Fakselna 20th October, 2018

0
761
views

Pu ZONET, ka’n lo sawi ve lawk. District capital chungchang hi ka’n sawi ve teh ang. Congress kum 10 sorkar chhung khan Budget Session-ah MNF MLA-te khan vawikhat mah function turin emaw, District thar chungchang hi an sawi ka hre ve lo. Inthlan dawn chauhah an sawi thar leh \hin mai mai a va ang ve. Pu Zoramthanga thusawi Congress sorkar chuan fahrawn angin an en cheu a, kan party kan sorkar chuan fa tak angin kan en ang che u. Chakma chungchang a sawinaah ka ngai. Peace Accord-ah khan Ministry humhalhte a ni a, MNF tan Chakma District \hiah chu hnai lo tak a ni ang. Congress party nen thuhmun chiah.
9862009549
————-

Politician-a inngai lal\hutthleng changpha tawh dawna inhre tawh si lo lal\hutthleng la thlakhlelh avanga party danga pemkual hnial lote hi chuan hmun \ha hi beisei ve lo law law sela, kan ram hian hetiang mi hi a mamawh lo, ram tan ni lovin anmahni tan politics an khel a ni zawk.
Thlirtu Mitfima
————

Mizoram Youth Commission (MYC) hi MNF sorkar laia din a ni a, \halai tam takin chhawr \angkaiin \halai eizawnna hna nei loten an vanneihpui mek a, chutih mek lai chuan Pu Thangtea chuan Youth Commission aia \ha leh chang tlung thunei zawk kan sorkar chuan kan din leh ang a ti. MNF Party-in an din Youth Commission hi \ha an ti leh ta lo tihna em ni dawn le. Mak thei ngei mai.
9612377398
————-

Pu Rama’n kan dinhmun leh tuna sorkar lai dinhmun khaikhinin an dinhmun leh kan dinhmun hi inthleng ka phal lo a ti maw? Ni e, tuna an dinhmun ang bak inthlan zawh hnuah pawh an pha lovang.
Duata pu
————-

Politics a nih vanga dawt sawi hi chunglam khian a phal bik ka ring lo. Pu Rama leh a hote hian sorkar mai tur leh an beih ber Congress party chu beih tham awm tawh lo angin an sawi \hin a, mahse an beih ber chu Congress a ni tho si. Congress lal leh tur thu an puang lawk a ni mai lo maw?
Lalrinfela
———–

MNF party kum 10 ro an rel chhung khan thil hriat nuam lo tak tak Hel tih leh inruk bo tih vel kha a tam hle a, kan khawpuiah ngei pawh hel an ngampa hle. Corruption lamah an mualpho nasa a, ram tana thil \ha pawh ti hlei thei lovin sum duhna lamah an tlan nasa a nih kha. Khatiang mi hnenah khan chunglam khian thuneihna a pek ring duh suh u.
VL Ruata
————-

Mahni lo maha hnam thinlung pua \anrual a hun, kan ram humhalh nan leh Kristianna zawn a\angin ti ti chung pawha BJP inkhawmnaa Mizo khati zat intel kha rilru intina hle. Vawikhatmah hnamdang hnuaia kun tur zawnga inkaihhruaina hi kan pawm ngai lo ang. Mahni hnam thil hmusittu in nih kha.
LH Pachuau
————

“RAM LEH HNAM HUMHALH” hi platform leh mipui hmaa thu sawi fuh, sawi dik leh rel huaia hlawhtling chi niin ka hre ta lo va. Committee leh sawiho nikhuaa sawi huai viau pawhin awmzia a nei dawnin ka ring bawk lo.
8837489511
————

Pu Rama’n MNF kan sorkar chuan Aizawl khawpui traffic zam awm lohnaah ka siam ang a tih leh Assam Rifles ka sawn ang a tih hi chu amah pawhin a ring chiahin ka ring lo. Ti thei nise kum 10 a lal chhung khan a ti vek tawh ang, tih theih loh tur sawi hi a huai ka ti ngawt mai.
9485370635
————-

YMA flag te suasam a ni ta mai chu a van thinrimthlak tak em! Veng tina VDP leh YMA-te hian \an la leh deuh se kan va ti tak em! Ruihhlo ti kawn lunlaia thim hlim vela an \hu nghuk \hin pawh hi keini tar chak lo leh hmeichhe awm nem zawkte leh naupangte tan hian hmuh an hrehawm zual reng reng.
Dresden
———–

Pathian nung bia, National party MNF ho ai pawha hnama chiang zawk anga insawi Pu Hawla hian keini West Tuipui bialah hian MZP-te hmalakna angin tun MLA candidate tur atan Mizo a dah ve tawh ngei turah kan ngai a, Pu Hawla hi a thutiama dingnghet tlat mi a ni a tiin a pawlte pawhin MNF ho ai mah hian hnamah a chiang zawk an ti ve tlat si a, ngaih hi a \ha viau dawnin a lang. MNF-te pawhin Mizo ngei an dah chuan Pu Hawla pawhin a theih lohna tur a awm bik lo.
Tlabung Uitangrual
————

Ram hmasawnna tur pawh sawi hman lek lova kan politician inti te an insawichhe reng hi a khamawm ta. Ram tih hmasawnna tura thu dawrawm tak tak neite leh MLA nih ve ngawr ngawr duh avanga au ve chiam chiam ho hian engmah an au chhuak dawn si lo!
PH FANAI
————

Hetiang khawpa kan ram sawisatute kan la zui duan duan mai hi chu a ram vei zia lovin therhlo duh vang mai zawk a ni. Mahni tan ni lo ram siam\hat nan kan hun hlu tak hi hmang zawk teh ang u.

THINGTLANG NU
————-

MNF policy, SEDP a thlawna sum sem tur anga Congress leh ZPM-in an sawi fo hi kei chuan SEDP-ah hian ka hmu pha ve lo. Pu Ch. Chhunga hunlai khan kuthnathawka ei zawngte puih nan an hnathawh dan a zirin lawmman an pe \hin tih ka hria. Keini pawh leilet siam hlawhtlin lawmman kan dawng ve. Hetiang policy hi niin a lang. Thawh hmaa sum sem ni lova hnathawkte lawmman, an laka lawmthu sawina, an thawh tawh hnua \anpuina tur chauh niin ka hria. Mi policy hrechiang lem lova inchirhtheh chîn hi dawt muhlûm tawp sawi an ni mai. Congress Party leh ZPM hian hre mawlh rawh se.

Kuthnathawktu-a
————

Inthlan a hnai a, party tin an \ang viau a, an hmalak dan tur an puang \heuh a, chutih laiin party-te hian a thlawn a pawisa sem hi chu zuar lul teh suh u. Hnathawh inzirtir a, a thawk tam chuan an ei tam mai tur a ni tih hi zirtir nan leh campaign nan hmang teh u. A thlawna thil sem hian mihring rilru a ti chhia a nia.
Aizawl Nu
————-

Congress ho hian vote zawn nana an hman NLUP pawisa Dt 5.10.2018-a an AC-a an thun tawh tun thleng lak chhuah theih loha an block sak hi a dawngtuten an duh anga hman theih turin block tawh suh se. Hetiang vote zawn nana tactic hman hi a \hing lutuk. Tuman an hlauh phah chuang lo ve.
8413898971
———–

Mizoramah hian zu hi kan buaipui viau mai a. Inthlan a lo hnai ta bawk nen party \henkhat phei chuan campaign au hla berah neiin zu zuar sorkar ti tein an sawi bawih bawih mai a. Congress party chu zu zawrh chungchangah an chhuah chhe mek a ni.
Mahse, ka ngaihtuah chiang a, zu hi khawvel awm chhung zawnga tihrem theih loh tur a ni tih mi tinin kan hre vek. Hei vang hi a ni mahna zu hi \ha lo hle mahse khawvel hmuntina Kristian ram sorkarte hian zu an zawrh vek ni. Kristian ram zu zuar tia iak iak ho khan min chhang teh u. Kristian ram zu zuar lo ram sawi tur in hria em?

The Observer
————

Kum 10 kalta vel khan Media lama kan milar tak takten zu zawrh mai hi a \ul tawh ni berin a lang tiin an sawi daih tawh \hin. Congress sorkar hian mi chi hrang hrangte berawnin a zuar ta mai a ni. A lo hlawk ve bawk nen Media lama kan milar bikte phei chuan nawhchizuar lane siam ve mai pawh pawi lo hialin an sawi bawk. Politics thlivir velah Congress sorkar zu zawrh hi an dem leh daih a nih hi. A sawimawitute chuan an la hre kar ang.
LB-a Pa
———–