an tum leh daih thei tih te pawh hriat tel a \ha. Fimkhur takin, record fel tak nen sum hmang ang che u.

96126 23776

Kan ram mipuiin kan lawm leh kan tuipui ber, min tiharh a, mi tamtak damna TV Live Crusade hi tawp lo a kalzel turin ka ngenin ka phut tlat a. Ram leh hnam dam nan leh chhandamna chang an lo pun zel nan Isua hmingin ka ngen e.
Lucas-a pu

87298 02844

Covid 19 vangin sorkar chuan chhung tin inah inkharkhipa, pawn chhuak lo turin thu chhuah a siam a, he hunah hian thlamuang takin nungchaten hun an hmang ve thung. He Covid 19 avanga kan harsatna a reh hnuah pawh hian kan velah, kan chheh velah nungchaten thlamuang takin hun an hman ve zel theih nan nungcha humhalh kawngah i piangthar \heuh ang u. Nungchate kan nekchep lutuk leh hlau thlabara kan siam nasa lutuk hi simin i harh thar \heuh ang u. Pathianin hei aia hlau, thlabar leh hrehawm a kan awm nan hian hri dang a rawn tir leh hlauh palh ange.
LT Ralte

98620 07651

Serchhip khaw mite zikhlum thar chhuah kg 1 Rs 20-a an pek chu Aizawl lamah kg 1 tho Rs 100-in an lo hralh chhawng an tih thu thang hi a dik reng em aw?
Hruaitluanga pa

96127 89907

Kohhranin rawngbawktu atan sum thawh tam te, upate tlawn thiam deuh te, mi awm thei deuh te an ruat \hin anga an rawn hrût rual pût hi chu thu dik tluan tling a ni hauh lo a nia.

Buanga pa

Kan inkharkhip rei tluk tluk ta bawka, tun a\anga chawlhkar hnih, April 14 bak chu kan t^ng tawh em lovang chu, khulam a an pawhsei paw’n. Anni tih dan lo copy vek a ngai lo. Anni chuan hripui vei an la ngah khu.
Mawii

87946 59715

Kan tunlai boruak han thlir hian, rilru hnual leh ippik taka awm reng loh dan tur leh mipuite rilru tih zangkhaina tur nipah fawmin Zonet hian enge maw film han chhuah teh u. Kan fiamthu thiamte fiamthu hit deuh ang chi te leh \ha in tih zawng te pawh.
Nghaka, Serchhip

98621 30116

Mak ka tih em em chu tunlai a kan buaipui em em Covid 19 a Zoram mipui \anpuina an semah hian sorkar lai mek MNF party hian \anpuina an pe chhuak hmasa ngai reng reng lo hi a mak ka ti a ni. Congress party-in \anpuina a pek chhuah veleh an pe chhuak chauh zel. Pu Ronald Sapa Tlau, Rajya Sabha MP-in a pe chhuak a, a hnu rei vak loah Pu C. Lalrosanga, Lok Sabha MP-in a lo pe leh tho sia. Chu mai pawh a la ni lo, Lunglei West bialtu hlui, Pu Chalrosanga Raltein a bial hlui chhungah \anpuina a pe a, rei vak lovah Pu C. Lalrinsanga, Minister-in a lo thawh leh tho si a. Mak ve tak chu ni. Kan sorkar chet dan hi chu \hiante u lo ngaihtuah ve mai mai teh u.

98629 68794

Central chuan lock down pawhsei a tum loh hmel ta a, Mizoram pawh Pathian zarah leh mipui leh sorkar \anrualna avangin Covid 19 kai thar kan la awm lo chu a nia. Lock down hi a zawhah sorkar hian engtin nge ruahmanna kalpui zel a tum? Airport leh ramri te hi kan la khar zel dawn em? Khar dawn loh a compulsary quarantine a ti leh dawn a nih pawhin ruahmanna \ha tawk tak hun la awm lai hian lo inpuahchah thei se, a tlachawp lo deuhin guideline fel tak lo siam a \ha tawh ngei ang!
Mr CS

94851 41120

In thlah dul mai thei kan la ni lo, lo zalen ru riau te pawh kar hnih khat chu thu i la awih hram hram ang u. Kan ram, India-ah ngei hian kiam lam aiin pun lam kan la pan zel a nia. Thuawih hi damna a ni tih i la vawng hram hram ang u. Tuna kan awm dan hian kan nakin hun tur a hril thui dawn a nia.
Veitu

70858 91518