Fakselna, 27th August 2018

0
427
views

MLA inthlan dawna pawl lo pung thut te, party awmsaa lut hreh si, lalna leh thuneihna duh ve tho si te inhlawmkhawma boruak vung taka kalpui hi Mizoramah thil thar a ni tawh lova, makah ngaih tur a ni lova, thil thleng ve tur pangngai mai a ni. Officer lian pension tawh te, Kohhrana rawngbawltu chawl tawh te leh mahni tawka ropui ve thawkhata inngai, mipui naran chunga leng \hinten an la kham lova, lal dan tur dang an dap ve leh ni maiah ka ngai e. A dik leh dik loh chu ngaithlatute thinlungah ni rawh se.
8837489511
——————

MNF ho hi an inbihchian a va ngai ve. BJP \hanna apiangah an mi leh sate an hek zela. ZPM lenna apiangah an mite an kiam tih hi. Sorkar leh chu kaha a ni ringawt. An MLA neih sa pawh an ch^n dawn khawp. An pu ho hian an inhmu lian mah mah inti ve lo maw PU ZONET?
TUIKUM PA HO
————–

Pu Director, Idol Top 20 hi in live dawn lo em ni? A va pawi dawnin ZONET chhungkaw nih man a va awm awm love! Kan en chak ve ber a sin le. Han live hram teh u.
9862371653
————–

Congress party chu kan thiltih hi kan ar khawthim dai ve mai mai lo. Zu kan zawrhna chhan pawh hi NLUP sum tuakna awlsam ber leh hlawk ber nia kan pu ten an hriat vanga zuar kan nih hi. Party dangin sawi sawi mahse kan zuar zel dawn kan sorkar chhung chu.
Kaplinga, Congress pachal
————–

Pu Hawla’n Pathian lam \ang policy nei kan ni a ti a, Pathian lam \ang policy chu zu zawrh, \halai tam tak khawvel thar, kir leh tawh ngai lohna, thlan thim hnuaia thawntu hi Mizote Kristianna tidaltu, hmeithai tam tak siamtu, hnam mualphona, sual tinreng bul, Kohhran leh YMA-te duh loh titu hi Pathian lam\ang an nih hi tunge ring ang le? I PATHIAN hming a naranin lam suh.
RZA Ralte TD
————–

Mizo Idol chu beiseina seipui, thui tak nei chungin kan lo thlir ve ho \hin a. Mahse, tunah chuan kha beiseina pui roh kha a tawp daih. Keini ang val senior lungleng mi tan chuan tin zawn tur pawh kan hre ta lo. A tun haw lo se, C. Lalrinmawia hla ‘Di cham bawihpuii’ te hi keini Rom sipai ho rilru ang purut tan chuan chatuan lengzem hla mawi a tling reng mai. A mawina leh ropuina zawng zawng tibo \hak khawpin mi pakhat khan a rawn sa peka, a la tlinpui zui leh ta deuh deuh a. Nu pakhat zai ve thei che che, awrawl pekchhuah tur a lawi pawh nei lote kha an tling tak nawlh nawlh a. Awrawl fiahfai \ha leh tliang \ha tak mai, ring lenglawng neite an tlak zawih zawih laiin, a vannei bik teh e. Lawngtlai nula mawlh mai kha ka ui e. ‘Hei zet chu Mizo Idol a ni dawn e’ kan lo ti ve ngawt a, rang zetin a tla nawlh mai a. Mizote hi hla lungleng nem lam deuh ngaina mi kan ni deuh fur zawkin ka hria.
Tlangvala
————-

MI PAKHAT HI AN VA MAWI MAWH EM. Kan ram inkaihhruaina hi heti em em hian maw a lo fel loh chu le? Mi \ha anga kan ngaih, Kohhran lamah pawh a hnarkaitu nia kan ngaih \hin te MLA candidate-ah an rawn ding ve a, mipui kan thla a muan tehlul \hin nen. Mahse, an party vawn a dik loh vangte pawh a ni mahna le! Politics lamah MLA an rawn khel chho ve a, mahse mipui rin ang hehu an lo ni lo chho ta zel zawng a nih hi. Kan mitin a hmu a, kan bengin a hriaa, a tak ngeiin kan tawng tlang vek tawh a ni. |halaite tan footboll petna field pawh siam \hat a ni a, mahse \halai zawng zawngin kan tuipui chuang lova, kawng \ha pawh a awm, motor neitute tan pawh a lawmawm hle. Eiru duh tan eiruk tur pawh a awm mai thei. Mahse, eiru duh lotu tan chuan hnawksak a tling thei bawk. In \ha tak tak sa thei kan awm laiin a sak theih chhan hriat an harsa hle a. E…! sawi tur a van tam em! Mahse, heng zawng zawng aia kan dah chungchuan tur chu kan ram hruaitute hian mipui chhungkua tlema kan khawsak a lo ziaawm theihna tur policy te min chhawpsak se a van \ha dawn em! Heng kar khat ei lek lek emaw, thla khat ei lek lek emaw inchhawpsak hian awmzia a nei thei ngang ta lo a nih hi. Kan kawtkai kawngpuite hi rulnganpa ang maiin tle hlurh mahse a kailawn neitu chhungkua a retheih miau chuan hlimna a hmu chuang lovang. Football petna field lam pawh \ha hlurh mahse chhungkua a retheih miau chuan nun nuamin a awm chuang lovang. Mahni sum thawhchhuah bak baka sum la lut thei awm mahse a la lut ve thei lo, Mizoram chhungkua hmun thuma \hena hmun hnih hi inhlawhfa leh heng zinga chhungkaw \henkhat phei chu mi in luah an la ni leh nghala. Mi pakhat an va pawimawh em. CM a pawimawh ber mai. Lui tui luang fim sa a hnar a nut chuan a mawng lam pawh a nu \hin. Thubuai nei mek leh nei \hin CM i hnawl ngam tawh ang u.
MS-a Spock-main
—————-

Keini veng, ITI Mualpui ZONET line hi ruah sur leh \ek tlak apianga No signal en reng zel mai hi a khamawm ta khawp mai Pu ZONET. Distribution lah hi han call ila, phone an la \ha duh ngai bawk si lo. Furpui chhunga no signal en reng bik hi kan kham ta khawp mai.
Thlirtua
————

Kumin April khan New Life Hospital Chanmari-ah ka nu chu emergency-a rilphir zai a ni a, Health Care Scheme a\anga bill ve kan tum a, Health Care Scheme natna bill theih zinga a awm loh avangin min rawn reject ta a. MNF sorkar lai khan ka nau rilphir tho hi emergency-in Durtlang Synod Hospital-ah zai a ni a, engmah seng lovin Health Care hmangin kan chhuak tawp kha a ni sia. Sorkar hnathawk awm ve lohnaah chuan Health Care \ha hi a lo pawimawh hle mai tih han damloh chiah hian ka hrechhuak!
9485141120
————-

Rev. Chuau\huama’n Inrinni khan Vanglainiah tihian a ziak: “Bible hi science bu a ni lo. Mi \henkhatin Bible-in khawvel siam dan a sawite hi science thudik ang thlapin an pawm a. Hmanlai mite thlir dan chuan science chu a ni ve a, tunlaia scientific truth kan tih anga Bible-a science thute hi thudik hlawmah ngaih tur a ni lo. An khawvel thlir dan chu tunlai khawvel kan hriat dan nen inpersan tak a ni.”
Aizawl Theological College hotupa chuan zawng thlah kan nih a ring tlat a nih chu.
Kei Genesis leh Bible pum ringtu.
No. thup
————