Fakselna 25th November 2017

0
384
views

|HALFAVANG KUT hming mawi tak pi leh pute hun lai a\anga vawiin thlenga Zofaten kan sawi nin theih loh, ‘hnam dangin an lam thiam ve mang love’ tih vang ngawta kan \awngkauchheh pakhat mai pawh ni lo, AN HMING MAWI min thlahtuten an lo sak an han thlak danglam daih mai hi chu a pawi dawn mang e. Tuchhuan hnihna a lo thlen meuh chuan |HALFAVANG KUT hming mawi tak hian hriatreng a hlawh tawh lo ang. Kan ram hruaitute leh kan mi intifing ho hian TIH TUR/THAWH TUR hi he ram tan hian chuan an hre tawh ngang lo a nih tak ber hi maw le. Anmahni hlawkna turlam hawiah thung erawh thu dang.
Bawiha pu
————-

State pachhe ber leh Central sawrkar chawmhlawma an mi \anpuina za zela 10 pawh pe \ha mumal thei lo leh sawrkar leiba pawh vaibelchhe sang tam tak nei mek bawk si, kan khawpui neih chhun, khawlai kawng takngial pawh hetiang dinhmuna kan la awm lai pawha sawrkar hnathawk hoten mahni min ruaitute hlawh ang hlawh ve kan han ngiat vat mai hi chu ram leh hnam lam ni lovin mahni chauh inhmangaih kan nihzia a lang hlein a lang.
RAMVEIA
————–

Kan CM mai mai chu Mizoram mipui min va bum nasa em ve aw. Mipui chan ai a lo pumbilh vek mai a ni maw. Eng anga chhungkaw khawsa thei a\ang pawha lo chawr chhuak pawh ni sela thil theih a ni lo hrim hrim, khutiang em em in chhawng sang khu a sa thei lo. Thil dik lo tak chu a awm chiang mai, dawt ringawta inphat mar tum mai Pathian pawh a hlau lo’m ni? Hei vang a nih hi sawrkar hnathawk hlawh pawh a batsak reng mai ni. Mizoram hruai tlak a ni tawh lo, amah leh amah inhnukdawk ngam rawh se. A thil tih ruk hi a lang zel dawn. BANG HMAK RAWH SE KAN MAMAWH TAWH THLAWT LO MIZORAM MIPUI HIAN.
No. thup
————-

Education chungchanga debate hi a ngaihnawm e. |an zawk ka neih vang ni lovin, kan sorkar school-a kal tur awm tawh loh mek laia private school-a lak sen loh an neihna hian sawi tam ngai lovin sorkar fail zia a tarlang chiang hle a ni lo’m ni?
RK Sanga
———–

Congress ho tak chu an pu ber in hmun lei chuan a tibuai khawp mai maw? |henkhatin MLA din beiseiin thu mumal lo an phuh chhuak a, midang lahin tlaktlum tumin an ka an ang chamchi bawk nen, an vawi khat hriat te pawh vawi tam hre angten an sawi vel. Thu dik hi chu chul mam tum nasat poh leh an ching pawr zual mai mai ang tih a hlauhawm zaw mah lo maw? Sawi sawi mah ula, in sawi mam chuang awm lo ve.
Rairahtea, Aizawl
—————-

Ram tihchangkanna ni lo, hlawkpuitu mi tlem te, Congress party chauhin an ta neih leh an chakna thahrui ber, NLUP hi Pathian lo kal thleng pawha dawng ve lo tur leh hmu ve reng reng lo tur tan chuan Chanchin thar leh media-ah te, zan tin deuh thaw kum 10 dawn, mit leh beng min han fah ta chu a nia, ninawm chu a tling ve ta. Mipui huapzo lo hi chu party angah te tih ni mai se a \ha lovang maw? Kolkata khawpui in chhawng sang tukverha dak pha ve lo, NLUP sem laia TV, Fridge, Washing Machine, Solar plate, rangva hralh tur nei ve bawk si lo tan chuan kan hawi hil reng mai a ni e.
Tlabung Uitang rual
————–

|angrual pawl hi an thawm a va reh vung vung ta si ve! Hruaitu lamah buaina a awm ta em ni? Tin, lo sorkar ta se tunge CM tur ni ta ang? Tunah engmah hriat a la ni lova, an la ar khawthimdai mai mai zawng a la ni maw? Hetiang hi chuan mipui lam pawn duhruk an nei ran tawh bawk si a, lo sorkar ta se CM tur an bihruk tir reng si chuan mipui lam rilru support tur awm te pawhin mumal nei miah lova chiai taka in hun reng ai chuan mumal taka awm sa zawk an support vak tawh lo bawk a, rilru an lo sawh ngheh phah ve leh pawh a hlauhawm khawp mai. CM tur huaisen tak leh fair takin, tu pawh ni se rawn vawrh chhuak teh u khai! Hrilh a hai rei ta em mai. Chuti ngawt lo chuan mipui rilru in ti laklawh hle a nia.
Zion veng pa, Aizawl
————

Ram hmangaih vanga Politics khel ni lo, mahni pumpui leh nupui fanau leh u leh naute chhungkhat laina \henrualte tana politics khel kan ram Kristian intite zingah hian kan tam em avang hian kan ram leh hnam hian a lo tuar \an ta a nih hi.
Ramveia
———–

Nizana Fakselnaa thu rawn chhuah kha ka lo hre ve a. Kan rama sawrkar hnathawk te, 7 pay-a pek ve chuan thil a to ang, an thiamnain a phu loh leh an hnathawhin a phu lo tih te kha ka lo hria a. Kan Bible-in miin i chunga an tiha i duh tur angin ti ve rawh tih kha ngun takin lo ngaihtuah ve teh u. Sawrkar hnathawk hlawh hi mipuite chan a ni tih hi kan hria a, hlawh an lak har deuh pawha inhralh a har ziate hi. Mi lawm zawng kan sawi peih lo a nih chuan ngawi ngam ila a \ha mai lo maw!!!
Thlirtua
————

Pu Hawla hi beih rawn vak vak duh suh u. Amah vanga remna leh muanna nei kan ni. Ani ang hian Pu |hena pawh khan a CM nihna kha kian thei se, remna kha kan nei hma ngei ang.
Ruata pu
———–

Mizo \awnga Bible letlingtu hmasate lehlin hi famkim tawk lo chu awm mah se, kan mi hmasaten theihtawp chhuaha Pathian awmpui leh rinchhan tlat chunga harsa taka an lo lehlin tawh hi Pathian thu laimu a bo chuang loh avangin thiam leh kimchang taka lehlin ai chuan ka ngaihlu zawk tlat nia. An \awngkam lo hman tawhte hi thuk bik riauin ka hre bawk. Genesis, Zawlnei lehkhabute, Thufingte, Sam, chanchin \ha bu li te leh Thupuan bu chauh pawh hian kan Pathian thu laimu a keng \hain ka hria, a dang zawng hi a \ha lovin a \ul lo tihna ni lovin. Mahni hnam \awng lova miin thil a sawiin a sawi tum a fiah chuan \ha kan ti \hin a ni lo’m ni?
Puipuii pi
————

Kan sorkar hian NLUP pawisa hi a dawngtute hnenah a pawisa ni lovin account transfer hmanga pek tur tiin instruction hial a chhuah si a. NLUP tihlar tum vang hrim hrima a pawisaa a set te, a darhzau thei ang bera puan zar kher a ni \hin te hi chu dan bawhchhiatna a va ni chiang em! Party mi chauh sumin a vur hnu hmanah 7th pay tur pawisa a harsa ti siin \ul lo tak maiin NLUP KUTPUI hman a la tum zui a. Sum tam tak hmanna tur zah nachang hre miah lovin a la ruahman a. Congress zaithiam ho sum tam tak sengin a la ko khawm zuite hi a zak miah lo zui maw le.
Amawia, Aizawl
—————–

Pu Hawla hi kawng hrang hranga beih rawn leh polititician pawh ni lo thlengin beih a tawk nasa hle mai. A \hat vangin an tluk lova an beih rawn mai ni-ah i ngai ang u.
Malsawma pa
—————–

Pu Hawla in, Kolkata-a mi chuan sawi a va hlawh ve. Bawngkawn /Chaltlang Lily venga kawng zauhna tur ram, Dr. Don hminga awm, an hralhna sum kha khawnge a awm tak?
9612586071
——————-

Mizo \awng humhalh kan ti chamchi a, inti changkang chinten zawm mai se. Talent Show endiktu hmeichhiain a sawi phei kha chu keini thingtlang mimawl phei chuan Sap\awng vek emaw kan lo ti a, kan hre mang hlei nem le. Sap \awng hi a \ul hunah chauh hmang teh u. Puipunnaah pawh kan kal ngam mang tawh lo a nia.
7085644010
—————-

Inthlan dawnah hi chuan a tla tur hi chu mak deuh hian an tal buai an tal buai \hin. Hun kal tawh a\anga ka lo thlir dan.
7085845905
——————–

Kolkata-a CM in bih chianna inrawn chhuah chu a hmuhnawm hle mai. ZONET vul zel rawh se. Lalnun\awma ang deuh, lu kawlh si lo hi tunge?
7896723886
—————

Kan rama Officer hlemhle tak takte hi chu a rukin an nui ver ver \hin ang. A chhan chu Minister te an bum kawi vel mai mai a, a tawpah Media leh mipuiten eiru/hnathawk \ha lo tiin kan dem daih zel si a.
LB-a Pa
——————

Tunlai Zing Daifimah hian Gas thlen dan hi report a awm ngai tawh lova, Zing Daifim ka en chhan ber a nia sin maw le.
9862770424
—————