Fakselna 22nd January, 2018

0
684
views

Ram chu a kaihruaitu berin thil dik lo leh tha lo a tih miau chuan a ram kaihhruai mek chu eng ang takin awm ang maw? Bible thu-ah pawh kan hmu a ni. Kristian ram, kan Zoramah pawh kan hruaitu berin thil dik lo leh tha lo a ti em ni? Case a awrh niten thu kan lo hre ve a, a zahthlakin mipuite pa inti reng chunga hetiang dinhmun a din hi a zak ve tho ang em PU ZONET?
KHAWTHLANG MIZO
—————

ZPM mipui innghahna tling in nihna tur a va awm vak chuang lo ve. Kawng tha kum tluana pekte min tiam thei em? Sorkar officer eiru nasa mipui pawhin em em an tih te hi sorkar hmasa 2 ten an hrem ngam loh te in hrem ngam bik dawn em? Zirtirtu sem rualte hi inti thei bik dawn em? In theih bik chuan dawn loh chuan induhawmna bik tur hi a awm chuang lo. Bang chhak sahthlaka bang thlanga bel ang mai in nih hmel. Mipui ngaihthatna tur a vang rih khawp mai.
RK Sanga
————–

ZONET Zing Daifim hi a bengvarthlak em em rual hian nitina Traffic rule bawhchhia man leh ui seh tel ve ziah mai hi chu mak ka va ti em! Khuarel chhiatna hi chu tuma dan theih a ni lova, khing kan sawi takte khi chu kan inthlahdah vang liau liau a ni a, tihtawp theih niin a lang lo’m ni?
LALMAMA Pu, Kolasib
—————

Kan sorkarin pawn lera inthiar lova mahni ina inthiarna min siam tir hi a tha-in hriselna a tan pawh a that ngei a rinawma, mahse keini thingtlanga khawsa tan chuan thalah tui te a lo harsa si a, sorkar bawkin tui dahkhawlna te min han ngaihtuah leh se a va lawmawm dawn ve. Chuti a nih loh chuan thingtlangpa ek dan pangngai bawka ek leh mai a tul dawn tlat mai.
Peka pu
—————-

Two wheeler taxi rate zawm lote report-na tur ph no. Transport Dept. chhuah hi a tha hle mai. A hmang thin zawng zawngte pawh khan lo hria-in, lo zawm theuh thei ula a tha ngawt ang. Sorkarin rate a siam leh a taka chawi hi a inthlau em mai. Taxi pangngai aiin an rate hi a to fe zawk a ni. Bawngkawn Chaltlang peng atanga MST workshop Chaltlang thleng kal man pawh Rs.20/- an ti a, Chanmari leh Treasury inkar pawh Rs. 50/- an la thin bawk. TV atanga kan lo ngaihthlak pawh khan Treasury atanga Nursery leh Bungkawn velte pawh kha Rs.100/150 velte kha niin ka lo hre bawk a, sorkar rate, permit an dil laia anmahni pawm ngei hi an pel nasa hle a ni. Keima ngaih ve dan mai mai chuan km 1-ah Rs. 20/30 emaw te chu ni se awm ka tihsak ve tho.
Puipuii pi
—————

Pu Rama hian khu lama Congress chhiat thu sawi fo mahse, Zoramah kan chhe chuang lo. A ruh kawl party dang vote thei lo reng reng hi zaa sawmhnih panga kan awm. Anni hi zaa sawm panga an ni.
Duata pu
————-

Tuipuiral Football leh Volleyball Tournament-a Sazep khawte reuh te Champion puitu Coach Lalrintluanga, Luangmual Aizawl a fakawm thlawt. Zing tina a tawngtaina leh a thawhrimna Pathianin mal a sawm a ni.
Dinga Pa, Aizawl
—————-

Pu Zoramthanga’n kan sorkar chuan sawhthing kawt kaiah kg khat cheng sawmin kan lei ang a ti a, a lei tak loh si zia leh tuna kan Home Minister-in kan Police officer ten an private hna-ah an sipaite an chhawr tawh tur a ni lo a tihte hi han sorkar zui zel chi emaw an nih le. Tuna kan Police officer ten an Sipaite an han chhawr nasat zia hi dawn ve teh. Thusawi um phak loh tur sawi sawi tak mai chu mawle.
RODY PA
—————

ZONET Rimawi channel-ah hian zaithiam ni lovin zai thei inngah ngawt mai.
9774573775
————–

Guns 2 Roses te kha lo kal leh an tum ta em le? Anni khan lo kal leh tur ang khan an sawi a, a organiser te khan ngaihven teh u. Mipui kan hrilhhai khawp a nia.
9862356400
—————

Pu Hawla hi chu lal tawh lo hram se ka va duh em.
9862968275
————–

Silchar tlang dungah hian ZONET hi a buaithlak a nih hi. Anmahni lam an chhiat loh leh Durtlang lamin electric an lo nei lo bawk nen ninawm tak a ni.
No. thup
————–

NLUP Kut maw kan sorkar ropui chuan a buatsaih dawn a. Kei mimawl ngaihdanah chuan a va han tul lo ber tak em!! A senso-ah khan mipui pawisa cheng nuai fe kha an han hmang ral leh ang a. Heti khawpa ram mipuite kan retheih em em laia eng ti kawng maha hmasawnna min thlen map lo tur huau huau hlim hlawp mai maia sorkar berin a han buatsaih tak fo mai chu!! Nakinah Anthurium Festival an ti leh anga, MIZO MIPUI te hi min lova han zah lo em em ve le. Anmahni thlang tlingtute min pawisa lo a nih pawhin PATHIAN NUNG ni lovin ENGKIM TITHEI RORELTU LALBER TE LALBER PATHIAN DIK TAK tal hi chu zah tur a sin le. Mi rethei zawng zawngin kan dawng der si lova. Retheite dinchhuahna turte an ti mai mai, a teuh lo lutuk. An pek tawh thenkhat pawh kum sawm zet chhung hian sing thum sing li bak an pek belh thei tawh lo emaw ni? An term a tawp tep tawh hnuah pawh heti vel mai mai hi an nih hi maw. Kutpui han hman chhan em tlak a ni meuh emaw ni le?
Bawiha pu
—————

Kan sawrkar chak tak hian gas hi a tihngaihna a hre tawh lo em ni? Champhai khawpui leh a chhehvel khaw hrang hrangah hian March thla, kum 2017-a kan lak bak kha kan la la miah lo a nia. Manganthlak ngei mai. Zoram hi eng kawngah mah hian min enkawl thei lo a ni ber e ka ngaihdan chuan. Enge inngaih ve dan?
9856020461
—————