Fakselna 1st March, 2018

0
858
views

NLUP leh sorkar policy hian ram vah hnua hal (slash and burn) rauhsan an tum ber a. Heng buh thar dan hi chapchar lo chhuahna a ni a, Chapchar Kut lo chhuahna hi a chhuanawm tehchiam lo.

Zoram Pa
————–

Hawh u, Assam nena kan inri-na kan ramchin hum ngam hruaitu thlang tawh teh ang u. Hmui chauha ramvei a, hmangaihtute hi i pet chhuak nawlh nawlh tawh ang u. Heti ringawt chuan thang leh thar lo la awm zel turten ka ram tia sawi tur an nei lo mai ang.
9612938961
————–

ZONET Zawlbuk hi enga tinge a sound a chian theih reng reng loh le? A ringin a zawi thut thut mai a, a pawimawh lai Chanchin thar leh Zing Daifimte hi a ngaihthlak hleih theih loh. Fakna erawh a ring tha em em reng ringawt lawi si. Inring renga awm a ngai mai. Fakna hi chu a sound hi zawite pawh ni mah se a pawi lo, a tam ropui si a ninawm.
8131960561
—————-

Kan ram chhung ngei ngei, hma khaw sanga ta tawh min thlahtuten lu chhum ban chhum huama an lo humhalh ngawih ngawihah zirlai pawlten Zofate chawlhbuk an zu sa dek dek a, ni khat em pawh a ral hma hauhin thenawm state Armed Police-ten an lo thiahsak leh vek mai chu khawnge MIZORAM leh MIZO FATE hmangaih em em thintute kha? Eng mah an tingam dawn na nge? Nge ni ta zawk hotupa ber kalna apianga NUPUI hruai hnu hnu reng inlak pa ve deuh hun tur kan nghak thuap mai dawn? Inti pa tawkin kan tualchhungah PAWI SAWI LO chhungkaw chenna IN LUAH LAI phuba lak nan kan lo thiah belh leh chiam zawk mai dawn em ni? Khawnge kan ARMED POLICE neih ve te kha? An duty-naah an nupuite an hruai ve ta zel nge an va reh ve? Mi state police-te chu an rik phat zel mai chu.
Bawiha pu
—————

Lei chim (Tlawng lei ilo te) an sawia, puh tur an zawnna lama kan CM-te meuhin a kilhna rukbo nasat a nih vanga chim an han ti hi chu ka lo zak ngawih ngawih thin. Bulldozer lian leh te rem khawmnaah hian ka tel ve tawh thin a, lei dawh, rem khawm nen a kal hmang a inang, a dawrawm zawk fe a ni chauh. Sum pai tihchingpenna rapthlak tak awm thin hi mipuite hmeh bel tum tlat tawh lo se a ni ringawt.
8414883986
—————

Eng nga tinge Zawlbuk Zing Daifim hi a sound a zawih em em mai le? Fakna a lo rik hian namen lovin a ring leh hle sia, a tih ngaihna thlawt a awm lo em ni?
9436351249
—————-

Lalna leh thuneihna kan duh hlawm mai sia, nei nung nung hian an duh belh zel mai bawk nen, a te-a te hi kan te ral thak dawn a ang hle mai. Kan sum duh lutuk hlawm hian khua min hmuh tir lo a nih hi. Buaina ral lian ho hi chu i hnawl ngam tawh teh ang u. Duhsak bik nei ching ho chu an ti chi tawh lo mi rethei an duhsakna lah chu hleih neiin an khawsa bawk nen, keini mi rethei tan chuan hleih nei lo leh khai rual thiam thiam an tha.
No. thup
—————

Nimina sorkar hnathawk lian pension ho hi eng party-ah tak lut hlawm tak ang maw? L. Malsawma hi Congress-ah lut se a inhmeh hmel ka ti. Midang ho hi ZPM-ah lut bawk se. Mizoram an hmangaih dante han sawi vel se, lo ngaithla ila nuamawm vei.
Ruatdiki pu
————–

Kan YMA hmalakna, ruihhlo do leh ram leh hnam humhalh kawngah hian an lo che na deuh a nih pawhin i dem lutuk lo vang u. A chhan chu kan sorkar hi hemi kawngah hian a rin leh duap em em mai a. Kohhran lam ni se an hmalakna kawng tur ni theiin an hre lo a ni ang, an reh vung vung mai a. Kan thalaite lah ruihhlo-a tal buaiin, an thi reng bawk nen. Chhan ngai ram kan nei a, chhan turin YMA lo chu hmachhuan kan nei si lo. Kei chuan YMA hi an lo che na deuh a nih pawhin ka hrethiam thui khawp mai. Mihring hian hlauhawm deuh lakah lo chuan nun ngil neih a harsa. Nu leh pate pawhin an fate an thunun theih chhung chu fa sual an neih ngai loh hi.
RK Sanga
—————

Chapchar Kut 2018 Thupui, “SEM SEM DAM DAM, EI BIL THI THI” tih hi a tak ram lo thleng ta sela, kan ngam meuh ang maw? Sorkar hnathawk Officer-hote chu thi mai tur, thi zel tur an van tam dawn em! Mipui hnena pek tur tia, CENTRAL SORKAR atanga DPR hmanga sum kan hmuh zozaite hi chhut chiang ang u. “EI BIL” kan tam hle si a. “THI THI” tih hi kan ngam meuh em?
PH FANAI
—————

Assam sorkar leh Mizoram sorkar hi ramri thu-ah hian engvangin nge kan buai reng le? Ramri thu-ah hian Mizoram sorkar hi kan chiang tawk lo nge, Assam sorkar hi an chiang zawk nge Assam sorkar hian Mizoram hi min zah lo hrim hrim? Sorkar leh sorkar chu a hmalama inbiak a va tul ta ve. Assam sorkar chet dan hi a va tlawm thlak ve aw.
Tlabung aw
—————

MNF ho chu mi thar lawm lut teuh teuh chung hian an tla leh dawp mai ang tih a hlauhawm mang e.
VL Ruata
—————

Hawh teh u, kumin inthlan lo awm turah hi chuan Kristian tih dana mawia khawsa thin party-te chauh hi i vote hram hram ang u. Mizoram hi kan ram neih chhun liau liau a ni si.
Faktea, Chaltlang
————

Registration tih hma-in an veng theuh YMA & LC-te nen garage an nei thei ngei em tih finfiah thin sela, nei thei lote chu registration pe lo mai se tha lo maw Pu Zonet?
9436351126
—————