Fakselna 25th September, 2018

0
542
views

Pu Duha hi chu a lo kal tawh danah hian a chunga innghat ngam aiin ngam lo hi kan tam zawk daihin ka ring. Party dangah hian zuan lawr lohna pawh a nei tawh lo, a rel vek a, a fak vek tawh bawk a, a rilru ngheh lohzia hi rin ngam a harsa mai ni lovin rinngam chi a ni tlat lo. Hetiang hi politics a ni ti liam mai \hinte phei chu hnawl ngam an ngai takzet. Pu Zira pawh hian Saitual District hi buaipui berah neih tak tak nise, kum 9 zet a Minister chhung khan na deuh hrak, news tling hat khawpa hmalakna a nei turah ka ngai. Duhsak tak tak tan chuan a bang phal tlai ka ti.
7005596329
————–

Lalhruaitluanga nge nge ‘mautuai khawrha eizawnna’ a pui \hin hle mai. Kan naupan laia kan \henawmpa pa Saikhuma hla sak \hin, ‘And the lonely Tlawng river’ min hriat chhuah tir vawng vawng mai. A satu lahin kum 40 kal taah khan min boral san tawh si a.
9862859675
————–

Babutea chuan duhthu a sam leh ta ham ham mai maw! Switzerland of the East pawh a sawi leh dawn tawh ang a! Kum 10 a CM laia a tih duh loh/theih loh chaw-a intodelhte pawh a tum leh tak hi maw! Babutea nge nge ram a hmangaih hmel harh harh hle mai!
Ramtea, Mizo ngat
————-

Mizoram chuan Assembly election kan hmachhawn leh dawn ta rup mai. Kei ruling party ngei pawh hian kan ram roreltute kal dan hi ka pawm thei hauh lo, thil intiama, a bialtu meuhin a nihna a bansan hi Home Minister ni awm reng a lo ni. A huaisena, a bial a hmangaihna a tilang ngam a, bial dang 2 te hian thawm han nei ve se, tunah pawh Congress hi sorkar leh turin Pathianin min ruat titu hian a Pathian a zah thlawt lo.
Ramhmangaiha, Zonuam
————–

Tlabung Uitangrualte kha Tlabung lam boruak a \ha ang chu maw? Politics boruak eng party nge chak ang Pu Hawla, Pu Zoramthanga, Pu Lalduhoma? Tu berin nge Tlabung khawpuiah hmun nei sang ber ang? Fakselna kaltlangin ka rawn zawt a che u. Min chhang thei a nih chuan ka lawm hle ang. Party boruak \ha tak hnuaiah tluang takin in awm zel theih nan ka duhsakna ka hlan a che u.
RENTHLEI CABIN
—————-

Pu R. Lalzirliana’n Saitual District a beihna kawngah hian amah thlawp ngam Saitual pa MLA, Saitual hmangaihtu huai thek thawk han neih a van chakawm tak em. Mahse kan nei lo niin a lang.
SAITUAL PA
————–

Chanchinthara Pu Zodintluanga’n MNF-ten District 3 an pek, ramri \hen dan tura lo buaipui ve vak hian engnge awmzia a neih chuan le aw? Inthlanna hmasa zawkah khan Pu Hawla’n MNF-in District a pek ang mai mai ni lo, District \ha mi tia a sawi kha an pe leh thei si lova, an sawi tur hre lo lutuk hi an \awngvai kual vel ta mai mai a ni lo maw? District lampang hi chu sawi ve ngam tur pawh an ni lo. An sorkar apianga zu an zuar ziah ringawt pawh hi ngawlvei chhungkua kan ni e, entawntlak kan awm lo ti mai se. Upa-in chauhthubarawh an tih ang deuh khan rin dan tal an la sawi zel mai niin a lang.
Tlabung Uitangrual
————–

BJP ho chu bial tin an chuh kim dawn a ni awm a, tih tlak vak lo an tam duh hmel te ka lo ti mai mai a.
Lala, Aizawl
————-

Kan Saipui sorkar chu ICU-ah a awm mek an tia, an tuhrah an seng ve a ngai a nia nge. Kohhran ka rawn dawn lo te kha an han ti vel a, kan Pathian hi a hunte-ah a lo che leh tlat \hin. Thuthlunghlui huna Israel fate hruaitu tho kha a la ni reng a, MLA ngah vanga thlamuan ngawt chi lah a ni hek lo. Kan thu thua Pathian hi awm tir chi lah a ni hek lo. A hlauhawm bera, ngil a nei ber bawk. Sorkar leh tur tan pawh Pathian duhdan a ni em ti chunga rorel hi a finthlak ber awm e.
Lianvela
————–

District pek tak tak tum a, tiam zut zut kha Congress party a ni lo’m ni kha? Midang puhmawh tur han zawn te chu. Kum 10 chhung pawha tih loh tur tiama dawt han sawi zuah zuah mai chu a zahtheih loh thlak teh e.
Carolini pu
————–

Tunlai India ramah Politics kan khel dawn a nih chuan kan chhehvelah tute party nge thiltih theihna nei tih hi kan thlir mai a pawimawh. Central lamah te thil tithei party te thawhpui mai hi kan ram hmasawnna tur a ni. Congress chuan an vanglai hun an pel tawh, belhtlak an awm tawh lo niin ka hria. Politician dik tak chuan ram hmasawnna hi a ngai pawimawh tur a ni si a, chuvang chuan a fawng vuantute kan thawhpui thiam hi a pawimawh ber a ni. Chuvang chuan BJP i sorkar tir ang u ka ti a ni. Mi \henkhatin Kristian tan BJP a hlauhawm an tih vel mai mai hi chu dawt phuahchawp mai mai a ni. Sakhua leh Politics hian inzawmna pakhatmah a nei lo a ni e. Politics chu lei lam thil a ni a, sakhua erawh chuan van lam thil daih a kawk a ni.
T. Lalhmingliana
————-

Brig T. Sailo khan Saiphai thlanga ram ruak zau tak chu Ex.service Colony atan a siam a, mi engemawzat an lut a. Tunah chuan vai hovin an luah khat vek tawh. Enga tinge a hnua Chief Minister te khan an humhim duh loh tlat?
Vena Pu
————-

Kha rawlthar, School-a pa thei deuh khan ka pu tiin Office-ah a hnek tawh pa chu chibai a buk a, kha tleirawl uniform feng chhingi khan a lawm tleirawlteah a duhawmna tlakchhiatpui a, School uniform nena meizial pet kawh vah \hin pa khan a lawm a zirpui \hin Doctor ni ta hnenah a dam leh theih vat dan zawt. Class tlanbo \hin \hianza hote kha tunah an la inkawm khawm reng a sin Central Jailah. School ban dawna inchei \hin tleirawl ruali te pawh khan zir zawh hmain veng mawng lamah pasal an um thuai a nih kha maw. Zirlai, \ang nasa teh, sorkarah hnamdang kan pute an ni ta fur mai.
KAMTAMA, MSV
————–

Durtlang leh Selesih inkar kawng siam mai mai hi a va laklawh ve. Motor inpelhin Selesih lam pana tlante chu kan he bawi zel mai. Hetiang kawng tehhrep hi engtia siam thiam nge an nih zawk?
Ruati
————–

Pu Zoramthanga tak hi chu aw a \awng duh mah mah a ni. 7th pay a pek a ngai anga, SEDP-ah nuai 3 kan sem ang a ti bawk a, District 3 kan pe ang a ti bawk a, mahse an party mite pawn an ban phah zawk tlat mai. An ring tlat lo a lawm. Kei pawhin ka ring lo e.
Laldika, Tuikum bial
————–

Pu Lal Thanhawla hei chen kan hrawn a, Mizoram tan chhenfakawm engmah a tih ka hre lo. Pu Zoramthanga lah Pu Lal Thanhawla entawn bak thiam nei lo. Mizoram tan thil thar engmah nei chuang lo, Congress-in an lal laiin District an pe nual a, an lal ve ta cheng a, a aia uar sauhin District an pe leh a, NLUP Congress-in nuai khatin an sem a, kan sorkar chuan nuai thumin kan sem ang an ti leh ta ringawt mai. Heti mai maia Zoram mipui hi bawl chi kan ni emaw ni le? Inthlanah hian lo tling ta se, ka pu zu zawrh hi kan titawp dawn em tiin zawt ta se, zu kan zawrh lohin Congress leiba rulh a ngai a lawm a ti leh mai ang. Chuvangin engtik lai maha tum la thlak ngai lo, Congress leh MNF-a leng ve lo, manifesto la ngai reng hi kei leh ka chhungte erawh chuan \angrualah a ni vote kan pek dawn ni.
Veitua
9862805130
————–

Kan \hianten MBSE-ah certificate dik lo siam \hat tir tumin an buaipuia, office lam chuan Aadhar card keng turin an lo hrilh a, Aadhar card-a thlalak leh an passport size thlalak chu a in ang em tih an officer ten an lo en mil a nih chu! Aadhar card number a\angin computer-ah en a, a mihringa kha a dik ngei em tih fiah tur ni awm tak a nih laia office lian tak hotuten thlalak an en mil ringawt hi Aadhar card sorkar-in a siam chhan awmzia an hre lo niin ka hria. Aadhar card thlalaka thawmhnaw hak leh thlalak danga thawmhnaw hak a inang chiah theih loh bakah thlalak hun a inrual lo theia, thau deuh laia thlalak leh cher laia thlalakte, \hanglai tan phei chuan kum hnih thum leka hmel danglam dante thlirin mi pakhat thlalak hi hmel a inang chiah theih loh bakah thlalak thim leh engah pawh a inang thei lo a ni. MBSE hruaitu lianten Aadhar card number a\anga mihring dik leh dik lo enfiah thiam lova thlalak en mila midangte harsatna an siam hi ka nuih an ti za.
LT Ralte
9862007651
————–

Political party hrang hrang hi ka lo thlir ve \hin a, a nawlpuiah chuan MNF party hi an nghet. Dawtsawi dan pawh an thiam ve lo ber a, an nih ang ang an lantir mai \hin. An rinawm tlukin an belh fakawm berin ka hria
.
Rina Mizo
9862373152
————–