Fakselna 2nd March, 2020

0
105
views

Kan ram hruaitu lu ber, Pu Zoramthanga thusawi \hin dan Pu Duhoma’n a rawn sawi kha a dik hle in ka hria. Dik tak chuan ramhruaitu ber \awng tam lutuk hi chu a mawi lo hle reng a ni. Mi ram hruaitute hi chu han thlir hian an \awng mai mai lo hle-in ka hria, theih loh tur intiam vak vak hi kan ching a, entir nan khawpui hnuai leiverh han sawimawi vak ang chi te hi ching tam lo se a duhawm hle-in ka hre \hin.
Aizawl pa

98628 98731

Inthlan campaign lai khan Pu Zoramthanga kaihhruai party hian an sawrkar chuan cheng nuai khat mai ni lo, cheng NUAI THUM aia tlem lo sem min tiam a, sem chu sem a ni. Naupang hnenah thu in awi chuan sweet pathum ka sem ang che u ka ti a, tlai chaw eikhamah min dil ta a, in chaw ei manah khan sweet ka semna tur che u kha chu a tel vek tawh ti ta ila, sweet pakhat mah ka sem lo a ni. Chutiang vel chu hmanni a house-a Pu Zoramthanga’n NUAI THUM aia tlem lo sem an intiamna sem zel tawh anga a insawi ang kha a ni. Khatiang zawng a kan sawi dawn anih chuan sawrkarna lo chelh tawh zawng zawngte khan nuai tel chu min lo sem tawh tihna a ni. Mahse min semin min dawn tirah kan pawm em? Rilru neutral tak a\anga kan ngaihtuah chuan tumah in min sem kan tih ka ring lo. Kan ram hruaitute u, damna leh hriselna te, finna leh in duh tam tak petu che u kan Lalpa Pathian hi zah in dikna a rorel leh ram kaihhruai hi tum hram hram turin ka ngen a che u. Hetiang mai mai a kum sawm tel in kaihhruai hi chu Zoram mipui hian kan kham \an hret hret zel a nia, opposition nih lai a dik lo tam tak hmuh a sawi a, rorelna chelh hunah erawh sawi mawi hram hram dan ngaihtuah hi a hun tawh lo in ti ve lo maw? Dikna in a hneh \hin.

Khawlhring Tlangval

7640958832

Tata Motors fakna a kum 6 emaw nuai ruk emaw tih hi eng nuai ruk nge ni kan va hre thiam lo ve a awm zia eng nge ni,
Pu Zonet?

9436754005

Khawnge i han chhimthal bekang puah leh phawng mai teh ang. Vaibel chhia siam nan mau hi kan ngah tawk tawh lo em ni? Kan mau chi lak luh hmasak te pawh vaibel rual lek lek a tam tawh tehreng nen, siamtu’n a ram leilung mil tura a lo dah sa hi a \ha in a tawk mai lo em ni? Paper siamna atan pawh a \ha em em si a, hralhchhuah sen loh kan nei a lawm, mau a tam avangin thlawhhma pawh duh anga zau kan vat thei lo a ni a, intodelh a har a ni e.
Lunglei pa

98620 81109

Kan ram Mau hi a lian lova, a hlawk lo titu hian Mahal tir tawh suh se. State dangah a tleh lut dul dul asin.
Rua hmangin Central sum an hailut ang a, tute emaw account a pung thur thur dawn.
A tharchhuaktute erawhin an hlawkpui nep khawp ang.
Baffacos kha hrereng rawh.
Puipuii Pa

84140 29478

Kan CM khan SEDP an flagship programme a sawi \hin danah khan a pawisa fai / cash a Congress hoin NLUP an sem ang ni lo-in an thawk phawt ang a, an thawh dan milin kan pe ang a tia, tunah Lengpui-ah a pawisa faiin a sem leh tho si a, tihdan tur \ha hria ni awm takin a insawi a, Mau bak hi hma lak dan tur hi a hre vak lo a ni ang a, mau ch^ng nei lo, a ler mit tlin tawk a tihte kha chin tir a tum em? Uitangrual te khan an Support bawk a, anni tal chuan ching sela a \ha ang chu mawle!
Lianhnuna

6909715764

Ramdang rua hi kei chuan ka huanah ka ching duh teuh lo. Mizoram mau ngei a ni ka duh ni. Ram dang thing leh nungcha lak luh ringawt hi a pawi thei phian. Kan ramah hian tlangsam a par \hin a. Tunah chuan Japan hlo ten an dip ral deuh vek tawh. Florida a Awle pawh Burmese Saphai ten an dawlh zo thuai ang. Australia-ah Sanghawngsei kum 1880 vel khan ritphur turin an la thla a, chumi hnu lawkah r>l a tlan tak avangin an mamawh leh si lova. Ramah tla in an inthlah pung a, tunah chuan nuai sarih vel lai ram hnim an ei rem nasat vangin suat an duh a, an tlan chak ve si a, Helicopter a\anga kah te a ni an sawi tawh.
Chuvangin ramdang rua chawk luh ringawt hi nakinah a la pawi thui viau thei tlat. Chu a chapah sorkar sum, chhungtin ten cheng nuai thum kan dawn tur min tiam kha an pawt peng dawn emaw ni.
“Ka Pa ngaidam rawh, an thiltih hi an hre lo a ni e” ti turin an thil tum \hat loh zia mithiam ten an ziakin an sawi tawh a, tih luih an tum tlat si a.

Ramliana

9436197357

ZPM lam hian ramri an vei viau mai a, ni e vei tur dik a ni. Tunah MNF sawrkar kan hrawn ta a, anni hi vaiho kap a lo do \hin tih takah, ram venhim kawngah pawh an kap ngamin an do ngam turah ngai ila, vaiho kut Mizo in kan tawrh fo mai pawh hi chhang leta, thungrul vat vat ngam turah ngai ila, hnam huaisen kan nihna kha i thar thawh leh ang u, a \ul phei chuan ramri a vaiho kap tur sipai lak runpui nei ve se, Baal hma a kun ngai lo Zoramah hian an la awm ve.
Nghaka Serchhip

9862130116

Kan Sorkar Flagship programme puiber, Mipui Pawisa Budget hmanga hmalakna, “Raw Project” hlawhtlin ring lem lo hi 100-a 80 lai Zoram mipuite hi kan ni hial awm e. Chuti ni si, sawisel / dodal taka ruanga, a nuihza fiamthu thawhna angreng zawng chauh maia kan kalpui hi chu a va fuh chiah lo em. He thilin a nghawng leh tur thlirin, a chingtute beidawnna leh retheihna bakah sum tam tak senralna bak a thlen hauh lo ang tih hi ring ila, mutmawh hnarmawha kan neih a hun ta takzet a ni e.
Kan CM in a sawi ang a hmanna tur tam em em, a bulbawk pawh tih dip-a Plyboard siamna atana \ha, kung 1 a\anga cheng Sangkhat lai lakluh theihna hial anih si chuan, engvanga kan ram rua leh Mau te hi hman ve theih loh nge anih? Nitina kan \henawm State ten a sang tel an ram lama an phurh liam zozai te hi engatan nge an hman bik? Hetianga kan neih ve reng mahni ram thil hnawl a, ramdang thil hmanga hmasawn tum tlat mai hi, keizawng hriatthiam har ka va ti em! Kan Sorkar pawh hian thui tak an kal hma hian ennawn leh thei hram se. Anih loh pawn tlawma la loin ZPM Policy “Thlai thar leina Budget a DAH” te hi ti ta zawk se kan ram chuan hma a va sawn zawk dawn em!

Mizo Tlangval

9366630785

Ni 2/2/2020 zing karah bazarah ka kal a, vai pahnih tuichawia inhlawh ka hmu a, vawikhat ah tin 2 an kawt a, tui chawi man ka zawh chuan Rs. 40 leh Rs. 50 a nih thu min hrilh a, a hlawk hmel khawp mai. Mizo mipate hian tui chawi hlawkzia hi an hre lo nge? An peih lo. Zing karah Rs.300 an hlawh hmanin ka hria, mi pangngai tan tui \in 2 a rit lo. Tin, power house hlui bulah hian Sumo a\angin chawhmeh a lo thleng \hin a, bazar thleng hi phurh sak an ngai \hin. Hei pawh hi a hlawk, mi taima tan chuan pawisa lakluhna hi a tam khawpin a lang. Kan ram \halaite hian chhungte thawh chhuah sa rin ai chuan mahni intodelh hi tum se, hei hian ram hmasawnna thui tak a kawkin ka hria. Sawrkar hian SEDP ah Rs.3,00,000/- pawh sem se, hnathawh kan peih loh chuan RAM LEH HNAM din chhuahna kawng a awm lo.

Johan Lalrinawma pu, Saron Veng

94363 92544