Fakselna 2nd February 2018

0
688
views

Eng card card emaw link kual tih hi a va khamawm ve, India rama state pakhat kan ni a, kan CM hian a thuneihnain a khap thei lawm ni? State dangah pawh Bawng talh loh tur an tihin an talh lo mai a, keini ve chu tih tur an tih apiang tih vek kan tum a nih chuan nakinah chuan BJP Card in neih loh chuan engmah in leiin in hralh thei lo ang, te pawh an la ti mai thei a nia. Heng hi chu kan aiawha kan thlanten an buaipui tur a ni a, mipui tana thil \ul buaipui lo-in, mahni pumpui leh Tuikuk leh Chakma an buaipui zawk a, hetiang a nih zel chuan kan la buai tulh tulh ang. Ram hruaitute hian \an han khawh teh u. Hetia kan awm zel chuan puakphurah min la hmang mai ang.
9612238063
————-

Kan Mizo hmeichhiate hi faknaa an ha chhing lutuk mah mah lo maw aw ka ti. Keini Kristian ram tih atan chuan a mawi lo lutuk tlat, duh leh milem be ho hian ti mai mai sela an inhmeh tawk lekin ka hria.
No thup
————

PRISM ho chuan an Sihphir pa thlavang chu an va hauh na em em ve le? An chhungkhat laina hnaivai emaw ni hial zawk chu tih mai tur alawm. Inthlan hnai viau ta lo se heti tak hian an lo ri ve sek peih ang em. Kei chu ka ring miah lo. A tuartu tawrhpui loh vang ni hauh lovin.
Tlangvala
————-

Khawvel ram hrang hrang sorkarten ruihhlo an do a. Keini ram ve hi zawng YMA-in theihtawp chhuahin an dova, sorkar hian a thlir a ni ber a. Sorkar ruih theih thil do ngam kan neih hunah awmze nei thuk leh sawt zawkin kan la awm ang chu.
RK Sanga
————

Sawrkar thar a lo pian theih nan tiin Pathian \ih mi mi dik, mi rinawm, Kohhran upa-te phut chhuah ka tum a, tuman zuk han duh miah lova, ram rorelna \ha hi kan duh tak tak lo niin ka hria, ka vei ve tawh dawn lo.
9612226314
—————-

Tun \um Police lakah khan san zawng tehna Measurment lakna kha Counter tinah khan a inchen lo vekin an dah em ni? An va tawi hlawm ve. Tin, naupang kum tling lo tur pawh ka hmu nual mai.
No thup
————

YMA-in RAM LEH HNAM HUMHALH kumah a puang a, a pawimawh reng a ni. Kum engemaw zat chhung chu kumpuan ah an lo hmang tawh a, a lawmawm viau mai. Tun \um kan Central YMA President, Pu Vanlalruata hi Pathianin a hun takah a rawn tarchhuak ah ka ngai. Pu ruata hi a huaiin a taima hian a lang a, Politic game-ah a hman ve ka ring bawk lo. Ka lo vei ve em em \hin, in neitute’n kan Mizopui aia Bagha vai Mistiri mai mai pawh in luah atana an duhsak zawk \hin hi YMA te hian chhui chhuak hlawm sela, sawi maia kum puan a ni ti ringawt mai lovin a taka feh chhuah a hun tawh takzet a ni. Thingtlang a\anga zirlai, mi in luah tur zawng leh pem lut tur te, in luah sawn turte sawi tam ber chu, vai an duhsak hlawm lutuk a, tih hi a ni tlat.
Nghakhlela
————–

Mizoram, a dung km. 300 a vang km. 200 pawh tling lo kan ram kawngpui hi a va \ha thei lo tak em. Border Roads Organisation ten motor kawng an enkawl khan hei ai hi chuan a \ha zawk kha a nia, kan ram kawngpuite hi tu party rorel laiin nge PWD kut ah an dah le? Hetiang hi a nih chuan rei lote-ah motor tlanna tlak loh kawngpui kan nei thluah hmel hle mai. Chu mai a la ni lo, supply Ration card-ah chawlhkar khatah puitlingin buhfai kg 3 kan la \hin kha a ni a, tunah zawng thla khatah kg 8 chauh, chawlhkar khatah kg 2 chauh kan la ta hi chu kut hnathawk hian kan kham lo a ni e. Chini leh khawnvartui pawh Ration Card hmangin kan la thei lo, a tawp ta em ni? Mi retheiten SORKAR tur, VOTE hmangin kan BÛK leh dawn che u a, mirethei kan tlem lo tih lo hre mai mai teh u.
9402108995
————–