Fakselna 28th December 2017

0
684
views

Fur laiin kawng a siam a theih loh tia mipui hrilhtu khan vawiin thlengin Mizoram mipui buhfai supply lakna, Rengtekawn to Bairabi kawng pawimawh tak siam hna pawh a la \an ta si lo hi mipui min ngaih pawimawh lohzia lanna chiang tak a va ni em!
Thlirtu
———

Clean Lungleiin thermocol a\anga siam, disposable items hman \hat lohzia leh mihring hriselna atana a \hat lohzia an au chhuahpui hi thil \ha tak leh dik a ni. Amaherawhchu, kohhran hrang hrangin ruai sa tui inna atana kan ram mau chang \ha tak tak kan sat vak vak mai hi chu a fuh lo tlat, kan environment humhalhnaah kan bawhchhe nasa a nia. Hetianga Mizoram hmun tina kan mau kan suat a nih chuan kan chhiatpui nasa hle dawn a ni. Hei vang hian kuhva hnah hmanga siam, thleng leh no Bilkhawthlir khuaten an siam hi hmang uar \heuh ta ila a va \ha ve aw ka ti. Anni pawhin a man hi titlawm ve deuh se, kan ram sum hnar \ha tak a ni dawn a, chuti lo chuan hnam dang vai hovin min chhuh leh mai ang. BKT ho kha \ang sauh sauh teh u. Hnam chhantu lamte pawh khan a tih dan in hria ang a.
Chhim pa
————-

Ka pu duh takte u, ruah a sur khat bawk a, kalkawng lam mawlh mai hi han vei tawh teh u. Kum thara hna \an thei turin PWD kha han tuai thar ula, han thawk tak tak tawh teh u. In thawh \hat chuan kum 2018 hnu lamah pawh khuallianah in la \ang zui ang a, khual zahawm tak tak in lo ni mai dawn nia. Tuna in dinhmun dik tak chu khualzahawm in ni phak meuh lo a ni ber mai.
Ruatdika pu
————–

Chakma ho saw Congress ho hian an vulh lian a, heti khawp hian hnawksak kan ti a, kiltin a\angin kan au luih luih a, chuti chung chuan Congress \halai hruaituah mi pangngai ni ve awm takte chu an la inpe leh ta nghal a, khua a var lo teh zawng a nih hi! Ram aiin pumpui puarna lam ngaihtuah vang a ni tih a chiang hlawm e.
No.thup
———-

Kawlthei huan mawng vela awm chuan halphuah hal khap pawisa lovin Krismas bawr velah khan an hal reng mai. Thuneitute khan \an han la deuh teh u.
Hming thup
————

Kei chu mimawl, kut hnathawk ve mai mai ka ni a, mahse, ram changkang te anga changkan kan duh a nih chuan la sawrkar ngai lo, sawrkartir hi a finthlak viau lo ang maw?
Keisee Gangte
————

Tunlai \hangthar zaithiamte TV-a zai hi ngaihnawm aiin a hmuhnawm. A chhan chu hla pakhat sak chhungin an zaina hmun an thlak zing lutuk. Vanhlui te, Daduhi te, Vanlalruati te, Routmawii te kha chu hmun khat a\anga hla pakhat an sak zawh zel \hin avangin a ngaihnawm thung.
Chhuanliana, BVT
————-

Kum liam ta zawng zawnga kan sualnate Lalpan min ngaidam se, kum thar 2018-ah chuan Pathian hriatpui tlakin kan hunte hmang \heuh ang u. Kum thar chibai vek u le.
Malsawma pa
———

Kum 2017 chu kan hmang liam dawn ta. Hnung lama thil awmte chu theihnghilhin kum 2018-ah chuan Mizo mipui zawng zawngten Krista nen kan nun i hmang \heuh ang u. Chuti chuan mi zawng zawng kan hlim dawn nia.
VL Ruata
————-

Kumin Krismas laia TV-a gospel hla sa ho chuan English hla deuh vek zu han sa mauh mai a! Tukin duhlian \awnga zai ka hmuh chuan ‘E, Zo\awngin an la zai thiam elaw?’ ka tih phah hial a.
Mizo \awng thiama
—————-