Fakselna 2nd April, 2020

0
73
views

Turkish film kan en \hin kha enga tinge a tawp tak daih a, kan la en laklawh si a, nghakhlel deuhin Dingdi kan changa englai mahin a chhuak ngai tawh miah lo hi pawi kan va ti em. Khawngaih takin lo chhuah leh hram teh u, min en zawh tir ula in duh leh a dang hi in chhuah dawn nia. Kan awl sia en chhunzawm kan chak em mai.

97740 66754

Social media hrang hrangah Covid 19 khuahkhirh leh sorkar hmalaknaa Mizoram pawna vaiho mawlzia leh sualzia kan hmu ta nual mai. Chuvangin lockdown hi sorkarin a thlahdul a nih pawhin Mizoram sorkar hian thla thum chhung tal chu ramri hi khar reng se la, Mizoram pawn mi tumah Zoramah luhtir lo se. ILP pe chhuak lo bawk se, Airport pawh khar zawm zel ni rawh se, Mizo mipuite kan him tlan zawk zel theih nan.
LT Ralte

98620 07651

Hunthar Vengho hian Police uniform ha hi check theihna dan an nei em ni? 1.4.2020 tlai a Lungverh a\anga office haw, 5th IR pa fel tak ruihtheih thil pawh tingai lo in lo check a ni awm a, police-te hi check theihna dan kan sorkar hian an pe em ni? Civil mi ten kan police-te leh zel an check hi a va tlawmthlak ve. Kan police-te u \ang rawh u. Civil mi check mai mai hian awm tum tawh suh u.
Hlondo R<n

80143 05198

Covid-19 vangin hloh tam tak nei mah ila, a lehlamah hlep tam tak kan neih phah a, \henkhat chauh tarlang ila : Boruak thianghlim kan neih theih phah. Ri bengchheng a ziaawm phah. Ni tin petrol leh diesel mana te, zu leh ruihhlo man, kuhva, zial, tuibural leh gutka products man te, make-up leh thawmhnaw thar mana cheng nuai tel kan senral tur te, picnic leh huau huau tih vela sum senso tur cheng tam tak te leh zirlaite tiffin, mid-day meal, pocket-money tih vela cheng tam tak ral tur a ral loh phah a, chhung tin chawhmeh intuituah nana senral \euh tur Covid-19 hian a tiziaawm bawk.

96126 23776

CYMA kaihhruaina hnuaiah ram chhung a vai dawr (cement, rod leh eichawp dawr) te kan check \hin khan Mizo nu leh Mizo pa \henkhat khan dawr an lo nghak fur zel kha a ni a, tun\um hripui leng chuan thil a rawn hailang chiang hle mai. Veng tin a LTF ten dawr hawng tur a kan han koh chhuahho chu VAI vek an lo ni tlat mai. Khawnge Mizo nu leh pa, dawr lo nghakho kha an awm tak le?

98628 62184

Lockdown chhung zawng hi chu Mizoram sorkar hian buhfai a thlawnin a sem ta sa sa, electric bill leh tui bill te hi free law law se a lawmawm leh zual ang. Hetih lai hian Greater Water Supply hi hmang tawh tho si hian, Siaha mipui chuan tui hi kan hnianghnar thei lo chu a ni ber hi maw.

96122 45884

Biak In inang, rin inang bawk kan Pathian thu hriat dan leh hrilhfiah dan inperhsan si hi a va’n tam tawh tak em. Pathian nung ringtu kan inti a mahse, a thu kan hrilhfiahna hi a hrang leh daih \hin a keini ang rinna kawnga la naupang tak tan chuan eng ber nge dik leh rintlak chu niang tiin kan buai thei khawp mai. Zawlnei derte tuallenna leh lemchanna khawvelah hian kan duhthlannain dika kan hriat lam zawk chu lo zui ta ila kawng dik lo lam lo zui hi kan tam ngawt ang. Chuvangin Pathian thu kan hrilhfiah danah hian fimkhur ila, rinna kawnga Nausen mai la nite tan pawh a hriatthiam awlsam turin. Miin, “I va’n sawi \ha tak em?” an lo tih beisei vang ngawt a thil inhmeh lo lutuk nena Pathian thu kan han hmehbel ngawt \hin hi chin tam loh \hain ka hria. Ani chuan a Thu chu belh emaw, paih emaw a duh si lo.
Chhaktiang Keite

76279 14601

Sorkarin lo leh huana feh an phal maw? Feh chhuak Covid 19-a an him chuan lockdown a ngai lo. Feh chhuak an him loh vaih chuan, kharkhip hi kan him bik lo. Thla hnih tuar a him theih a nih chuan tuar mai ang u. Tuna kan huan thlai ngaipawimawha feh te a vang hian kan thawhrah hi kan seng hman lo palh zawk ange.

81319 86888

E.! Khai.! Chhum dum kar a ni eng mawi tak lo chhuak ang mai lah niin Covid-19 avanga thil \ha inthup lo par chhuak ta hi ava mawi em. Mizo nih hi ava nuam teh lul em. Mizo mipui ten harsatna kan tawk ang tih hlau a Mizoram tana sorkar hnena \anpuina lut zozai te, mi harsa ten chaw an nghei ang tih hlau va pawlho leh mimalin, veng tina VLTF zawng zawngte kuta sum leh \anpuina lut zawng zawng te. Mi malin \henawm khawveng an \anpuina te, midang te tan leh Mizoram tan a nunna pawh chan huama mi inpe zo tak tak te, kan sawi vek seng lo vang. Hetiang ka’n hmuh leh ka’n hriat hian a ropui hle hian ka hria a, mahni hmasial leh mi duham tan chuan zah ngawih ngawihna tham niin ka hria. An neih bik vang ni lo a \henawm khawvengte hmangaihna avanga an han insawr chhuak thei ka hmuh hian. Heng mite hnenah hian lawmthusawina hi Zoram mipuite hian hlan mawlh mawlh tur hi kan ni awm e. Pathianin anmahni kal tlanga Zoram mipuite min thlamuanna hi a va hlu em. Hetiang mi hi Zofate zingah an lo la tam mai tih hria ila, hlim takin, beiseina thar nen \an i la sauh sauh teh ang u.
Lunglei pa

98620 81109

Dt 30/3/20 khan DC, Aizawl-ah Online-in curfew pass ka va dil ve a, tun thleng hian chhanna kan la hmu lo. A rang thei ang bera chhan a ni ang an ti ve si a. He pass dilnaah hian duty an awm lo nge? Eng nge a awmzia? A mak \hin khawp mai kan office thawktute hi.
Mission Vengthlang pa
Number thup

94369 16546:

Kan tunlai harsatna tawh mek vang ni hauh lovin, kan ram leh a leilung fate tan han thlir thui deuh teh ang. Kan VC leh YMA te hian kum tin hian harsa a kan ngaih \anpuina kan pek \hin te hi kan hrechiangin kan chhuichiang ngai em? A bikin ram dang mi, kan Mizo unau ni hauh si lo te hi an lo chawrchhuahna bul leh bal te hi kan chhui thui ngai em? Kan ram awm nuam an tihzia te, an rama an awm duh miah lohna chhan te. Kan Mizopui ngei zuankan a kan \anpui luai luaite ngei hian Mizote min lo hmuhsit si zia leh, keini aia an lo Ar \ial fin zawk si zia leh min lo dawn tawi tir theihzia te hi kan ngaihtuah tel ngai em le? Kan pek leh \anpui bak hi awm duhna chhan an nei ang em aw? An tan chuan pialral faisaah kan siam sak tlat a ni mai lo maw? Kan pe a, kan \anpui a, a \ha lo ka ti lo, kan chhang eitute hi doral lian chang turin kan chawm tlat a ni zawk thei. Duh hun hunah an duh zawng an neiin, nupui pasal leh fa te lah hi an awmna leh kalna apiangah an zawhte no neih zel bawk a. An fate lo seilian tur lah a leilung fate zawk tan inralrinna doral lian an la chang thei. Kan kal dan leh ngaituahna te hian min dawn thui tir deuh teh se.

9862130116

Tunah hian Zoram mipuite hi relief camp-ah kan awm mek a, veng chhung mi \hahnemngaiten relief fund phuahchawp ang reng takah, phal takin an neih thil te an chhunglut mawlh mawlh a, chu chu Local Task Force ten a khairual thei ang berin an semchhuak leh a, mangang lutuk chuan kan la awm love. He tih meklai hian pawl changkang chin deuh chuan CM Relief Fund-ah an lo chhunglut ve mek bawk. Tun dinhmunah khawi Relief Fund nge kan \angkàipui zawk ang?
Puipuii Pa

84140 29478

Tunlai khawvel hri leng covid 19 avanga kan Mizoram sorkar hmalakna hi a ropui ka ti ngei mai. State dangten hma an lak hmain quarantine system leh screening pawh uluk takin an lo kalpui nasa tawh a. A tirphat a\anga kan \anna hian rah \ha a chhuah mek niin ka hria. Health Deptt. lam an fakawm a, a changtu Minister pawh a fakawm hle. Ani hi chuan a department chan apiang hi a hnehsawh em em zel. Kan CM-in subsidised a ration sem a puang te, Minister leh Department hrang hrang an hmazawn \heuh a an hmalakna hi hmuh hmaih theih a ni lo ang. Kan sorkar hmalakna a test-na tur kan nei mai turte hi NE state dangte lakah pawh inchhuanna tham niin ka hria. Local level task force \angkaizia leh hetiang din thei tur a ngaituahna sen thiam kan hotute an fakawm thlawt. Hetiang hun harsaah chuan \anrual a hun a. ZPM-in rilru puitling taka sorkar hmalakna an thlawp thu hriat a nuam a. Tuman politics khelhnan i hmang lo hram ang u. Tuna kan sorkar laiin hma a lakna hi support ila, hma pawh a la chak e. Zoram \ang fan fan ang che.
Ruatruata Pa

98623 65847

Bairabi Local Task Force-in National Highway dan an rel a, an \henawm Karimganj Dist-ah covid 19 vei an awm vang a ni. An hmuh belh mek lehnghal. National Highway meuh dan hi chu sorkar chetna awm tak a ni nain, sorkar berin thawm a neih loh vangin local TF an mangang niin a lang. “Mahni kuta thuneihna inpe chawp” tia sel loin, LTF duty-te pui turin sorkarin magistrate leh police-te tir thuai se, tlawmah la lo mai teh se, hripui a hlauhawm em hi.

Tuaisiala

Chief Minister Relief Fund hi kan state revenue neihchhun a nih hmel a. Esopa thawnthua Sakeibaknei Puk kha a ang a, a lut lam thawm hi a ring viau a, a chhuak lam thawm hriat tur a awm ngai hlei lo a. Hmanna lam hi mipui hriat phal a ni lo emaw ni aw?

Hrangchala

Vânneihthlâk takin Mizoram chuan Covid 19 vei kan neih belh lova, Lockdown tawp thlengin neih belh loh bei sei ila. Amaherawhchu, kan chhuah ka ber te, Assam leh W.Bengal-in an la neih reng chhung chu inthlahdah thei kan la ni lo ang. Bangladesh leh Myanmaar lamte nên hian uluk taka kan la invên loh chuan, kan inrin loh laiin he hripui hian min la nuai phut thei tih hre rengin, sorkar leh mipui i \ang zêl ang u. Â taka, ‘Pathianin min vêng ang’ ti lovin. Pathian pawh hian thu awihte bawk a ni a vên \hin ni.
Zuitea pu

8415887724

Muslim ho khawmpui Delhi hmun pal tlang zinga Mizoram mobile number 20 chuang awm zinga Mizo hming 20 kha Mizo hming a nih avang ringawt khan ngaih tih \hat mai chi a ni ang em? Mizoramah hian Sim Card nung sa hi bazarah ualau tak a zawrh \hin a ni si a, tih hi ka lo inngaihtuah buai ve hle mai.

9678000351