Fakselna 20th December 2017

0
578
views

ZONET Cable TV Network pawttu zawng zawngte, a bikin Zarkawt Area-a mite Krismas leh kum thar chibai ka buk a, tluang tak leh hlim taka hmang turin duhsakna ka hlan vek e.
T. Lalthianghlima
ZONET
———-

Miten hmuh an chak ni lawmawm, hmu lovin sang tam tak an liam ta. Keini zawng kan chang bik kan vannei hle. Krismas leh kum thar chibai.
8118909095
————

E…khaaii… PM Modi-a lo kal hun chu a va timing lo hah hah ve aw. Krismas dawn \ep kherah te chuan a! Thingtlang a\angin chhungkaw pawimawh tak tak chak khai lamin Zawlkhawpui kan lut ve a, ani pui kha khaw te bengngawng a\ang hian kan kal ni tak ber kherah a lo kal ve roh ang tih kan lo hre lawk hi he bik si lova le, ani lahin khawiah va hre bik hek suh. Chuan le…Zawlkhawpuiah chuan \umin ang lo zet maite chu kan han lut ta bung bung mai a. Modi zet zawng ka lo la tluk lo deuh hlek a lo ni e. A kalna chin tur lam lian dung chin an han sawngbawl duh dan reng mai. Amah vang khan Zawlkhawpui tualzawl rualrem lo ve tak pawh kan han lut lawk thei lo phawt a, kan luh ve hnua kan kal ve chhante kan han tihfel zung zung hnuah haw a lo hun a, kan haw hun pangngaiah kan han thei lo leh phawt a, ani erawh buai miah lovin awlsam sakhaiin a haw liam nelh lawi a, keini ve kan la buai phah dawn chauh mai. Kan khaw Sumo-ten mual min lo liamsan phiar tawh chu niin.
Tlangvala
————-

Zing dar 7-ah gas an rawn sem dawn tiin an han au a, kan zuk intlar a, dar 12-ah pawh gas a la lo thleng lova, hetianga nileng lenga gas chhang tura inpuan hnan hi tih tawh loh hram a \ha hle ang.
9612238063
——————–

Kohhran hi sawisel leh sawi chhiat thiang lo hialah kan dah a. Kohhran dik tak chu, chu chu a dinhmun dik tak a ni. Mizorama kohhran hi chu kal sualna chin kan nei. Kan Lal Isua chuan hmelmate pawh hmangaih tura min zirtir laia hmelma chu sawi loh, kohhran dang te dova tai ran ho hi chuan Lal Isua din kohhran kha chu kan awmna kohhran hi chu a ni lo tih i chiang ngam ang u.
RK Sanga
———-

ZONET-a thawk zawng zawng leh Mizoram hmun tina mite leh Kawnpui Bangla Venga mi Muantei leh Chhana te kha krismas leh kum thar hlim taka inhman theih nan duhsakna Fakselna kaltlangin ka hlan a che u.
No. thup
—————-

Ho si, sum sen ngai bawk si ka tih ve chu Kawn chei an tia maw ni hi! Sum tam tak sen a ngai a, lawmman siam a la ngai zui a. Hei ai chuan mi rethei \anpui nan hman ni ta zawk se. Lal Isua pian lawmna nen pawh a inmil ka lo ti ve ngawt a, vai ho tih ni awm takah ka ngai.
Peka pu
———-

Ruihhlo do tih hian engatinge chhungkuaa buaina thlen nasa bertu ‘ZU’ hi kan sawi tel ngai loh. Kei chu ‘ZU’ hian ka pasal nunna min laksak tawh a. Hei tunah ka fapa hi hremhmun lamah a hnuk kal leh mek a ni. Ka ninzia hi A AW B hawrawp rem khawm hian a sawi fiah pha lo. Chuvangin ‘ZU’ kan thlah zalen chhung chuan ruihhlo dang pawh hi a zalen dawn tih hi MLTP ACT an hlih dawn khan ka ngaihdan a ni. Kan ram hruaitute u han dawn chiang ve teh u. Kan \ahna khua a sei ta em mai.
9862859675
——————

Traffic Police titi: Motor nei man to ho hi chu man ngai pawhin awm se ka man buai peih lo, chung lamah an sawi a, awmze nei lovin an chhuah leh zel thova, a mantu min huain min hmusit let leh tho tih a ni. Mi ram leh kan ram state dangah chuan lalber pawh dan bawhchhiaa puh a nih chuan dan angin ro an rel sak \hin a ni lo’m ni? Rorelna dik chu luipui angin luang rawh se tih thupuia nei state hian eng vangin nge dan zawm lo leh thil dik lo titute hi kan sawipuia a theih dan dana kan hum zel le? Kum tlinglo pawngsual thuah chauh hian em ni dan hi zawm dik kan tum? Mi hausa leh rethei, tihsual inang reng hi ang khata rorelsak ve ngam a hun tawh e. Chuti lo chuan tunge dik taka mahni hnathawk ngamin thawk duh ang le?
Puipuii pi
————

Chhandamtu pian champha lawm tura kan inbuatsaih lai hian Setana ho Heroda pawlte pawh an inbuatsaih nasa hle. Zu leh ruihhlo dangte a tam thei ang ber chhek khawl an tum a, \henkhatin sex hmanpui tur an ngaihtuah a, HIV pawhin \an a la ve mek bawk.
9862383205
————-

Inthlan dawna candidate-te sum dil ching leh remchanga hmanga mi sum lak ching tam tak an awm \hin hi a fel lova, thil dik lo hulhual leh bawlhhlawh tak a ni. Mi piangthar inti, Pathian Biak Ina kal \hinte leh kohhran hruaitu te pawh an tel \hin an ti, a va zahthlakin a va pawi em. Hetiang ti \hinte chuan sim ngei ngei tur a ni. Nakkum inthlan leh hunah chuan mipuiten bial tina kan candidate \heuhte hi \awng\aina nen thianghlim takin a let leh beisei hauh lovin kan theih ang tawkin \anpui \heuh ila, mi dik nia kan hriat, Pathian \ih mi, hmeithai leh pachhia fahrah te ngaihsaktu tur mi huaisen, rorelna fel leh dik ngaina mi leh kengkawh thei tur nia kan hriat kha vote \heuh ang u. Hetih rual hian candidate te pawh an dik hlawl lo, sum pai leh power hmanga vote lei \hin leh vauna hmanga mi dikna laksak tum an awm \hin, sim rawh u. Sum beisei an awm a nih pawhin vote lei suh, i Pathian nung kha hre reng rawh. Chuti lo chu mualphoin i tawpna tur a chhe lutuk palh ang e. Tumah mahni zahawmna bo khawpin tlawn loh tur a ni. Kristian rama MPF tih velte hi a \ul lo lutuk, an fair tak tak chuang lo. Tute emaw tan advantage mai mai a ni, enga tan mah a \angkai lo.
Chhim pa
————-

Mizoramah BJP an rawn lian ang tih hlau bertu chu Congress an ni. A chhan pawh national party ve ve an nih vang a ni. Hlau lo bertu chu MNF an ni, rawn lian se lo thawhpui ila tih chu an duhthusam a ni. An party dawl zotu tur a ni tih an ngaihtuah pha lo nge, an zar lo zova, sum lama lo inlak len an tum tih hi hriatthiam har tak a ni.
VL Ruata
————–

Congress nih chu zahthlakah a kal mai dawn. Himachal-ah pawh an tla duai duai mai.
Ruthii Pu
———-

Kan sawrkar kal ngaihna hre lo chuan khawchhak vawk hrisel lo bawk an sem leh tak? Kan vengah chuan vawkte \ha lo, khawchhak vawk supply tu-pain a rawn supply a, a pawi hle mai. Tualchhung vawk pawh \ha tak tak lei sen loh a tam tehreng nen, vawk natna a leng leh ang tih a hlauhawm hle. Mipuite hi min hmangaih tak tak a nih a, kan vote in la mamawh chuan dik takin rorel rawh u, vawk te supply-tu contractor khan dik takin lo ti tawh bawk se, sum leh paite ai chuan duhsakna te, rinawmna te, hmangaihna te a thlan awm zawk.
Taitea, Az N
————–

Doordarshan Aizawl channel ‘invalid’ a ni reng mai hi a va ninawm ve.
Mission veng nu
—————-