Krismas & Kumthar, Kohhran hunpui kan lo thleng leh ta. Awmlai vei leh lusun fate, Pathian Thlarau Thianghlimin thlamuan \heuh che u rawh se. He hunpui lo thlengah hian Bethlehema nausen lal thar lo piang hian tisa leh thlarau malsawmna thar thlen \heuh che u sela, kum thar hlim awm tak lo thleng tur hian a tharin inchhungkua hruaiin malsawm zel che u rawh se. Hlim leh lawm taka krismas & kum thar hmang turin duhsakna ka hlan a che u.
Chhim pa
————-
Zoram Kristian, Pathian ringtu intite, krismas nau piang kan lawm dan hi a thianghlim tawk em? SMS leh whatsapp te, bluetooth hmanga i thawnte kha a thianghlim em? Kristian \halaiten mahni Branch leh bialah \heuh bengsika ngaihtuah a hun ta. Kristian \halaite a hlimhlawp zawngah khawi maw daikil karah kan terek hian Lalpa hi a lungawi ang em? Krista tan ringtute hi kan danglam ngam tur a ni.
8257918842
—————-
ZONET chhungkuate krismas leh kum thar lo thleng tur chibai \ha ber kan buk a che u.
K. Hautea
————–
Dawt muhlum hlak hmanga Mizo Carbon-a cheng vbc tel eirukna, CM-in CBI chhui a remti tia sawi vul chuk kha chhuitir a ni ta em le? Remtih ringawt, chhuitir si loh chu engtihna mah a ni lo.
ZOPA
———-
Van lal nau ang a \ahna Kalvari-ah chi tin, hnam tin, \awng tin hi an dang chuang lo e. Zoram chhung kil tina leng mihring ni ve tawh phawt chu lei leh vana Lalber, khawvel chhandamtu tur lo pian ni champhaah hian in ring emaw, ring lo emaw ka buai lo, chibai ka buk vek a che u. Kum tharah hlim taka khawvel hman leh vek kan tum vek awm si a, tumah dawt sawi awih miah loh. Abikin Politician te leh kohhran hruaitute phei chu Happy new year, good luck vek u le.
Tlangvala
————
Kristiante hunpui, krismas leh kum thar zu leh ruih theih thil leh mipat hmeichhiat sualna nena chentu, tifuh an la awm lova, an dam chhunga tana an dinhmun hnuk hniamtu, rualban phak lova khawsate erawh an \hahnem tak zet zet thung si.
RK Sanga
———-
Krismas thuchah ka’n nei ve khanglang ang e, Fakselna en \hintute tan. Kan tana a lo pian ni champha a lo hnai ta tak tak a, he hunpui a\ang hian mi zawng zawng nen inrem tum ila, miin an rem loh che u a nih pawhin nangmahni lam talin lo rem hram hram teh u. Kan tana a lo pian chhan leh a thih chhan ang ngeiin he hunpui lo thleng tur hi hlim leh lawm taka hmang turin Fakselna thawn \hinte duhsakna ka hlan a che u.
Ruatdiki Pu
————–
Power-ah kan intodelh an ti emaw tia, kan van buai zing tho si ve? Ram hruaitu lu be kan hawntir te te a, tuk tina kan power hman dan leh khawia mi nge tih vel puanah lah hian Tuirial HEP a\anga thar chhuah chu ‘sa \ah chhuak pek’ ang chauh. Kan state-a roreltute hian tangka an pawh pen hmanga lei vawkte sem tih vel bak an thiam meuh lo chu a nih hi.
8414883986
————–
Fakselna chhiartu hian Mizo \awng chhiar a va thiam ve aw. Hetiang veka thiam hian a dangte pawh hi chhiarin puang se.
Duhtuia
———–
December 25 chu dam takin kan lo thleng leh dawn ta reng mai. Sang tam zawk tan lawmna ni mah se, chhiar sen lohte tan \ahna, kan Lal Isua piancham lo thleng tur hi hman dan tawk, lawm dan tawk kan thiam a pawimawh. I nu leh pa, i chhungte tan lungngaihna, \ahna thlentu ni tawh lovin an tan mai ni lo, a piancham kan lawm, kan Lal Isua duh danin hman i tum \heuh ang u. ZONET thlirtu zawng zawng te, KRISMAS chibai vek u le.
LIANA
———-
ZONET Beiseina channel enkawltute, tunlai chu in che \ha lutuk e. Englai pawha kan hmuh ch^k, season nen inmil bawk si Ruotmawii nen krismas tih programme in rawn pe zan tin hi a lawmawm takzet e. Kum thar hma chu rawn pe chhunzawm reng teh u.
Hmingtea
———–
Lalna leh thuneihna i duh luat avang khan mipuite hnenah khan thu tiam mai mai suh. Tin, hma i sial luat avang khan MLA-a in biala rawn dingte kha intiamtir turin nawr buai ching suh. Kan ram hi kan rethei em mai, kan ram tan hian enge ka \angkaina ni ve ang aw i ti zawk ang u.
Tlabung aw
——————–
Lal pian hun kan lo hnai leh ta. Engtinnge i hman ve dawn le? Kan tana Van ropuina pawh kalsan ngamtu piancham chu eng pawh nise kan lei thil (\hiante nena intihhlimna) kalsanin a hming faka zai turin ka lenrual duh tak te u ka sawm tak meuh che u a ni. Thinlung a lamah hawng ila, ro thil dang engmah hi a ngai tawh lo’ng.
J.Top, Mara New Colony Siaha
—————-
