Fakselna 20th November 2017

0
344
views

Vairengtea hmeichhe nu kha i va zak lo em em ve, mahni Mizopui, i hmeichhe pui, hnam dang bulah i zuar maw? Kan hnam min va timualpho ve. Zilh hrep tak a ruanga hnam mualpho zawnga i lo khawsak le? Mizorama awm tlak pawh i ni lo, vaichhe bulah zuk awm law law rawh, zakthei lo em mai.
No. thup
———–

Zoram mipuite u, Pu Hawla’n ‘misual tak’ a tih, amah rei lote lo dan tumte engmah buaina siam lo nge sual zawka, Chief Minister thutiam lak tum lo ambush a, a car lo vawm chhetute kha?
Olivera, Aizawl
—————-

ZPM lo ding thar ta hian politics-ah beiseina thar min siam leh ta. Vote thlak pawh kan peih tawh mang lo kha a nia. Phur takin vote kan thlak thei leh dawn ta e. KAN SAKHAW hruaituten an va khap maite hian ngaih a ti \ha veng veng mai. ZPM-ah chauh rinna kan nghat e.
Thingtlang pa
———–

Sorkar \ha kan duh a, mahni awmna party pawh kan duh khawp hauh lo. Heti chung hian mahni awmna party-ah kan nghet bur lawi si a, mi dang \ha zawk tur pawh kan party aiin kan hmu \ha phal lo. Hei tak hi kan ram party mite \hanmawh bawk a ni. I awmna party kha i keipui sa vawn tlat chhung chu khua leh tui \ha dinhmunah i awm lo va, i zalenna i nunpui lo tih i lo hre dawn nia.
RK Sanga
———

Pu Lalduhoma, ZNP Party President chuan ‘Ka politics zin kawng ka bih letin mi dangte sawisel thiam leh hrat tak, an thil tih \hat pawh fak thei lo, an chet chhiatna lam erawh sawi nuam ti tak mi ka ni \hin tih ka inhmu’ a ti a, a va ngaihsanawm tak em! Hetianga Kohhran Upa a han inhmuchhuak hi party dang President te tih theih loh a ni a, a va ngaihsanawm tak em! A ni tak bawk a, hetiang mi politics lama kum engemawzat lo vei ve tawh rilru pawh lo pe ve tawh, a rilru pawhin a thihsan thei tawh lovang tih theih khawpa \an lo la \hin a nih laia hetianga Pathian hma, mipui hma leh ram hruainaa rilru putpui \hin party dang President te hmaah inngaihtlawmna a rawn pho chhuak hrim hrim hi a va ngaihsanawm tak em! Tin, party dang President te, Pu Lal Thanhawla, Pu Zoramthanga te, Pu JV Hluna te, Pu Vanlalruata leh Pu Lalhmangaiha Sailo te ho pawh a rawn chochhuahna a ni thei mai ang em tih theih hial a ni awm e.
Aizawl pa, Neutral
————–

Congress leh MNF sorkar mizia chu chiang takin kan hmu ta a, chutiang sorkar chuan min thlenpui chu hei mai hi kan la ni a, a lungawithlak loh takzet a ni. Chuvangin mipuite kan \hanharh a, sorkar \ha siam turin ngaihtuahna hmang tak tak a hun tawh, khua kan tlai hma hian.
Ramveia
———–

MNF party hian Pu Hawla hi an hlau hle em ni? A lal loh lai pawh khan nasa takin an bei a, a lal hnuah pawh an bei bawk a, pawl dangte pawhin an bei bawk a, beih rawn thamin a lo lian tihna a ni lo maw?
Ruata pu
————

Lal Thanhawla hi a \ha ber a ni ang. Politics huangah leh politics pawn lam a\ang pawn beih rawn a ni reng mai.
Vision ngaha
————-

MNF ho hian i hnehna puanzar leh i lu lo thin khum mai rawh tih hla hi an la uar hle a, an inhmeh lo. I tlawmna puanzar leh i lu lo buk khum mai rawh ti se an inhmeh ang.
VL Ruata
——————

Press Conference ko thei ngat tan chuan intihfai deuh a \ha lo maw aw. Ha leh ka sen lutuk hi chu en leh hmuh a hrehawm a nia. Kan thusawi ang tho hian kan nihna leh kan lan dante pawh uluk thei \hin ila. Pu Duhoma naute Press Conference chu hmuh a hrehawm deuh e.
Beng chu a tlai, mahse mit a kham tlat.
9862879867
————-

Dt.16.11.17 Vanglaini phek 6-na, Zoram Politics chungchang, Lalramhmuaka Fanai ziah hi a dikin a \ha kher mai. Mahni infaka mi dang sawi chhiat ching Politician leh party ruih chilhtu ho awm dan a sawite hi a dik lutuk a, inenfiah a, insiam \hat nan lo hmang ngam hlawm se. Hna laknaah reng reng hna dil tuin sawipuitu tur kan zawng ruai hi sim ngam vek bawk ila. Tunlaia kan puten Police lak turah dik taka lak an ni ang an tih hi a takin hmang bawk se. Tlin dan inangah chuan mamawh ngawih ngawih chhungkuaa mi lak ni bawk se. Hetianga an tih ngat chuan ka fate dil ve hi tling lo mahse ka vui lo hrim hrim. A \ha lo lai/dik lo lai siam \hat hi mi dang tihah khek lovin, midang dik lo mah se kei talin dik takin ka ti ang ti ngam \heuh ila kan dik vek mai dawn alawm.
Puipuii pi
——————-