Fakselna 29th August, 2018

0
530
views

Thingtlang kuthnathawk, fur leh \hal pawh sawi hlei thei lo, hlo thlo \hinte ka chah ve duh chu hei hi a ni. Rim takin thawk la, sorkarah engmah beisei nei suh. I hna kha rinawm takin thawk la, malsawmna dawng tlaka i thawh phawt chuan Pathian, i mamawh petu che khan a chhang em em ang che.
Feltea nu
————–

Tuikuk hruaikir hi Mizoram sorkar thuneihna a ni lo. Central thupek a ni zawk. Tu pawh sorkar se an ti tho tho ang. Kan sorkar tih nia ngai lui tlat, mawl lui tlat ho khan lo hre teh u.
Duata pu
————-

ZPM hruaitute hi party dang hruaitute aia an \hatna tur ka hre lo. Hmana mite vek, mahni \anghma hai thiam ran tura mi senior beidawng intelkhawm mai mai hian eng ramthar mah hi min thlen hi ka ring lem lo ve. Mahni pawl kaihhruai beidawnpui, inhai vur chak ve si te niin ka ngai.
7005873180
————–

Dr. Thangtea hian party dang a rum \haih thiam thlawt lo a ni awm e. Sorkar loh hlauhna kan nei lo a ti a, chuti chu a inchhung lumah \hu thluang mai se, hetia uak vak lo hian. A bial chuamah a tla tawh a, a tlin theihna tur bial a dap mek tih hi mipui ngaihdan a ni e. Tihbuai a tum ber Congress party hian kan hlau chhete eih lo ve. Upa thuneihna hmanga suma inhai vur a nihzia a in ropui a\ang hian kan hria e.
Lalrinfela
————–

MNF leh Congress hi Mizote hian kan hrechiang tawh. ZPM bak hi Zoram damna tur a awm lo.
9612691391
————–

Tun \um Idol chu kum dang ang lo takin round tin hmeichhe Judge hmuhnuam tak tak inrawn \hut tir a, a manhla khawp mai. Next Round atan Siaha Judge hmuh nuam tak Jessica kha han \hut tir ve teh u, kan hmu nawn leh chak a nia. Host-ah pawh Serchhip Co-host kha kan hmu nawn leh chak khawp mai. Final hnaih lamah erawh chuan an thi a nih loh chuan Makuri leh Zonuni te tel ngeiin aw kan lo \hanhnan tawh tlat.
Thanpuii, Azl
————-

Mizorama party lian inti pahnihte inbeih dan hi chu ka ning ta khawp mai.
9436781749
————

DAN LEH MIZOTE NUN. India ramin Dan a nei a, a zahawm hle a ni. Khua leh tuiten kan tih tur langsar tak chu dan zawm a ni. Dan hi kan zawm tur a ni a, kan zah tur a ni bawk. Chumirual chuan dan chu a kengkawhtuten \ha tak leh dik takin an kengkawh ve tur a ni. Mipuiin dan chu \ha takin zawm se, zah bawk se tih kan duh laiin a kengkawhtu lam an inthlahdul viau si chuan mipui tan dan zawm leh zah a harsa \hin. Thil \ha tak chu \ha tak leh dik taka kenkawh a nih si loh chuan mipuite tan phurrit leh huatthlalaah a chang thei. A zawmtute tih tur leh a kengkawhtute tih tur a awm ve ve a nih chu. Aizawl khawpui motor jam fo pawh hi dan kan zawm \hat loh vang a ni.
RENTHLEI CABIN
————–

Motor nei chuan garage neih ngei ngei tur an ti a, kawngsira motor dah chu hnuhsawn zel a ni ang an ti bawk a. Mahse, tun thleng hian kawngsira motor dah an hnuhsawn tak hi ka la hmu lo reng reng. Motor nei zawng zawngin garage lah an nei hek lo. Huiham engemaw awmzia ni ta ang le?
Mr. Aizawl
————–

Kan ram, ringtu \ha inti awmna ram hi kan buai em em reng mai a, min uap lumtu tur kan thlang thiam thlawt lo a ni. An thau kan sawh theih lo chu eng ang a mi \ha pawh kan duh lo a, Mizoram ngil taka khal tur driver \ha tak kan mamawh tawh a ni. Kan \anghma ringawt ni lo, kan ram hmakhua pawh ngaihtuah tel a ngai tawh. Chuvang chuan kan vote thlakna tur hi beng sikin i ngaihtuah tlang ang u.
HAWIHCHINI
————

MPCC President, Pu Lal Thanhawla hian khaw tinah PC member muhil tam tak kaihthawh mai tur an awm tih hi an hre chiang khawp a. Congress chauh lai takin MLA Election hmachhawn turah thawhpuia a sawm angin PC-te nen an \anghova, Election Result a chhuah meuh chuan PC zarah Congress chuan anmahnin sorkar siam thei khawpin MLA an nei tam ta a. Thawk ho tura inrem an nih angin PC te nen chuan sorkar chu an han siam ta a. Reiloteah Pu Lal Thanhawla chuan PC ho chu mawng sawh dawtin a thlauh thla ta a nih kha. |ANGRUAL PAWL (ZPM)-ah hian MPC chu an tel si a, Pu Lal Thanhawla chuan mutmu pawh a tuah \hat theih tawh loh a rinawm. An chet vel dan han en hian CHALCHANG CHE an ang hle lo maw?
Vena Pu
————–

Lal hi zawng a nuam thlu ngang a ni ang, CM leh Minister rual thlenga an tlak duai duai tawh hnuah pawh, “Ka chawlh a hun tawh a ni ang” tiphal an awm thei lo.
RK Sanga
————-

Kan hnam dinchhuah zel nan kan Mizoram sorkar leh kan mithiam tak takte inthlahdul lovin \ang fan fan zel teh u. Kan mikhualten zak miah lovin kan chanvo min chuh ve ta zel mai! |anrual a ngai e.
Zopa
————–

Ruihhlo i do dawn a nih chuan chumi lakah chuan fihlim rawh. Zu zuar reng chunga ruihhlo han do te chu zahna chang hre lo tih chi a ni e.
Carolini pu
————–

Bawihtei pa KK khan zu zuar Pu Hawla i ti maw? Kei, R. LALHMUNMAWIA, TUIKUAL South hian ka zawt a che, khawi laiah nge kan Chief Minister zahawm tak Pu Lal Thanhawla hian zu a zawrh i hmuh? Zofate zinga Chief Minister ni tam ber chawimawina chang hre lo kan ni hi hnam kan nihnaah kan chiang lo a ni zawk e.
8119822863
————–

September ni 6 a\angin MPL chu kan han en leh dawn chu a nia leh! A duh thawh thlak leh dawn mang nge! Football-ah kan changkang kan ti a, India ram a\angte pawhin an rawn Bazar hial a. Mahse, MPL cover-tu ber ZONET hian replay pawh an ti leh thei lo anga, a hahthlak leh dawn mang nge! Camera-te pawh hi pahnih aia tam hi an dah ve thei tawh lo’m ni? A ngai rei ta lua e. Hmalam pan a hun e!
9436197459
—————

MIMER damdawi in saw sak tirhte a\ang khan a tawp thleng ka thawk a. Building zawng zawng leh a main building zawh thlengin ka hre chiang ve hle a ni. Congress ho hian tih tlem chu an nei a, gate pui saw an khawih a, tin quarters \henkhat saw rawng hnawihin party worker an thawh tir a. Tukverh chhia an repair a, chu zawng chu Congress ho tih a ni e. A hmaa a sak nan pawisa dawn chu vbc 40 leh tlem a ni a, building 100 dawn an sa thei a, a ropui e. Tuna MIMER tan pawisa an hmuh chu vbc 132 leh tlem a ni a, an thil tih leh lei saw va en hum hum teh u. Dawt sawi ching chu inhre mai ang.
Tluanga, Aizawl
————-

Mizo Idol zanin a\angin a thlir chhunzawm leh thei dawn ta a, a nghahhlelhawm leh ta hle mai. Feli Thangluah pawh a thawhna Bank training-a hun engemawchen a thang bo hnuin a \hu leh thei dawn ta niin kan lo hria a, ani hi Judge atan a vawi khat \hutna a ni chungin a duai lovin, a thiamin sawi tur awm tawk pawh a hria e. Judge-te leh zanina zai tur zawng zawngte duhsakna ka hlan e.
Puii, Aizawl
————–

Fakselnaa MNF sawichhe \hintute hian mihringte hi sawisel ngai lo kan awm lova, mahse lo ngaihtuah ve mai mai teh. Tripura anga Bengali ram ang kan nih lohna chhan chu an hlauh em em Arakan leh Bangladesh-ah te an awm vang kha a lawm. Hnamdang – Chakma, Vai, Assamese, Bru etc. te leh suamhmangte laka kan him fo \hin nachhan chu chhantu tur Arakan-a MNF te awm vang tho kha a ni a sin. Tunah an awm tawh si lova, tapchhak zawl a\anga hmui themthiam, dawihzep tak tak kan kat ta sup sup mai si a. DC-te pawh vai deuh vek, CM erawh a la vai chiah lo deuh tih mai a ni ta e.
Tlabung Uitangrual
————-