Fakselna 23rd August, 2018

0
703
views

Hmannia ka wallet tihbo ka hmuh let leh theihna chhan Ruatsanga Taxi MZ-01/G 9097 ZONET Fakselna kaltlangin a rinawmna leh felna hi ka rawn fak a ni e. Taxi driver rinawm tak tak kan ram timawitu kan nei hi an va hlu em.
LC Hrahsel, Ramhlun Venglai
————-

Kohhran hrang hrang hote hian zu hi kan duh lo vek a, tlawmngai pawl hrang hrangte pawh hian zu hi kan duh lo. Mahse, khawvel hi kan lemchanna khawvel a ni miauva, tlawmngai pawl leh Kohhranahte pawh Congress intam hle tho si a, zu hi a der hian induh lo mai mai a ni e. Congress thlang tling leh ila, zu hi nasa leh zualin zuar sela, thi zawih zawih ila, kan inhmeh tawk chauh. |henkhat phei chu zu vanga thi leh zu vanga buaina tawk mekte pawh hian Congress hi in vote leh tho ang. Kohhrana a kul a taia inhmang, tlawmngai pawlah pawh inhmang nasa tak takte pawn zu zuar pawl hi invote leh dawn tho. Kan phu tawk lek Mizote hian ram hruaitu kan nei a nih hi. Harh thei hlawm hek lo che u.
SANGA
————

Oppossition MLA-te kha phai lamah chhungte innei ve lo em ni? Ka pu Hawla te ho chuan vai rama an chhungte \anpui nan vaibelchhe tel teh meuh an thawh a nia! Khawchhak lama Zohnahthlak \anpui kawngah kha chuan YMA kha an che niin ka hria a. Ka pute hian khawchhak lamah unau te lo nei ve se \ha tur a nia, an nihlawh dawn nen.
Carolini pu
—————

MNF lama kan hotute hian an dinna bial hi an sawn thluah mai dawnin a langa, chak lo turte pawh an va ang ve mawle.
9612028199
—————

Sorkar tawh leh sorkar mekte campaign chiam chiam an ngaih hi chuan sorkar leh tlak an ni lo tihna a ni mai lo’m ni?
Lala, Aizawl
—————

Pu Ngurthangvela chu a inulukna a lo lang chhuak ta chiah mai. Zawlkhawhermawii tun hma zawng aiin a aw a dik leh zual tlat. Zai pawh a lo la zai thiam tlat. Pi Vanhlupuii pawh a lungawi ngei ka ring tlat a ni.
9862859675
————–

Pu Hawla khan ramdang mi lo lut tur dang turin duty an awm \ha a tih kha MZP-te awm lo se kan ram chu a ngaihtuahawm awm mang nge. Pa berin fate dawt a hrilh fo mai chuan ram ropui thlen a har awm mang nge. Ramdang mi dap chhuak tur hian tuna kan pute hi chu awl thiam an ngai dawn a nih hi.
RZA Ralte, TD
————–

Kan ram dinhmun han thlir hian tunlaia kan \halaiten fiamthua “ENG VANGIN NGE RAMDANGTE AIA KAN HNUFUAL BIK? E.. LEE..!!! ZORAMTHANGA LEH LAL THANHAWLA AN NEI VE LO..!” tia an sawi hi fiamthu mah nise a dik ngawtin ka hria. Ram hruai nana an kum khawhral han chhut hi chuan ei leh bar leh power-ah ringawt pawh hian heti ringawt tur hi chu kan ni lo deuh zawng a ni e. Mang hi zawng an ti ang deuh tawh chu a ni e.
Mizo Tlangval
————–

Nimin, Nilainia Aizawl Tlangnuam Vengthar Local Council hmalaknaa Tlangnuam Mualveng to Leitan Road (KAWNG PAWIMAWH TAK) \ha lo lai siam \ha tur leh Local Council te \ha taka mipui thlawpna a taka ngeia kan hmuh, hnatlanga lo thawk chhuak mi 400 chuang te, chhung tinte hnenah leh he hnathawhna tur material zawng zawng, sum leh pai ui lo taka rawn thawhtu veng pawn lama mite kan veng kawngchhiat min veipuitu mi engemawzat an awm a, heng mi \hahnemngaite zawng zawng hnenah hian ZONET Fakselna kaltlangin Tlangnuam Vengthar Local Stearing Committee (ZPM) chuan thinlung takin lawmthu kan han sawi tak meuh meuh a ni.
Tlangnuam Vengthar Local Stearing Committee (ZPM), Aizawl
————–

Mizoram hi Mizote ta, a chhungah Mizo hnam hlawm lian tak tak, Lai, Mara, Hmar te awmna a nih avangin Mizoram tia hming vuah a lo ni ta a, chutihrualin hmui-hmai, hmelah pawh Mizo ni lo tih hriatreng, Mizo i ni lo tih ngam loh an tam em em tawh laiin ram neitu zawkten Mizo ni ve chiah lo anga inhriatna ri ta fo mai hi inla hrang \heuh ta ila, tunge MIZO-te chu ni ta ang le? Lal kan duh luatah kan in\hiat \an ta, min chimral tur ram leilung fa pawh ni lo, Mizo tak tak an kat ta sup sup mai. Hnama min dintu leh min zawng chhuaktu, Pathian pawh kan hre tawh lo ni berin a lang.
Tlabung Uitangrual
————–

ZONET Mizo Idol Judge hmeichhiaah hian Feli Thangluah kan duh ber.
Lone Wolf
—————

Kolasib khawpuiah Kohhran hrang hrang inzawmkhawm pawl huaihawtin sual dona kawng zawh ropui takin neih a ni a, mipui pawh kan pungkhawm tam hle mai. Sual do duh tam tak kan la awm kha a ropuiin a thlamuanthlak hle mai. Kan hma lawka MLA inthlan kan neih turah kan kawng zawh chhan hre rengin Mizo hmeichhia, nuthlawi leh fahrah tam tak siamtu zu zuartu party te nge kan vote anga, hel te zalenna leh tual charthi chhuichhuah nei thei si lo, ei leh bara intodelh nana mau hling nei min chin tirtu MNF party nge kan sorkar tir anga \angrual pawl ZPM, kalphung thar policy nei kan sorkar tir dawn? Sual do ngaihtuah chung renga ngaihtuahna hmanga rorelna dik leh fel a lo awm theih nana vote thlak turin ka sawm che u a ni.
9612226314
————–

Kumin chu kum \hat kum a ni a. Kum tluanin hnathawh theih loh hun a awm lo tih theih a ni a. Heti chunga kan kawngpuiten a \hat phah lo a nih chuan sorkar mawhphurhna a ni a, mipuiin kan dem ngam tur a ni ang.
RK Sanga
————–

Zirtirtu sawn rual ngam lo Minister chu bang vat rawh se. Minister ni tlak a ni lo.

Muana
No. thup
———-

Mizo Idol contestant te hian hla lenglawng/lengzem sak zel awm takah ka ngai. Pathian hla sa duh tan chuan Pathian hla intihsiaknaah tel mai awm ka lo ti \hin.

Zotea Khiangte
————-

Mahni mimal ham\hatna ngaihtuah chunga politics i thlir/ngaihtuah chhung chuan ram leh hnam hian hma a sawn beisei suh. In lian leh \ha deuh sa thei khawpin politics i khel fuh a nih pawhin ram leh hnam a chhiat chuan nang leh i chhungte nen inhim chuang lo ang. Mawl duh suh. Ram leh hnam damna te, ram leh hnam \hatna tur leh hmasawnna tur te hi thlir la, i ham\ha ngei ngei ang tih ka hrilh tawp mai ang che.

Party ruihchilh, party politics khel mekte tan ka rawn thlasik mau puah ve mai mai a nia.

RL Chhanhima
————-