Fakselna 25th August, 2018

0
537
views

Idol Judge-te hian zaithiam an zawnna lamah zaithiam dang tih dan copy lo, originality nei hran ve an zawng a, awm pawh a awm a. Chutihrual chuan zaithiam tak tak hnawlin hla thluk tidanglam thiam leh hla thluk ingeuh dan thiam thiam hi an thlang ang tih te ka lo hlau ve deuh.
Kum dangah pawh hla thluk modified thiam an tihte an thleng sang deuh zel a, Idol-a an thlanchhuahte hi engnge an an zui zel kan tih chuan rei kan hmu zui hlawm lo. Pensy, Betsy, TBC, C. Sanga, Rutmawii te pawh hi hla an sak ingeuh thiam bik vanga mi ngainat an nih hmel loh.
Sangtea

————–

Sorkar hnathawk nghet (regular post) hovin 7th pay an enjoy hunah chuan aikal an lakte hlawh leh Muster Roll te hlawh a intluk vel tawh dawnin a lang. Muster Roll ten New Category status an dil niin an sawi a, kan sorkar hian tihhlawhtlinsak thei se a duhawm takzet. Sorkar tan \angkai tak tak an ni si a.
LB-a pa
—————

Inthlan a hnai leh ta, ka rilru a buai lawk. Vote thlak loh mai ka duh, a chhan chu an lo tlingte a nih chuan kan be pha leh dawn chuang lova, thil mamawh va sawi dawn pawh ni ila, min lo hre \ha duh leh tawh lo emaw a ni ang a, hetiang vote hi ka ba lem lo, ka sim deuh tlat.
Anonymous
————–

Lungsen khuaina hma kan sawn theih lohzia hi a va rilru natthlak em. Kan kalphung hi thlak a hun tawh a ni. Mipuite hi i harh tawh teh ang u.
Lungsen pa
————-

Sorkarin kuthnathawktute tan tiin mahni intodelh tir tumin ram mipui tan theih tawp a chhuah a, chutihrual chuan \hahnemngai taka chhungkaw chawm leh loan rul chunga eizawng ve \awk \awk Taxi hmanga hnathawkte hi a va ti rethei em. Thla khatah ni 10 vel hnathawk thei miah lova a siam bakah an dinna \henkhat, Taxi Stand cancel-in vote zawn nana Permit a pek thar Two wheeler Taxi din nan a siamsak a, Taxi enkawltute rilru nat dan tur leh mi kara tualthu chhiat theihna a siam hi enfiah leh vat chu a \ha hle mai. Mi dinna hnai emaw, an stand emaw inlaksak lo hian inhlat deuhah siamsak mai ta se a \ha ngawt ang.
LT Ralte
————-

Inthlan a hnai ta tak zet niin a lang. Zorama kan chanchinbu chhiar hlawh ber pakhat Vanglaini Editorial pawh chhiar tlak loh a awm ta zeuh zeuh mai. Party pakhat an beihna phei chu tunkar chhungin vawi hnih ngawt a chhuak ta. Hetiang ringawta inkal chuan journalist hmai inti bal mai dawn. ZONET hi chu inzia tawh viau mai. Hetianga Vanglaini chanchinbu inkalpui reng chuan ZPM leh Congress chanchin bu tiin min an sawi ang tih a hlauhawm hle a ni.

Peka pa
————-

Zaithiam rau rauvah hian competition paltlang leh paltlang lo chu danglam tak a ni. Heng intihsiakna paltlang ho hi chu an ril bikin fiah an dawl tlat. Tunlai inti celeb ho tam zawk hi chu Studio Artist ni awm reng an ni. Belhchian an dawl lo em mai.
Mawimawii
————-

Idol a hmuhnawmin an zaithiam hlawm. Mahse Judge hmeichhia hi zaithiam leh music thiam bakah tlema zaithiam hlun deuh hmang tawh ula, Idol hlutna a sang sawt ang. Tunlai zaithiam nazawng inhman chuan Idol hlutna a ti hniam vek a nia.
Aizawl Nu
————

Power House piah deuh, Two wheeler park-na, Dawrpui Biak In pan chhohna bulah khan hmanni deuh mai kha chuan Two wheeler-te kan park mai \hin a, a khawntute pawh khan park man kha an la \hin kha a ni a. Mahse, tunah chuan phal a lo ni leh tawh lova, ka hmuh lai pawhin Traffic Police pakhat kha chuan a lo man mek a ni. No parking tih pawh tar hmasa lovin khatia Traffic Police-in inman mai kha in thiam lo hul hual a ni. Phal loh a ni tih tar hmasa lova in man ngawt kha dan ang ve ve-in inkhing buai ni ta ula chu engti kawng mahin thiam inchang thei bik lo ang. Chuvang chuan dah phal loh tih tar tawh ang che u.
Lalmimi-a
————-

Twenty eighteen Mizo Idol-a zaite an thiam hlawm hle.
Sel duh erawh ka nei.
Judge Pu Robina leh host mipa hian Mizo \awnga mai hi ‘mei’ an ti tlat hi a ngaimawhawm riau, a ZONET lo tlat, sim teh se.
9612144059
————-

MLA General election a lo hnai ta a, politics inchirhthehna thudik leh dik lo hriat har tak tak a leng leh \an ta a. Inthlana tlin tum ngawr ngawr ho chuan District pek an tiam leh \an ta bawk.
Khawi bial emaw, khawi area emaw chu district pek an nih vangin bial tlem te chu an lawm a ni thei e. Mahse, Mizoram pumpui ngaihtuah leh sorkar sum leh pai neih dan ngaihtuah chuan ram pum huap mipuite hian district pek leh pek intiam politics hi kan duh lo zawk niin a lang a ni
.
Hemi chungchangah hian Congress party te hi an dinna ngaiah ding tlang ngam se. Tin, Zoram dinhmun thlir chunga an sorkar pawha district pek belh tum lo PRISM party an fakawm bawk
.
David M Zadeng
————-

MHA te nena ruahmanna siamfel vek tawh sa Tuikuk hote chunga kaltlangpui ngam lo sorkar kan nei leh Pu JV Hluna hoten mitthi vap Tlawng luia an han paih ve tak hial maite hi Kristianna kan va ngainep sawt tak em ve aw tiin ka ngaihtuah neuh neuh a.
LALTUAIA
————–

Kan ram hi ngawi renga chimralin kan awm tih reng kan Minister-te hian an hre ta lo e. Kan ram Zohnahthlak vote neite aia Bru lo kir duh lo vote a hlu zawk a ni maw? Ram hmangaihtu leh hnam hmangaihtu chuan a ram leh mipuite kan enkawlna hnuaiah a him em, a ralmuang em tih a enfiahin a vil ngun em em \hin. Tuna kan hrawn mek sorkar hian nang leh kei ai hian hnamdang ram hrana awm a ngaihlu zawkin a ngai pawimawh zawk. Lo kir duh lo vote duh avanga um umtu party kan ram hian a mamawh lo.
Fela pa, KK
————-

|KP Coordination Aizawl buatsaih ARISE 2018 Band leh Dancing competition chu a va hmuhnawm tehlul em. |halaite talent phochhuahna leh Lalpa fakna heti zawnga hma an la hi a va \ha em. Uar zawk leh zau zawka hmalak zel ni thei se ka va ti em. Kan \halai rilrem zawng Kohhrante pawhin hmalak thiam a hun tawh hle a lo nih hi. Rilru thar, ngaihtuahna thar senga \halaite tihphur leh Lalpa fak hi a \ul ta a ni e.
9436147113
————-

Aizawl khawpui Traffic ti jam nasatu pakhat, Baptist House bula lei dawh hi an va zo har tawh ve. Mizopa sawia per kaina tham lek heti em ema an zo har hi chu a thawktu contractor leh a enkawltute hian zahna chang hre ve teh u. Mipui zah lohna lian tak a ni e. Inthawk thei lo a nih ber hi maw?
7005873180
————-