Fakselna 22nd December, 2018

0
776
views

Ruihhlo hi hnam hmelma kan ti a, a dikna chen pawh a awm ngei ang. Kan (Mizo) hnam hmelma dik tak leh chimawm ber chu CORRUPTION hi ni zawkin ka hria.

8837489511

Thusawi paha kut vai vak vak \hin hi insum theih deuh ni se a va duhawm em. Vai kan anna lai tak a ni awm e.

9436365342

Vanglaini chanchinbu a lo lang tam tak Zara tih leh Mafaa tih te hian mahni intihlar nana ziak lo hian Zoram mipuite tana \angkai tur ziah hi zir ve rawh se. An thu ziah \hin hi tumahin an fak ngai lo tih hi an hre lo a nih chuan lo hre ve tawh rawh se.

MIMAWLA

Sorkar thar chuan zu khap lamah hma a la chak hle mai a lawmawm khawp mai.

7640050295

Ka’n faksel leh lawk teh ang. |hazual Award 2018 kha ka lo en ve a, a hmuhnawm rualin, ka mit thlung lo tak mai chu Pathian fakna hla saa thlarau hnathawh ni miah lova lam hote khan Pathian hla an ti bawrhbang riauva hriatna ka nei tlat pek a. Pathian faka an zai a nih chuan chunglam hriatna tel lo chuan an lar rei tak takin ka ring lo.

RENTHLEI CABIN

Lungchhiatthlak leh zahthlak ka tih \hin chu Mizo dik takte Sap\awng khera phone number kan inhrilh \hin hi a ni. Hnam dang ho hian min ngaih nep phah lo ang maw Pu Zonet.

Hnam\ana

Putar kum 68 mi, zeng avanga che thei lo ka ni a, Zonet Fakselna hi ka lo en ve \hin a, a bengvarthlak \hin khawp mai. Rawtna ka nei ve a, zing kar dar 4 a\anga dar 6 bawrah hian Mizo lengkhawm zai hi rawn tihchhuah theih a ni ang em? A theih hlauh chuan keini ang tar leh upa deuh tan chuan a lawmawm hle ang.

Kamlova, |hiak

Kan Assembly Session hmasa bera kan Governor speech sawihonaah khan
kan Ruling MNF hoten inthlan dawna an Flagship programme tia sawi theih, an aupui nasat ber leh an tlin chhan ber tia sawi theih, cheng NUAI THUM sem leh thlai thar lei chungchang an thup bova, an sawi ri leh duh miah lo khan ngaih an va ti \ha lo leh ta ve le! Chutihlaiin Opposition Leader, Pu Duhoma’n mipuite bum lo tur leh an thutiam hlenchhuak ngei tura a nawr kha a ropui hle mai. Huaisen tak leh zam hauh lova, Zoram mipuite tana ding zel turin Opposition member te kan beisei tak meuh che u a, inhnungah Zoram mipuiten kan \awiawm zel dawn che u a ni. Mizo Tlangval

9862357839

Ka’n sawi ve lawk teh ang. Aizawlah sorkar hmasain in sakna an dawn tir dan kha a dik lo hulhual. Hmeithai in tlu lek leka khawsa dawn tir lovin patling in \ha pangngaia khawsa te an dawn tir mai mai a, Congress hi chu lal tlak an ni tawh thlawt lo, an tling lote hi a awm ngawih ngawih.

Marami, Kawnpui

Sorkar hnathawk inzawmkhawmte, Zirtirtu Association te, Zirlai Pawl te, Sumdawng Pawl te, Service Association hrang hrangte chuan an duh zawng an hmuh lohin nawrh an huaihawt \hin. Mahse, Kristian vek an ni.

Zu in mite erawh kan duh ber sorkarin min khapsak chung pawhin Association kan din lova, kan nuar hek lo. Ngawi rengin kan tuar tlawk tlawk mai a ni. Mahni hmasial lo, mahni ham\hatna tur ringawt ngaihtuaha sorkar nawr ve lo, Kristian \ha tak kan va ni em! Kan va lo fel khep khep em.

Mizo zu in mi