Fakselna 2nd October, 2018

0
511
views

Central hmalaknaa Bru ho chungchanga an tihdan hi a va \ha em. Mahse ka’n ti teh ang, hetihlai tak hi tlawmngai pawl YMA-ten kan mit leh kan beng kan chhit hun niin a lang. Kan sorkar hian a ruk tein a lo kheuh leh mai ang tih a hlauhawm khawp mai. An vote a duh hliam hliam em.
Fela pa, KK
————

Hman kumah Kelkangah harhna a thleng a, khaw tinah chu harhna chuan Zoram pum min ti harh ve a, kan harh thar ve ta ruih ruih mai a nih kha. Chutiang deuh chuan Congress Party-ah pawh Zoram pumah harhna a thleng ta chur chur mai le! Congress Party chhuahsan harhna kan ti mai anga, a chhan ber nia rin theih chu Pathian duh loh zawnga ro an rel vangte pawh a ni thei awm e. NLUP a thlun tan engemawzat chu la awm bawk mahse NLUP dawng zo tawh tan dawn leh tur a awm tawh lo tih an hre ve tho a ni ang. Pathian mite tan awm vena chi a ni tawh lo ti pawl te lo awm vei nen. Hahthlak hle mai.
Zova
————–

Saipui kallai Uitang naranin a bauh din theih loh kha tunah chuan Uitang ni lo Ui pate-in a bauh ding ta zuah mai le. Pu Zira nge nge i ti \ha e, \ang sauh sauh rawh kan star lutuk che a nia. Tunah chuan kan Police kut pawh phuar a nih tawh loh kan beisei.
Khawthlang Paho
————–

NLUP tih vel mai mai hi chu sawi chhen tawh suh u. Engtin nge zu leh ruihhlo hi kan tih rem ang tih i buaipui vat ang u. Zu la zawrh nge i duh, kan Zoram chhiat vek? Zu vanga Zoram rumna hi theihnghilh loh i tum ang u. Zu zuar leh tur sorkar kan thlang leh a nih chuan kan chawh tawh ngawt ang.
LZ & Party
————–

Pu Zira pawh hian MLA ngawr ngawr hi a khel a ni mai lo maw? Kha leh chen kum sawm chhung khan Cabinet Meeting-ah Saitual District pek chungchang a put luh thu hriat a va ni lo ve.
RK Sanga
————-

Mite tan a \ha dawn lo a ni tih hre reng chunga thil \ha lo tih luih tlat hi a suahsual thlak a, a nunrawn thlak bawk. Tu chhungkua mahin ruihhlo hi an \hatpui lova, chuti chunga zu sorkarin a zuar lui tlat hi mipui min hmangaih vang zawng a ni hauh lo mai. Sum duh luat vang mai a ni e. Pathian hmingte chu an la lam leh nghal.
Carolini pu
————–

Minister/MLA-ten an bial chhung mite thil man tam tak tak an pek hian anmahni sum bik a\anga pe an nih chuan a lawmawm thei viau ang a. Chuti ni lova, sorkar/mipui sum a\anga pe an nih chuan a petu mimal chungah a lawmawm viau hran lo mai thei a ni.
8837489511
————-

ZPM party hi in a hle mai, in MLA neih chhun chiangkuang vak lova inchhuah duh tlat mai hi a pawi thei viau lovang maw? |angrual pawl inti si hian in chhungkuaah nget a awm ru tlatin a lang. Sorkar tum tan chuan inenfiah nan intlai tawh viau mai thei a ni. Kei kei ti lovin nang nang tih kha in thu leh hla pakhat ni khan ka lo hria a, \an lak inngai hle a nia.
Duhsaktua
————–

Zu zawrh leh Baal hmaa \hing\hit pawh hreh lo, Hnam pasal\hate kekawr mawng\et ha, Mautuai haka thi mai tur te, Uitang ang leka ngai, Pathian hming a narana sawi \hin, Pathian nung bia inti Pu Hawla hi hnama min dintu Pathian pawi a khawih avangin paihthlakin a awm mek a, hnama harhna thlipuiin Zoram dung leh vang a tuam mek a, Pu Hawla leh a family te hian NEDP AK 47 leh NLUP Missile hmangin \an lo la ve bawk \hin mahse, indona chu Lalpa indona a ni a, hnehna chu Lalpa ta a ni si a, an indang zo dawn lo niin a lang. Hnama min dintu, Pathian hrereng la, i ram i hnam chhanhim rawh.
Tlabung Uitangrual
————-

Tuikuk chungchang hian Zofate inpui kan zawlbuk chhungah ngei pawh sawi a hlawh zing ta hle mai a, Central sorkar pawhin thu tihthluk mai harsa a lo ti fo tawh. Mizote Mizona a\anga zuk thlir pawhin khawiah nge i ram tiin zawt mah la, ram leh hmun an neih an sawi thei chuang lo. Pu R. Vanlawma kha vawikhat chu L. Keivom khan khawnge i ram leh kei chu tia a zawh khan a chhang mumal thei lo a nih kha. Tuikuk tan phei chuan a va harsa dawn tak em.
RENTHLEI CABIN
————–

Dt.28.9.2018 (Zirtawpni) khan Kawlbem Congress chu ni khatah Rs. 3,000/-in an inhlawh a sin. Khaw dang Congress-te hi an inhlawh ve dawn em aw?
7628973897
————-

Mahni chhawr tur chauh ngaihtuah lovin ram leh hnam tana \ha tur ngaihtuahin vote thlak ngam tawh ang u.
7085520111
————-

Dr. Thangtea khan District pathumte hawng thei lo leh a ngaihna hriat loh thlak ti khan a sawi a, tu party pawh nise, an function duh lo ang. A bial chhunga awm tur khuaten an duh loh leh mithiamte pawn \ul an tih loh hi chak duh vang ngawta sawi fo hi RAM HMANGAIHTU AU AW a ni thei lo.
Duata pu
————–

Mahni thawhchhuahin mi i \anpui ngam ang u. Tun ang laiah chuan inhlawhna tur a tam. Midang pawisa dila mi \anpui tum hi a zahthlak. Kan dila te pawh khan \anpui sen loh an nei ngei ang. Mi kan \anpui duh tak tak a nih chuan mahni kutkawih liau liauva \anpui hi a hlu bik. Chutah miin phal taka an lo thawh ve a nih chuan lawm taka dawn mai tur.
RUATSANGA RENTHLEI
————

Enga tinge aw Pu Zorama MNF President hian rorel mek Congress Ministry ten inthlan hnai tawhah a biling a balangin contract hna an pe tia a puh mai le? An tih ve hnu tho kha a ni si a. Tumah inen let duh reng reng awm hlawm lo mai. Hahthlak fai vek hlawm mai.
LB-a Pa
————-

Pu Hriatrenga mi dik, mi \ha, hetiang mi hi a ni lo’m ni Pathian thuawih chu? Mizo hian Pathian thuawih kan tehdan hi a dik hlel deuh lo maw? Inkhawm peih deuh leh Kohhrana inhmang deuhte hi Pathian thuawih emaw kan ti mai a hi a \helh deuh tlat. Pu Hriata hi ka lo hriat ve dan chuan Guwahati-a an awm lai pawhin mi harsa damdawi ina inentir turten an belh \hin, a \ulna apianga kalpuiin, sum leh pai pawh anmahni retheih phah \hak khawpa mi harsate lo \anpui \hin a ni. Ka ngaisangin ka fak khawp mai. Hetiang mi Mizopa dik tak kan nei hi kan vannei hle mai. Bible pawhin mikhual chungah \hat chhuah theihnghilh suh min ti a, keini Mizo Kristian tam tak hi chuan mikhual chu sawi loh, mahni veng chhung mi pawh be \ha peih lova kal pel ngauh ngauh \hin hi kan awm nual mai. Kohhran Upa \henkhat phei hi chu hawi pir ve fe fe ka hmu nual mai. Pu Hriata te ang mi huaisen, dikna \an ngam ram tana CM a dik lohna hai langa khing ngam hi Zoram mipuite hian kan thlawp ngam dawn lo’m ni?
Ramhmangaihtu Rema pi
————

Petrol puma in line-naah hian second rider-te hian chhuk nachang hre \hin se a \ha lo maw le?
Laltea
———–

Lal hi a nuam a ni ang, lal loh hlauvin MLA \henkhat chu a mawi pawh thlu lovin an hmelma \hin Party an bel chawt chawt mai a lawm. Ram an hmangaih tak tak lo, an pumpui chiah an hmangaih. Mipui tam zawk chu bumin an awm leh dawn chiang si a.
Anonymous
————–