Fakselna 21st December 2017

0
611
views

Miten hmuh an ch^k ni lawmawm, hmu lovin sang tam tak an liam ta. Keini zawng kan chang bik kan vannei hle. Krismas leh kum thar chibai.
8118909095
————–

Krismas leh Kumthar vuakvetah sorkar leh khaw tin an strict dawn lutuk a, a nuam lo lehling zo vek ang a?
LB-a Pa
———-

Zoram Kohhran leh ringtu zawng zawng hnenah thu sawi duh ka neih hi Fakselna hmangin ka’n puang ve teh ang. Kum 2018 January ni 1 (khat) hi ni pawimawh, kan Lalpa Pathianin a fapa Isua Krista hnena mihringte suala tlu tawh hnu a chhandam theihna tura a thu tiam, thuthlunga nemnghehna a ni. Thisen chhuahna ni champha a ni tih hi i lo hria ang u. Serh tan ni, a hming avanga chhandamna kan chan theih nana hming sakna ni champha a ni bawk. A va ropui em. Khawvel miten an hman anga hmang ve lo turin Zoram ringtu zawng zawng leh kohhrante ka sawm a che u.

KALVARI LUI

—————-

Ruihhlo do an sawi sek bawk a, rawtna siam ve teh ang. 1. Hmun pawimawh hrang hrangah CCTV leh kawtthler eng (street light tha) \ha tak dah. 2. Police Informer (k^wktu) rintlak tam tawk neih. 3. Sorkar ukil thawh \hat nan thu hretu ven \hat (witness protection). 4. Home Minister function kal lawr dun dun aia hna tak tak ngaihventu neih.
Zoramveia

————-

Zoram inkalpawhna kawng hrang hrang a chhiat thu kan sawi huai huai a, a siamtu Deptt. leh sorkar lam chuan ruahtui tla rei lutuk an chhuanlam a, khai le, khua a \ha ta e. Kan kawng chhe lutuk hi han siam \ha thuai thuai teh u khai. Aizawl khawpui kawng dung bak thlengin aw. Kan sorkar lah mi rethei VIP-a neitute in nih kha.
No. thup
———–

Ram hruaitute ropuina hi an motor man tam leh hnungzuitu ngahah ni lovin, ram leh hnam tana an hnathawhah teh ve tawh zawk ila, kan \hatpui zawk tawh ang em?
9774354495
—————-

Kan sawrkar hian zalen takin zu an zuar a, zu lei theih nan card min siamtir a, kan dam loh avangin mi ka card leh pawisa ka thawn a, YMA Duty-ten an lo man daih mai a, aman rawn la rawh se an ti a, ka card-in a huam chin, um 3 bak ka lei bawk si lo. Sawrkar berin lei an phal tawh, YMA Duty-ten an duh dan dana min lo mansak hi kan sawrkar hian min han chin felsak vat teh se. Kan card-in a huam bak kan la pawh a ni bawk si lova, ka ning tawh khawp mai.
Liana
———-

Fakselna hi \ha ka ti em em a, ka hlut bawk a, en ngei ngei ka duh ziah bawk a, inkhawm zan hian a buaithlak hle mai. Zan dar 6 hma hret hian rawn ti thei ula a va lawmawm dawn em.
ZONET ngainatua
———–

Zing Daifim chanchinthar puangtu mipa hian a va puang sual nasa thei em em ve, ngaihthlak a hrehawm khawp mai. Hmeichhiain puang se \ha ka ti. Ka duh dan ka rawn thawh ve a nih chu.
No. thup
———–

Hmanah chuan e a bahsam thlai mawiah kan thliah thing siri nauban a tawn. Tuna erawh vul leh sang thing lerah thliah lohten vul tang e a ti. Vanlal nau lo piang zet hi chuan kan in chhung khur mai ni lovin, kan khawtlang leh ram pum hi chu min nghawr nghing luai luai mai \hin teh zawng a nih hi maw? Thil ti thei chin leh mi awm thei chin te chuan eng anga sang thing lerah pawh lei leh vana lalber piancham denchhena nuam tawlna parzu chu vul mah se, an tan ban phak loh reng a awm tawh lo. A bi tikimtu turin mi rethei leh riangvai fate erawhin a lo pianlaia a chan chhiatzia kha. Ei leh in, silh leh fen tlachham tak meuhin khaw vawt hnuaiah an lo tuarpui ve \ang \ang bawk a, kum thara dam khawchhuah zui zelna tur chu chunglam kutah an nghat tawp mai \hin. Kum thar hun lo thleng leh zel tur nen tlang hrang hranga lenrual hluite vanlal fapa hmingin duhsakna ka hlan mawlh mawlh che uin chibai vek u le, fam Lalzova dungthulin.
Bawiha pu
————-

Kan sorkar hian patling takin ngaihtuahna hmang teh se. Kawn cheimawi lawmman pek tih mai mai hi zawng a naupang chhe rilru lutuk. Mipui sum hmanna hi mipui \angkai pui zawng ni mawlh teh se.
RK Sanga
———-

Vawiin December ni 21-a chhuak Vanglaini chanchinbuah hian phek 5-na leh phek 9-na fakna leh hriattirna hi a thu chhuah a inang vek mai. Chhuah hmaa endik hmasak a ni lo tih a chiang. A felfai lohna ka zawn hrim hrim vang ni lovin VANGLAINI ka \an em vang zawk a ni e. Krismas chibai vek u le.
9862859675
———-

Kan ram hruaitute nuam tih ber nia lang chu a tak ram ang tak, ram mipuite hnena hmasawnna tling si lo puanzar chiam \hin hi!!
PH FANAI
————–