Fakselna 28th November 2017

0
477
views

Light Vehicle, Taxi leh Two wheeler khalhtute, mahni kalna lam tura signal light tieng a, a hnua off leh nachang hre lo ho hi Trafic duty hian an man thei lo em ni? An hnunga tlante tan a buaithlak.

Pa Sawma
————-

Mizote hi kan kimtlang, pianphung leh thil hlui (hmanrua) te chhui neuh neuh chuan Burmese hnam pengkhat kan ni mai thei tlat.
LB-a Pa
————–

Tuikhuahtlang Central YMA Hall a\anga Sikulpuikawn pan thlakna sira footpath hi a tlu tawh a, theihai kungin a lo dal a, a tlu lo chauh a, ke-a kalna chi a ni tawh lova, theihai hian a dawl zawh loh hun hunah a tla thla dawn a, mihring tan a him lo khawp mai. Thuneituten ngaihven vat a \ha khawp mai. En chian hian Theihai kung hi a delh awn \an niin a lang a, ngaihven vat chi a ni.
8119870233
——————

SEDP hi MNF party duan a ni a, an tum dan leh a dawngtu tur mipuite rilru a inpersan tlat. NLUP/NEDP-Congress duan leh kalpui mek a ni a, mipuite tan din chhuahpui tham a ni lo. ZPM hovin kut hnathawktu \anpuia sorkar \ha tak siam an ti a, mahse hei pawh hi Ram tana innghahna tlak belh chian dawl lo a ang. PRISM-hlawh pun aiin hna thar siam belha eirukna tihbo an ti a, a va \ha em. Mahse, an hotute enin awmzia a awm lovang. Kan ramin a mamawh bera ka hriat chu Pu Hawla hian BJP sorkar chak tak siam sela, mi chak Modi-a nen inkawpin hma han la se. Kum 5 chhungin kan ram te tak te hi chu khitah sang takah a awm ngei ngei dawn. Chu chu kan ram tan a \ha ber, party-ah buai tur a ni love.
Chhim Pa
————-

Lal Thanhawla inpekna avanga remna nei anga han sawi te chu a va han zahthlak ve le! Mipuiin rambuai nih hrehawm kan tih zia MNF Hqrs.in a hriat avangin an duh vang reng pawh ni lovin Zoram mipui an zah avang zawkin remna an siam ta a nih kha. CM seat pawh central-a an puten an kentir a nih kha. MNF-ten Aizawl an rawn luh ni pawh khan Lal Thanhawla kha Champhaiah a kal daih a nih kha.
Carolini pu
————–

Zu leh ruihhlo khap bur thei lo tur chu kei leh ka chhungte chuan kan thlang dawn lo. Kan ram hi tunah tak hi chuan khawizu leh hnute tui luanna ni lovin, zu sen chi leh ruihhlo chi hrang hrang luanna a ni ta ngawt zawk mai. kan Pathian thu hi kan awi ta lo em mai a, min hrem ta a ni ngei ang. Eng party pawh lo ding leh dawn pawh ni sela, zu leh ruihhlo khap bur lo tur party te chu kan ram a lo din chhuah leh theih nan i thlang lo ngam ang u.
L. Fanai
——————-

Kan CM chu a che na pep pep maw? A ram mipuite pawh min zah lo hle mai. A Mizoram hruaitua kan thlan lal leh chuan a ram mipuite min ei \am zo takngial mai ang. Keinin a in sakna ramah pawh kan kal theih loh laiin a ni chuan khuti khawpa in ropui a sa mai si a. Ei ru lo sela a sa thei bik lo ang. Zak miah lovin mipui hmaah thu a la sawi zuah zuah mai si a. Mizoram hian changkan lam aiin thlak hniam lam kan pan mek zel a nih hi. Amah avangin zak ngawih ngawih rawh se.
No. thup
———–

Chawhchawrawi Festival chu a zo ta elo maw? Talent Show cum duhthala ruih Festival em ni kan neih/buatsaih leh ang aw? Variety Show ang zawngin ti zui leh nghal ila a inhmeh tho awm si a. A hawn lam taima uchuak kan ni bawk a, Item hrang hrang kha Minister leh ‘ter lo deuh ten hawng zel ta se. Festival hun chhung pawh a lo berah thla hnih emaw te ni ta se, kan kal sup sup ang, hman tak tak kan ni hlawm bawk a. Tichuan a panna kawng pawh kan sorkar chak tak hian a siam hnum hlurh mai dawn zu nia.
8414883986
—————-

Pu Rama hian Swizerland of the East leh Missionary nuai khat a sawi lai khan mipui leh Kohhran a hmuhsitzia a lantirna a nih hmel.
Ruata pu
——–

Pu Rama hian kum sawm a lal chhung kha AITE CHHINNA a ti lek mai a, aipuiah phei chuan an chet nasat duh hmel.
Malsawma pa
——————–

Pu Hawla’n remna atana lal\hutthleng a kian ang khan tu party hotute mah hian an ti thei lovang. Pu Rama ngei pawh hian a thei lovang. Tin, Pu Hawla hi an beih nat zawh poh leh a chan an ti \ha mai dawn a ni.
VL Ruata
————-

Tunlai hian ‘VAI LIAM’ tih \awngkam hi kan uar ta deuh mah mah lo maw? Thawh\anni chhuak Vanglaini phek hnihnaah khan PHE Minister, Zodintluanga khan Swachh Bharat Mission hnuaia khaw 45 a sem tur dustbin chu Serchhip PHE Pisa tuala a vai liam thu kan hmu a, phek thumnaah khan Live young, live free drive 2017 Hmuifanga neih tura tel turte kha MLA, Lalrobiaka khan Zampuimanga thlan a\angin a vai liam bawk a, a vai nat viau phei chuan an thi nasa viau mai awm mange ka ti deuh, a kham a sang angreng sia. Flag off a nih mai avanga ‘THLAH’ kan hmang hreh em em hi enge a awmzia aw? Tun hmate pawhin mi khawi lo zin chhuak turte kha ban vai chungin kan thlah liam mai \hin kha a nia, flag vai tel tak mai vanga VAI LIAM kan han ti ta tlat mai hi chu a dik meuh emaw chu le? Flag vai chungin a thlah tih mai hi a dik zawk lo maw? Ziak belh ngai hi a tlem viau a nia.
Mesaka pa
————-