Fakselna 1st October, 2018

0
845
views

Awle tun \um chu Myanmar-a Zohnahthlak, YZTP te fakna ve thung aw. YZTP te in Mizopuite tan in\angkai zia leh ram hran a\ang pawha Mizo in nihna inlantir \hin hi lawmawm kan tiin fak tlak in nihzia te kan theihngilh dawn lova, chutihrualin keini pawhin tlin lohna tam tak kan nei ang. Mipui an thuhmun fo thei lo a ni tih hriaa harsatna karah pawh chhel leh huaisen taka Mizo in nihna chawinung zel turin Zohnahthlakte ram, Mizoram a\ang hian duhsakna sang ber kan hlan a che u. YZTP vul zel rawh se.
Hnam Arsi hruaitu ZORAM SAKEI
————

Kan hma lawkah khian rorel lai Congress party chu bukin a awm dawn ta. Keia lo ngaih ve danah chuan pum him tawh lo ta chu chung lamin sorkar leh turin min ruat han ti eng ang mahse mang ang au rawl mai niah ka ngai a, amah Pu Lalrinliana’n ni tin kan ral riai riai a tih hi a dik ang, an sorkar tirha Pu Hawla \awngkam leh tuna a \awngkam chhuak han ngaihthlak chuan tla thei tawh lo tur ang mai hian a rak kual mai mai ta niin ka hria.
Rody pa
————–

ZPM (ZNP hming dang?)-in Election hmachhawn an tum dan chu a dangdai leh hle mai. Eng tak ang hlawm ang i maw?
8837489511
————-

MNF leh Congress phuba inlak tawnna politics karah mipui chhanchhuak tur leh thingtlang mite kut kawih budget-a dah thei ZPM a lo ding hi politics-a beidawng tawhte tan beiseina nung a ni.
Tlumtea
————–

Inkawtkaiah sawhthing kg 1 Rs.10/-in kan la ang tia Zofate min bumtu Pu Rama khan tunah a hmuiin cheng nuai thum sem a tiam leh ta. Tunge lo awih sak ta ang le? Mahni tuhrah kan seng leh dawn sia, mi rinawm chu min an ring \hin. Pu Hawla nise a zara tla duai duai mai bawk nen a mangangin kan sorkar leh dawn tih bak sawi tur a nei ta lo e. Koki lehlam a bal tawh pawha a na lo e tih reng zawng a awihawm loh hle. Hnah hlui chu hnah tharin a thlak ngei dawn e.
RZA Ralte TD
————–

Hawla leh a kid ten NLUP Rs.1,00,000/- an sem tirh khan Babutea khan a sawisel nasa hle mai a, bangthlang sahthlaka bangchhak pin nen a tehkhin \hin a. Tunah cheng nuai thum a zuar ve ta thung a, a \awng dan khan sawi ve ta ila, bangthlang, ch^rbang, sumhmun bang sahthlak ang a ni dawn a, hmasawnna hnathawhna tur a tlem lehzual awm mang e! |awng duh lutuk leh khauphar thawven chiam mai hi a zahpuiawm a, ram hruaitu lu ber nih nen a inhmeh lo. Tuma thal ve theih loh tih te, Contractor sang chuang mamawh belh tih te kan hre \hin a, kan ram hian kan dinchhuahpui si lo. Baffacos sum tam an tih te lah khan thingtlang mite a thleng mang bawk si lova, tuna cheng nuai thum an sawi pawh hi HMUI mai bak a ni lovang. Chuvangin kuthnathawk mite tana dinchhuah vena tur awm chhun, sem policy ni lo, thawhchhuah a\anga intodelh duhtu ZPM hi lo pui la, i changkang ve mai ang. Hna thawh hreh lo bawk la.
Ramtea Mz ngat
————-

Pu Zorama khan District ramri tur kha mipuite duhdana siam a ni ang a ti a, Thingsulthiah tlangdungte khan Saitual District-a awm an duh loh thu an sawi sia, engtin nge ni zel ang le?
Thirtu Mitfima
————-

Tunlai hian Aizawl Civil Hospital thuneituten Emergency Room-a duty turin vai, Mizo \awng thiam lo an duty tir \hin a, dam lo emergency-a hospital kal ten harsatna an nei nual ni awm a ni. Mizo mipuiin kan pan nasatna ber kan damdawi ina Mizo \awng thiam lo emergency room-a duty tir hi a fuh ber lo niin a lang. Thuneitu lam hian mipui nawlpui harsatna sutkian nan he duty siam dan hi en fel leh vat se a \ha khawp ang.
LT Ralte
————–

Mizoram thingtlang leh khawpuia kuthnathawka eizawng zawng zawngte hian “Thawk rawh u, inthar chhuah kan lei anga, market kan zawn sak ang che u, sum erawh \anpui ngai bikte tih loh chu kan sem ve dawn lo, kum khatah nuai 5 chuang inhmuh theihna tur kan ngaihtuah dawn a ni” tia ZPM au hla hi kan dinchhuah ve ngei ngeina tur a ni tih hriain i vote huk mai ang u aw.
Thingtlang Tlangval
————

Tunlai kan ram boruak ka thlirin, vei tur hlirin a khat ni berin a lang. Kan ram hruaitute \awngkam hi lo chik ve teh u. Mahni party an insawi mawi siak a, party dang an insawichhiat siak a ni ber e. Kan Pathian thuin min zirtir dan nen chuan a inpersan hle mai. Pu Lalzirliana pawh hian hmanni lawka a sawichhiat char char party a zawm leh dawn a ni awm a, han ngaihtuah chiang ve teh u. Hetiang hi ram hmangaihtu tihdan tur a ni thei dawn em ni le? Ram leh hnam chhan theitu chu MZP hi an ni ta berin ka hria. Kan revenue te hi thlir chiang ve teh u, surveyor te hi an pawimawh em em si a, Rrevenue-a an officer pakhat chuan surveyor tihtlak pangnga chiah kan nei a, an indaih lo tih thu a sawi a, ram teh tur a tam si, surveyor te lah chu zu duh tak tak, sum duh tak tak vek an ni bawk si, sum pek deuh loh chuan LSC pawh an tichhuak \ha duh miah lo mai a, an hotute pawn an sawisel \ha ngam bawk si lo, an senior fu hlawm bawk si. MZP hian Revenue lam te hi bih chiang deuh teh se. Hlawh neiin sorkarin a chhawr a, ram teh man a hrana kan pe vak vak mai hi a tha natthlak khawp mai. A hna tur a ni reng si a, hetiang mihring ho hi sorkar hian an hre lo nge an haider zawk? Mi fel tak tak \hangthar lehkhathiam an tam hle si a, surveyor tam tham tak zu in lo, tangka ngaina lo \hangthar ho lak belh \euh dante hi ngaihtuah ni se a \ha lo maw tiin ka vei zawng ka rawn tarlang ve a ni e.
Ram veitu leh dikna duhtu Rema pi
————-

Pu Hriata Chhangte, pa huaisen tak mai, mi thiam ni bawk, thil dik duh kan nei hi ava lawmawm em! Heti ang mi hi Mizote hian kan mithiam ho zingah hian nei \euh ila kan \hatpui khawp ang le.
Zopa
————-

A chang hi chuan mahni rorel hun chhunga ti \ha duh mang si lova, inthlan a hnai ta maw tih vanga an han inzuar tui hnai leh vel hi chuan luak an ti chhuak lek lek \hin ka ti deuh.
RK Sanga
————–