Fakselna 2nd August, 2018

0
717
views

Mahni pawh engmah ni si lo, mi chanchin kan sawi peih viau leh kan rel peih viau chuan kan tluk lovin kan pha lo nasa a ni mai. Kan vengah hian mi chanchin sawi peih deuh an awm a, a Pathian thu tawh lo em mai. Amah chu inkhawm pawh taima deuh mai a nia, setana sipai rinawm takah a \ang.
No. thup
—————

Zu zuar hotupa ber chu ruihhlo do Committee Chairman-ah a \hu vung mai maw? Khua a va var lo tak em.
RUATSANGA RENTHLEI
———–

Sorkar-in zu a zuar a, sorkar vekin a do dan tur NGO-te nen an sawi khawm leh a, awmzia hi chu kan va nei lo sawt tak em! Sorkar hian zu a zawrh chhung hi chu ruihhlo hi do lo mai se. Nge ni zu hi ruihhlovah kan ngai ta lo zawk?
Pa Mawitea
————-

Mizoram sum hailuhna tur chhuanlam siam a, zu zuar, kan sorkar a hotupa ber, Chief Minister ni bawk chu ruihlo do Committee Chairman-ah a han awm a nia. Zu avanga nu leh pa ch^n te, fate ch^n tawhte leh unaute ch^n tawhte tan chuan pawm a va har em!!! CYMA pawh khan inpawm em ni? Kan sorkar hian hmaiphih fai nan a hmang mai mai che a ni lo maw! Kan ram hi a va ngaihtuahawm ta em. Hawh u, i \ang tlangin, i din thar leh teh ang u.
Pawibawia tupa
————

NLUP hi ka ten titu khan a sawi mawi leh tawh emaw ni le? Mipuite hi hmasawn tak tak turin duh se chuan trade tina pawisa pek tur hi vawi khatah an pe tla vek ngei ang le. Vote zawn nan chauh an duh vangin awmze nei takin an pe a ni. Vote zawn nan Zoram budget hman hi chu ram hmangaihtu tan tih chi hlawl a ni lo.
Vanapa fans
————-

Pu Hawla hova ruihhlo do pawl an han din mup mai hi chu an chhuanawm hle mai. Heti zet hi chuan zu tel lovin ruihhlo chu a tawm ngei ang. Sual \henkhat dova, a \hen tih zalen leh hi ringtu nun nen a inhmeh dawn em mi? Setana huata Diabol-a thurualpui leh si hi inngaihtuah chian leh a va \ul em. Zu hi a ruih theih tho si a. Mi thianghlim chhandam tling lo turte tih awm lek a ni e.
RZA Ralte TD
————–

Kan CM hi ruihhlo do tura hmalak a sawi a nih chuan zu, kan unau, kan pasal, kan chhungkhat laina min hraihlumsakna hi a huam em le? Huam ni se zu zawrh hi an tawp dawn a ni ang maw? Mahse, tawp pawh lo ni ta tehreng se kan chhungte min hraihlumsakte hi an rawn tho leh dawn tawh si lo a. Mi tam tak \ahna ruama min hnuk luttu hi a \hangharh ta thut nge, mipui bumna zawk? Lal hi a nuam hle a lo ni ang.
CL Chawngthu, Durtlang
————–

Lunglei hi eirawngbawlna gas hi a va awm thei lo ve. Blacker hovin an zuar thei reng si. Thil ti thei tan chuan ngaihtuah a va hun ve.
7085520111
————-

Pu Hawla chuan Aizawl West I, II leh III-ah kumin inthlan atana Congress candidate tur an hual tawh thu a sawi maw? A va \ha em! Mi \ha thlang chhuak zung zung hlawm ula, mi \ha lo mipuiin an tih, amah tiamin chawl ngam hlawm teh se. Party Leader atan chuan mipui hian Pu Hawla hi \ha an ti tlangpui vek. Sorkar hotu atan erawh chuan a party mi \henkhat tih mai loh hi chuan \ha ti hi an vang deuh chu a ni. Sorkar leh an duha, an tum tak tak a nih chuan an MLA neih lohna chu sawi loh, an neih mekna pawh hi ngaihtuahawm lo chu a vang ve pharh pharh tawh viau ang. Mahni liana inhria te hian an aia lian an hmachhawn fuh fo a nia. Vote chhiar tukah hian mumang tal ni hram se inti ngawih ngawih mai tur a nia. An ni chang a ni lo, party tin hian mi \ha, mipuiin MLA ni tlaka an ngaih tlan theih tur theh chhuak \heuh teh se. Politician nih vanga kei kei tih zah loh ngawt hi mipui thinlunga a ruka tet rawih rawihna a ni tih hre teh u. Minister leh MLA \henkhat khawlaia hmuh chang hian an intih milen ang hu-in an bul hnai maia nuihzat chana chang hmuh tur an tam zia ka hmu ve tawhin ka hria. Chuvang chuan in inngaih ang ngawt hi chu mipui thinlungah hi chuan in ni lo tih hi hre hram hram ula, inngaihtlawmna awmzia zir u la, nunpui tum hram teh u.
Mesaka pa
————–

Khawchhak Myanmar lam unaute, CHIN UNITY FORUM sawmna anga khuallian leh Speaker-a han \ang Pu Duhoma leh a team te chanchin media hrang hrangah kan lo hmu a, an Vice President Henry Van Thio nena an inkawmna te, Myanmar Parliament Session hial an lo chhim tir te leh Zofa Association of Yangon (ZAY) ten inpumkhatna Seminar an neihnaa thusawina hun an lo siam tihte kan lo hria a. A ropuiin, khawchhak unauten Zoram an rawn vei zia leh Pu Duhomaah rinna an neih thuk zia han hmuh hian keini Zoram mipuite pawh hi kan \hanharh a hun ta tak zetin ka hria.
Jonathana Pu
————–

Kum 2018 Mizo Idol Host Lancy, i ti \ha khawp mai. Ningani ti lova Nilaithawh\an i ti kher kha midang pawn lo ching ve mawlh rawh se. Information-a puang \hin te leh Kohhrana thupuang \hin ten Ningani an tih hian Nilaini an ti emaw tia buai hi kan tam \hin em mai.
Pa Rema
———–

ZONET BEISEINA Programme-ah hian zaithiam chhuak thar deuhte zai hi in rawn tichhuak tlut tlut mai niin a lang a, he ti lo deuh hian Programme hi a duan theih em aw ka’n ti ve a ni.
8974771496
————-

Tlabung khuaa upa pakhat chu a zai vung vung \hin a, he hla hi a sa \hin a, ‘Tlabung tuipui a lian, a kuang a fawn liam e’ tiin a zai \hin a. Tlabungah hian kum 2017 kum leh kumin khan tui chu a lian a, a kuang a fawn liam reng a ni. Tunah chuan tui chauh a rawn lian ta love, Bangladesh ram a\ang hiam Mizoram rawn chimpil tumin Chakma mipui an rawn lian zel a, hma an sawn thui em em tawh lai hian kan pil vek hma hian aw Zoram lo harh chhuak thuai thuai rawh khua i tlai hma hian.
Tlabung Aw
—————-

Pu Hawla hian politic a luhchilh tirh a\anga remna leh muanna hi Congress-a a luh chhan a ni. Central lam thu avanga seat kian a ni lo. Pu Denga’n CM Post a phut vang leh remna thlenna tur anih vanga CM post kian a ni.
Duata pu
————-

Party dang dangte leh a bik takin Congress leh MNF te hian Pu Lalduhoma Policy kharchhawngin sawhthing cheng chuti zatin kan lei dawn te an ti a, mi Policy hawh miah lova mahni idea anga thil thar han zawrh tur hi an nei thei ta miah lo a ni ngei ang. Sawhthingte chu lo lei ve pawh ni se, eng ual an thlenpui a rinawm loh. Nau chu, “A HRINGTU” ngei inna a enkawl loh chuan nausen mizia a hriatchian si loh avangin a tlei thei lova, a \ap vak vak a, a tawpah a aw chhang zo lo chuan thihna hial a thlen a ngai leh ta \hin a ni. Vanneihna lam ai mahin vanduainaah min thlen leh ta \hin a ni. Chuvang chuan keini ZPM lam erawh chu nauveitu leh nau hringtu kan nih miau avang leh nau enkawl dan kan thiam avangin an \hang duangin, an seilian duak duak dawn a ni. Chutiang chuan ZPMin sawhthing kan chintir bik leh an tharchhuah chu Zoram hian nasa takin a hlawkpui ngei ang tih a chiang reng mai.
MSA, AZL
————-

Mizoram PWD-in kawngpui km 4,430 repair nan Km khatah cheng nuai 5, sing 4 leh 632 a neih laia kawng a chhe em em reng hi ruling party-te hian mipuite hi min han hrilhfiah teh u.
9862508491
—————

Sawi chi leh chi loh ka hrethiam lo a. DDK, Aizawla fakna, Ministry of Rural Development lam tihchhuaha zai mawlh mai hi! Engtin nge an thiam zawk le?

Hetia vai rimawi leh zai tluka Mizo \awng ni si a hla hi tih kher tur em ni le? Mizo \awng pangngai, Mizo hla thluk pangngai hmanga zai hi DDK hmunpui lam hian an phal lo zawk nge ni? Tin, fakna dang, sorkar laipui ruahmanna/kalphung ang chi vai aw phawi \awng pai deuha tih kher \hin ang te kha tih ngei ngei turin a hmunpui lam hian thuchhuah an siam nge?

Mizo thu leh hla hmang hian tih ve theih mai awm.
Hetiang thil hi Mizo \awng pawngsualna niah ka ngai.

Mr. Pawngvina, Kolasib
————